Македонија
Спасовски: Подобро полициски час, отколку оптоварување на здравствениот систем
Министерот за внатрешни работи, Оливер Спасовски, смета дека подобро е пократко време да има полициски час, отколку целосно да се оптовари здравствениот систем. За негативните реакции вели дека доаѓаат од граѓани кои ќе реагираат и ако не се воведат рестрикции и коронавирусот се распространи уште повеќе.
Според него, рестриктивните мерки се морални и се резултат на непочитувањето на мерките за заштита од вирусот.
„Ќе разговараме на Влада за одлуката и ќе видиме која ќе биде крајната одлука, габаритот, како и на кој начин ќе се реализира, но таа мора да се реализира и почитува, за сите заедно да си помогнеме. Подобро е пократко време да имаме рестриктивни мерки, отколку целосно оптоварување на здравствениот систем. Оние кои сега реагираат на носењето на рестриктивните мерки, истите тие ќе реагираат многу повеќе во моменти кога ќе дојдеме до широка заразеност на населението, можностите за лекување и така натаму“, посочи Спасовски.
Тој апелираше до граѓаните да носат маски и да не се групираат, со цел да се спречи ширење на заразата.
„Апелот да се почитуваат мерки за заштита од Ковид-19 е нешто што треба да го имаме сите предвид. Рестриктивните мерки не се популарни, но се неопходни за да можеме да го заштитиме населението, здравјето и животот на граѓаните. Има ли нешто потценето од здравјето и животот на граѓаните? Дали во моментите кога се носат вакви одлуки не мислите на починатите лица од Ковид-19? Дали кога седиме во кафеани, ресторани, правење домашни веселби, не размислуваме дека секој од нас е потенцијална опасност од ширење на вирусот? Одлуките кои мора да ги донесеме никој не ги посакува. Но, тие се резултат на нашето однесување. Ако не почитуваме, не носиме заштитна опрема, се групираме, правиме настани кои со сигурност значат ширење на вирусот, државата мора да реагира“, додаде Спасовски.
Инаку, Комисијата за заразни болести предложи воведување полициски час од 10 навечер до 5 наутро. Владата на седница треба да се произнесе дали мерката ќе биде воведена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Андоновски: Наша цел е до 2030 година, најмалку 80% од возрасното население да поседува основни дигитални вештини
Министерот за дигитална трансформација, Стефан Андоновски, денеска во Скопје имаше поздравно обраќање на министерска конференција на Управувачките платформи на Западен Балкан за образование и обука и истражување и иновации, во организација на делегацијата на Европската унија во Република Македонија.
Во своето обраќање, министерот Андоновски ја истакна важноста на дигиталната трансформација за напредокот на Македонија и регионот. “Денес дигиталните вештини и иновации се клучни за напредокот на нашето општество и економија“.
Министерот Андоновски ги презентираше плановите на Република Македонија во областа на градењето на дигиталните вештини, истакнувајќи:
“Наша цел е до 2030 година, најмалку 80% од возрасното население да поседува основни дигитални вештини. Исто така, се стремиме значително да го зголемиме бројот на ИКТ професионалци, со посебен фокус на зголемување на учеството на жените во оваа област.”
Македонија
Средба Муцунски – Јодер во Вашингтон: истакната потребата од забрзување на евроинтегративниот процес на земјава
На маргините на Конференцијата на глобалната коалиција за борба против ИСИС, Министерот за надворешни работи и надворешна трговија, Тимчо Муцунски оствари средба со заменик помошникот секретар на Бирото за меѓународни наркотици и спроведување на законот при американскиот Стејт Департмент, Брандон Јодер.
На средбата стана збор за борбата против корупцијата и поддршката на САД во делот на владеењето на правото, што е меѓу приоритетите во рамките на Стратешкиот дијалог. Министерот Муцунски изрази благодарност за континуираната поддршка за демократски процеси во земјава.
„Високо ја цениме одлука на американската Влада за зголемување на фондовите за меѓународна контрола на наркотици и спроведување на законот, со посебен фокус на развојните програми за Граѓанска безбедност и спроведување на законот, како и за владеење на правото.”, истакна министерот Муцунски на средбата.
Воедно, соговорниците ја истакнаа потребата од забрзување на евроинтегративниот процес на земјава. Во таа смисла, беше реафирмирана силната поддршка од САД за нашето членство во ЕУ. Поздравено беше и силното сојузништво во рамки на НАТО, поддршката за Украина, како и континуираните заеднички заложби за справување со глобалниот тероризам и современите безбедносни предизвици.
Македонија
СДСМ: ВМРО-ДПМНЕ го укина бесплатното пливање за првачињата и децата со попреченост во Аеродром
По неколку години Општина Аеродром ја укина програмата за бесплатно пливање за учениците од прво одделение и учениците со попреченост со прво до трето одделение. На последната седница на Советот на Општина Аеродром со одлука беа скратени средствата кои беа наменети за проектот „Учиме да пливаме“. Воведен пред неколку години, овој проект претставуваше едно од малкуте реализирани ветувања на Тимчо Муцунски. Проектот „Учиме да пливаме“ имаше за цел да им помогне на семејствата со деца во прво одделение и деца со попреченост, преку покривање на трошоците за часови пливање, опрема, превоз и обука од сертифицирани едукатори, да придонесе кон правилниот психо-физички развој на овие деца, велат од СДСМ.
„Пред само 4 години, кога СДСМ управуваше со локалната самоуправа, Аеродром беше првата општина во државата што го воведе проектот за интегрирано пливање на децата со попреченост од основните училишта. Проектот во тоа време ги опфаќаше учениците од прво до трето одделение. Благодарение на неспособноста на ВМРО-ДПМНЕ и в.д. градоначалникот Дејан Митески, не само што не се реализираат ветените проекти од нивната програма, туку се укинуваат и добри практики од минатото“, посочуваат од СДСМ и додаваат:
„Јавно го прашуваме в.д. градоначалникот Митески, дали причината за укинувањето на бесплатното пливање е лошата финансиска кондиција на општинскиот буџет? Останаа нереализирани и ветувањата за спортска субвенција за млади во износ од 600 денари и стипендиите за млади таленти во износ од 30.000 денари. Повеќе од очигледно е дека ниту Муцунски, ниту Митески немаат никаков план за иднината на најмладите од општина Аеродром“.