Македонија
Спасовски на 72. сесија на УНХЦР: Македонија останува земја транзит за барателите на право на азил
![](https://makfax.com.mk/wp-content/uploads/2021/10/UNHCR.jpeg)
Сите овие години Република Северна Македонија е активен партнер на Обединетите нации, а особено на Канцеларијата на високиот комесар за бегалците. Денес, верувам дека активно придонесуваме кон меѓународните иницијативи со несебичен пристап, кој, се надевам, е широко препознаен како отворен, искрен и необременет со предрасуди, истакна министерот за внатрешни работи, Оливер Спасовски, на 72. сесија на Извршниот комитет на УНХЦР.
„Ние сме определени за следење и приближување до позитивните светски искуства, како и искуствата, иницијативите и законодавството на Европската Унија. Во делот на азилот, со цел усогласување на нашето законодавство со регулативата на Европската Унија, во 2013 година беа ревидирани директивите на Европскиот совет и на Европскиот парламент, па во таа насока извршено е усогласување со директивите на ЕУ“, истакна Спасовски.
„Сите овие години се менуваше структурата на барателите на правото на азил, така што последните 2-3 години како баратели на азил најмногу се јавуваат лица од Авганистан, Пакистан, Сирија, најчесто мажи, полнолетни, но има голем број машки, малолетници, а значително е намален бројот на семејства и мајки со деца. Република Северна Македонија и понатаму останува земја транзит за барателите на право на азил, при што нивната цел е Западна Европа, потенцира министерот за внатрешни работи.
Како што појасни, ефективното управување со бегалците и миграциите сѐ уште останува да биде еден од нашите главни приоритети, особено во делот на рана детекција и превенција на илегални преминувања и движења на балканската рута од неколку аспекти, а особено во делот на граничната безбедност, како и во поглед на намалувањето на ризиците за животот и здравјето.
„Безбедносната состојба на државните граници во моментот, генерално, е поволна. Главни предизвици се илегалното минување, шверцувањето мигранти и секундарните движења на мигрантите, но не се регистрирани посериозни загрозувања на јавниот ред и мир и јавното здравје како резултат на мигрантската криза.
Заради одржување на таквата состојба, но и за соодветно справување со евентуален иден масовен прилив, се преземаат низа мерки и активности – продолжено е времетраењето на одлуката за прогласување кризна состојба на јужната и северната државна граница, што овозможува непречено користење на потребните национални ресурси и капацитети за справување со предизвикот“, нагласи Спасовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.