Контакт

Македонија

Сојузот на средношколците нема одлука за бојкот на наставата, МОН апелира до учениците да не отусуствуваат од часови

Објавено пред

По објавувањето информации во некои од медиумите дека учениците од одредени средни училишта се организираат денес да ја бојкотираат наставата поради дигиталните учебници, Сојузот на средношколците се огради од ваквите акции.

Од тука велат дека средношколците не организираат никаков бојкот, туку тоа се одредени групи што манипулираат со јавноста. Сојузот никогаш не организирал ниту, пак, повикал на бојкот поради дигитализацијата на учебниците.

„Најпрвин мораме да кажеме дека нема потреба од такви појави. Дигитализацијата на учебниците се однесува на само на IV одделение, според нашите информации. Само учебниците за IV одделение ќе бидат дигитални од септември, а многу години ќе поминат додека почне процесот на дигитализирањето на наставните материјали во средното образование. Наш став е дека секој ученик треба да го има правото да избере од каков учебник сака да учи. Но, ваквите повици за бојкот ги манипулираат и им штетат на средношколците. Многу ученици денес беа манипулирани од страна на ваквите групи, без да знаат за што точно се бојкотира или кој го организира тоа, па затоа ги повикуваме образовните власти да им ги оправдаат изостаноците. Ученици, овој бојкот е лажен и беспредметен“, наведе Сојузот на средношколците.

Министерството за образование и наука упати апел до средношколците да продолжат да учествуваат во воспитно-образовниот процес, кој треба да биде нивна единствена грижа и интерес.

Во спротивно, како што велат од МОН, отсуството од часови и настава значи загубено време и знаење, кое понатаму тешко се надоместува.

„Бојкотот на наставата значи отпор кон промените што се креирани во согласност со времето и ерата на ИТ-технологијата во која младите живеат. Од интерес е за сите сегашни и идни генерации ученици македонскиот национален образовен систем да се развива, да напредува и да фати чекор со трендовите и процесите во современиот образовен свет, меѓу кои е и дигитализацијата на материјалите за учење, што кај нас како промена ќе се случува етапно и во овој момент воопшто не ги засегнува средношколците“, велат од Министерството за образование.

Истовремено, нагласуваат дека исклучително е важно во целиот овој процес да се следат сите официјални информации и одговори на прашања и дилеми во врска со Законот за учебниците, кои транспарентно и на дневна основа ги даваат Министерството за образование и наука и другите институции што учествуваат во креирањето на промените.

Сите други извори, како што велат од МОН, не се релевантни, а многу често и информациите што се пласираат, особено на социјалните медиуми, имаат манипулативен карактер и цел да поттикнат несакани реакции токму од страна на учениците и нивните семејства.

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Груевски, Камчев и Мијалков обвинети за „Плацевите на Водно“, се бара продолжување на притворот за Камчев

Објавено пред

Обвинителството бара експремиерот Никола Груевски, заедно со неговиот кум Ристо Новачевски, ексдиректорот на УБК, Сашо Мијалков, бизнисменот Орце Камчев, неговата мајка Ратка Камчева и Ненад Јосифовиќ, да одговараат за случајот „Плацови на Водно“ и поднесе обвинителен акт.

Според Обвинителството, плацовите на Водно кај Шестата управа се платени 1,3 милион евра, пари од донации од фирми и членови на ВМРО-ДПМНЕ, кои наместо да ги внесе во партиската каса, Груевски ги инвестирал во земјиштето на Водно.

Во сето ова, тој не бил сам. Сите се гонат за кривично дело перење пари и други приноси од казниво дело, а Мијалков за помагање при извршување на кривичното дело.

„На обвинетиот Н.Г. му се става на товар дека сторил кривично дело перење пари и други приноси од казниво дело и кривично дело противправно стекнување и прикривање имот. Обвинетите Р.Н., Н.Ј., Ј.К. и Р.К.К. се товарат дека сториле кривично дело перење пари и други приноси од казниво дело, додека С.М. е обвинет за помагање при кривично дело перење пари“, се наведува во соопштението од обвинителството.

Обвинителот ценејќи дека се исполнети условите предвидени во Законот за кривична постапка бара продолжување на притворот за бизнисменот Орце Камчев, притвор за експремиерот Никола Груевски по неговото пронаоѓање, еднаш неделно да се пријавува во суд и одземање на македонскиот и бугарскиот пасош за Ратка Камчева, мајка на Орце Камчев. Да се јавува еднаш неделно во судот, се бара и за Ненад Јосифовиќ, кој бил сопственик на веќе регистрирана офшор фирма во Белизе.

