Македонија
Спасовски: Заканата од пандемијата ја покажува важноста на меѓународната соработка
![](https://makfax.com.mk/wp-content/uploads/2020/03/spasovski.jpeg)
Северна Македонија ги негува вредностите на ЕУ за просперитетни, безбедни, мирни и слободни општества и нема да дозволиме тие вредности да бидат доведени во прашање пред ниту една закана. Ова го изјави премиерот Оливер Спасовски на видеоконференцијата на самитот за Западен Балкан 2020, под покровителство на канцеларот на Австрија, Себастијан Курц.
Спасовски на конференцијата беше придружуван од заменикот на претседателот на Владата задолжен за европски прашања, Бујар Османи, и министерот за надворешни работи, Никола Димитров. На видеоконференцијата учествуваа премиерите од земјите на Западен Балкан и еврокомесарот за европска соседска политика и преговори за проширување на ЕУ, Оливер Вархељи, и дискутираа за соработката на актуелните прашања од интерес на граѓаните од регионот и за проширувањето на ЕУ, како и за справување со коронавирусот.
Спасовски информира за состојбата со коронавирусот во земјата потенцирајќи дека е прогласена кризна состојба во две општини, затворањето на двата аеродрома и бројот на заболени во моментот.
„Донесовме одлука да ги затвориме границите за сите странски државјани. Во функција се само пет копнени гранични премини, само за нашите државјани и за товарните возила за кои е воведен посебен безбедносно-санитарен и здравствен режим. Ги поставивме работите на највисоко и најодговорно институционално рамниште и такви ќе останат во секоја наредна фаза. Сметаме дека сме подготвени како општество за институционален одговор на оваа ситуација“, рече Спасовски.
Тој додаде дека заканата од пандемијата со која се соочуваме ја покажува важноста на меѓународната соработка.
„Затоа, сега е исклучително важно и за заеднички решенија за заедничкиот предизвик. Заедно, сите влади во светот, да работат на заштита на економиите, на проширување на јавните инвестиции и на обезбедување поддршка за најранливите. Ниту една земја не може да го стори тоа сама. Секако, сега е најважно пандемијата да се стави под контрола, а потоа и да се запре“, рече Спасовски.
Во врска со почетокот на пристапните приговори, премиерот истакна дека Република Северна Македонија ги прифати и ги практикува европските вредности, што е потврдено со мини извештајот на Европската комисија.
„Неопходно е сите земји членки да разберат дека сите натамошни одложувања и дополнителни услови дадени на процесот се еднакви на драгоцено изгубено време во однос на реформите во ЕУ за целиот регион. Прифаќањето на новата методологија и усвојувањето на одлуките за пристапување, без натамошно одложување, сега во март може да ни обезбеди на сите нас сценарио за успех. Успех и на Северна Македонија, но успех и на ЕУ. Отворањето на пристапните преговори ќе биде во согласност и со новата методологија за проширување како стратегија на Европската комисија за зајакнување на процесот на пристапување и за кредибилна перспектива на ЕУ за Западен Балкан“, додаде Спасовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.