Обвинителството смета дека постојат основи за определување на притворите. Според посочениот член од Законот за кривична постапка, обвнителот се сомнева дека постои опасност осомничените лица да се скријат, но и околности кои укажиуваат дека тие можат да се дадат во бегство.

Според обивнението, во периодот од месец јуни 2006 година до октомври 2012 година во Скопје, првообвинетиот Н.Г. противправно присвоил туѓи подвижни предмети што му биле доверени во врска со неговата работа и притоа присвоил износ од најмалку 1.300.360 евра или 79.972.140 денари. Тој, во овој период како одговорно лице, претседател на политичка партија, дел од паричните средства што биле давани како донации за финансирање на политичката партија не ги прикажал како примени донации, туку ги присвоил за себе.

Од месец октомври 2012 година до месец септември 2013 година Н.Г. парите ги пуштил во оптек, за што со умисла му помогнал обвинетиот С.М.

Така, откако обвинетиот Н.Г. во средината на 2012 година дознал дека физички лица кои се иселени од државата преку посредници продаваат земјиште од околу 11.000 квадратни метри лоцирано на Водно побарал од обвинетиот С.М. да му помогне истото да го купи при што ќе го прикрие изворот на парите и дека тој е сопственик на земјиштето.

Обвинетиот С.М. стапил во контакт со обвинетиот Н.Ј. кој бил сопственик на веќе регистрирана офшор фирма во Белизе и се договорил оваа фирма да биде основач на домашно правно лице кое ќе биде употребено за купување на земјиштето.

Иако знаел дека неговото правно лице ќе се користи за прикривање на вистинскиот сопственик на купувачот на земјиштето, обвинетиот Н.Ј. во договор со обвинетиот С.М. основал правно лице во Скопје, на кое обвинетиот Р.Н. станал управител.

Откако била постигната согласност за купопродажната цена, обвинетиот Н.Г. во повеќе наврати на девизната сметка на правното лице во Скопје, преку сметката на правното лице од Белизе пуштил во оптек парични средства прибавени со кривично дело.

Обвинетиот Р.Н. ги примил паричните средства и во својство на управител на правното лице со сопствениците на земјиштето потпишал договор за купопродажба за купување на шума со површина од 11.255 квадратни метри, по што извршил плаќање кон продавачите во износ од 1.299.215 евра, а дел од останатите приливи ги употребил за плаќање на данок на промет на недвижности.

Во периодот од јуни до октомври 2015 година обвинетиот Н.Г. купениот имот чии парцели со промените на ГУП на град Скопје 2012-2022 година, биле пренаменети во градежни парцели и уделот на правното лице од Белизе во правното лице во Скопје, го пренел на обвинетите Ј.К. и Р.К.К. Обвинетиот Ј.К. како управител на правно лице и обвинетата Р.К.К. како краен сопственик на истото правно лице иако знаеле дека имотот е прибавен со кривично дело, истиот го примиле во сопственост на нивното правно лице и донеле одлука преземеното правно лице да се преименува и сопственоста да се пренесе на правните лица каде обвинетиот Ј.К. е управител, а обвинетата Р.К.К. сопственик. Потоа по претходно донесена одлука за физичка делба парцелите биле поделени на три нови парцели од кои едната била продадена на заинтересирано правно лице.

Уделите во преименуваното правно лице и останатите две парцели фиктивно биле пренесени на трето лице без да биде платен уделот и со договор во кој бил определен рок за исплата на купопродажната цена со клаузула дека ако рокот не биде испочитуван, договорите се ништовни со што ја прикриле локацијата на имотот и неговата сопственост.

Воедно, обвинетиот Н.Г. како службено лице спротивно на законската должност, со намера да го прикрие имотот со кој се стекнал додека вршел државна функција, а кој во значителна вредност ги надминува неговите законски приходи во Анкетен лист што го доставил по престанок на функцијата до Антикорупциската комисија, дал непотполни податоци за недвижниот имот што го поседува, а фиктивно се водел на обвинетиот Р.Н. Па така, во графата „недвижен имот“ не пријавил два стана во Скопје со површина од 38 м2 и 57 м2, градежно земјиште во Центар во Скопје со површина од 2.729 м2 и две градежни парцели во Крушево во вредност од 795.424 денари.

Надлежниот обвинител со Обвинителниот акт на судот му предложи предметниот недвижен имот трите плаца на Водно да бидат конфискувани, како и становите од 57 м2 во вредност од 60.000 евра и 38 м2 во вредност од 41.000 евра, градежното земјиште со површина од 2.729 м2, евидентирано во имотен лист за КО Центар 2 во вредност од 7.365.600 денари и двете градежни парцели за КО Норово – Крушево во вредност од 795.424 денари.

 

Прикажи повеќе...

Македонија

Заев на средба со претседателката на шпанскиот Сенат: Вечно ќе го паметиме гестот за ратификација на членството во НАТО

Објавено пред

Премиерот Зоран Заев, придружуван од вицепремиерот за европски прашања, Никола Димитров, во рамките на работната посета на Шпанија како прв македонски премиер во посета на оваа земја, оствари средба со претседателката на Сенатот на Шпанија, Марија Пилар Љоп Куенка.

„Граѓаните на Северна Македонија се особено благодарни и вечно ќе го паметат гестот што го направи шпанскиот Сенат кога овозможи електронско гласање на протоколот за ратификација на членството на Северна Македонија во НАТО и тоа во исклучително драматични моменти на почетокот на пандемијата“, истакнал премиерот на средбата со претседателката на Сенатот.

Заев додал дека тој гест, како и поддршката на сите други земји членки на НАТО, бил охрабрување и за евроинтеграцискиот процес.

Претседателката на Сенатот, Марија Пилар Љоп Куенка, нагласила дека членовите на Сенатот ја препознале важноста на пристапувањето на Северна Македонија во членството во НАТО и затоа со задоволство ги презеле сите пандемиски мерки за да обезбедат електронско гласање за да го затворат процесот на ратификација по што следуваше и формалниот прием на земјата за членка во алијансата.


Претседателката Куенка потенцирала и дека Шпанија продолжува силно да ја поддржува Северна Македонија и на европскиот пат и дека се препознаени постигнувањата и резултатите за подобрување на институционалниот систем во земјата, што е особено важно при интеграцијата во ЕУ.

„Преку договорот од Преспа и преку севкупната ваша домашна и меѓународна политика вие сте пример за моќта и важноста на дијалогот и кога е во прашање водење успешен дијалог, можеме да учиме од вас“, порачала Куенка.

Во рамките на посетата на Сенатот на Кралството Шпанија, премиерот Заев и делегацијата ја посетиле и историската библиотека на Сенатот, каде што се изложени географски карти на Европа од 17 век, на кои е презентиран поширокиот географски регион Македонија.

Прикажи повеќе...

Македонија

Хоџа: Погрешни се тезите дека ќе може сѐ и сешто да се легализира

Објавено пред

Од Владата оценуваат дека по вчерашното усвојување на законот за утврдување на правниот статус на бесправно изградените објекти во законодавниот дом, ќе се реши урбанистичкото дивеење.

„Прогрешна е тезата дека ќе може сѐ и сешто во секое подрачје да се легализира“, нагласи владиниот портпарол Мухамед Хоџа додавајќи дека во законот е точно прецизирано каде и кои објекти ќе може да бидат легализирани.

„За да се легализира во заштитно подрачје, треба да се добие согласност од надлежниот орган, министерство или друга институција дека градбата не го загрозува тоа подрачје, така што невозможно ќе биде лесно да се легализира секој објект во овие делови. Законот е усогласен и со опозицијата, при што се прифатени и неколку нивни амандмани и се вметнати во него. Со законот се спречува урбаното дивеење со тоа што се зголемува цената за легализација за плус 50 отсто од основните комуналии, со што се одвраќаат од намерата сите што мислат да градат нелегално“, изјави Хоџа.

„Има многу државни објекти кои од разни причини не се запишани во катастар. Со овој закон тоа се овозможува“, оценија портпаролите на владата на денешната прес-конференција.

Прикажи повеќе...

Најново

Македонија25 минути

Груевски, Камчев и Мијалков обвинети за „Плацевите на Водно“, се бара продолжување на притворот за Камчев

Обвинителството бара експремиерот Никола Груевски, заедно со неговиот кум Ристо Новачевски, ексдиректорот на УБК, Сашо Мијалков, бизнисменот Орце Камчев, неговата...

Македонија46 минути

Хоџа: Погрешни се тезите дека ќе може сѐ и сешто да се легализира

Од Владата оценуваат дека по вчерашното усвојување на законот за утврдување на правниот статус на бесправно изградените објекти во законодавниот...

Свет2 часа

Погребана младата наставничка од Казањ, која со своето тело заштити дете од разулавениот убиец

Роднините, пријателите и учениците денеска ја испратија на вечно почивање Елвира Игнатиева (26), наставничка по англиски јазик, која загина во...

Македонија4 часа

Царовска: Жално е што нашите ученици не се подготвени за предизвиците што ги носи новото време

Министерката за образование, Мила Царовска, смета дека реформите што треба да се спроведат во образованито не се избрзани, туку дури...

Свет5 часа

Израел по бомбардирањето: Тел Авив во урнатини, децата сами на улица

Судирите меѓу израелските и палестинските сили продолжија утрово, а по ескалацијата на насилството и крвавите конфликти, Израел прогласи вонредна состојба...

Македонија6 часа

Македонскиот војник заразен од коронавирус во Африка со посебни протоколи пренесен на Инфективната клиника

Рано утрово во земјата пристигна 55-годишниот македонски потполковник позитивен на коронавирусот и суспектен на јужноафриканскиот сој, објави на социјалните мрежи...

Европа6 часа

Германски виролог: Оние што нема да се вакцинираат неминовно ќе се заразат

Германскиот виролог Кристијан Дрoстен очекува дека населението во Германија ќе добие имунитет против коронавирусот за една и пол година. Тоа,...

Европа6 часа

Тензиите од Блискиот Исток се префрлија во Германија, инциденти пред синагоги, запалени знамиња

Тензиите од Блискиот Исток се прелеаја во Германија, каде што се случија инциденти пред две синагоги. Во Бон синоќа неколку...

Свет7 часа

СЗО: Индискиот сој на коронавирусот откриен во 44 земји

Светската здравствена организација (СЗО) откри дека индискиот сој на коронавирусот што предизвика нагло зголемување на бројот на заболени во Индија...

Свет8 часа

(Видео) Ескалираат судирите меѓу Израел и Хамас, најмалку 40 убиени, меѓу нив и деца

Ескалира конфликтот меѓу Израел и Хамас. Од Тел Авив се слушаа сирени од раните утрински часови. Одекнаа и неколку експлозии....

Македонија19 часа

Во петок во Македонија ќе пристигнат 38.400 вакцини од „Астразенека“

Овој петок во Македонија ќе пристигнат 38.400 вакцини од „Астразенека“, соопшти министерот за здравство, Венко Филипче. „Добивме уште една добра...

Македонија23 часа

Во Македонија 171 нов случај на коронавирус, починаа 26 лица

Во последните 24 часа во Македонија се потврдени 171 нов случај на коронавирус, 26 лица починаа, а 409 оздравеа, соопшти...

Македонија23 часа

Државата треба да ѝ врати над 1,7 милион евра на Европската комисија, пари што ги проневерил ексфунционер од МИОА

Основното јавно обвинителство за гонење на организиран криминал поднесе обвинение против поранешниот секретар во Министерството за информатичко општество и администрација и...

Македонија1 ден

Од четврток забраната за движење ќе трае само по четири часа

Владата на денешната 69-та седница донесе одлука полицискиот час, од 13 мај, да почнува на полноќ, наместо од 23 часот...

Македонија1 ден

(Видео) Заев: Европските лидери добро ја разбираат нашата порака – идентитетот не е за преговори

Премиерот Зоран Заев денеска ги сумира резултатите од средбите кои во изминатите два дена нашата владина делегацијата ги оствари со...

Македонија1 ден

Во првата недела од мај 37 отсто е намален бројот на новозаразени и починати од Ковид-19

Според неделниот извештај на Институтот за јавно здравје (ИЈЗ), во текот на минатата недела (од 3 до 9 мај) тестирани...

Македонија1 ден

Доцна вечерва пристигнува офицерот на АРМ, кој со корона се заразил во Африка

Министерката за одбрана, Радмила Шекеринска, ја потврди информацијата дека припадник на АРМ е заразен од коронавирус во Централноафриканската Република. Потполковник...

Свет1 ден

Еден од напаѓачите го најавил масакрот во руското училиште носејќи маска со натпис „бог“

Најмалку 11 лица се убиени во вооружениот напад во средно училиште во рускиот град Казањ. Напаѓачите, според информациите објавени од...

Македонија1 ден

Министерството за здравство: Вчера се аплицирани 14.033 дози вакцини

Вакцинацијата се одвива непречено на сите пунктови во државата. Интересот за вакцинација секојдневно се зголемува, а досега бројот на лица...

Регион1 ден

Во Србија пораст на бројот на вакцинирани по ветувањето на Вучиќ од 25 евра

Корона-бројките во Србија продолжуваат да паѓаат и покажуваат помалку од 1.000 заразени втор ден по ред, а белградските медиуми тврдат...

Досие