Македонија
Средба Заев-Брнз, во фокусот планот за борба против корупција

Премиерот Зоран Заев вчера имаше средба со амбасадорката на Соединетите Американски Држави во нашата земја, Кејт Брнз.
На средбата се разговарало за неодамна усвоениот владин План за борба против корупцијата, информираат од кабинетот на премиерот.
Притоа премиерот Заев истакнал дека Владата е целосно посветена на спроведување на овој план како организиран процес за зајакнување на капацитетите и за синхронизирање на активностите на институциите за бескомпромисна борба против корупцијата, непотизмот, судирот на интереси и злоупотреби на позициите.
Премиерот Заев и амбасадорката Брнз разговарале и за реформите предвидени со агендата „Европа дома“, во која, освен утврдените чекори за борба против корупцијата, се вклучени и мерки за обезбедување европски стандарди за изборните реформи, за правосудството, темелните човекови права, реформите во медиумската сфера, економско владеење, реформа на јавната администрација, како и за реформите во областа на животната средина и климатските промени.
Од кабинетот на Заев додаваат дека посебно внимание двајцата соговорници посветиле на можностите за унапредување на економската соработка и за пројавениот интерес на некои компании од САД да инвестираат во Северна Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Утре променливо облачно време со пороен дожд

Времето утре ќе биде умерено до значително облачно со локални врнежи од дожд и значително посвежо на северот и на западот од земјата. На места ќе биде нестабилно со пообилен и пороен дожд, засилен ветер и појава на ретки грмежи. На планините на северозапад врнежите ќе бидат од снег. Минималната температура ќе биде во интервал од 3 до 7, а максималната ќе достигне од 12 до 19 степени.
Во Скопје, променливо облачно со повремен, краткотрајно пороен дожд. Ќе дува слаб до умерен ветер од западен до северозападен правец. Минималната температура ќе се спушти до 5, а максималната ќе достигне до 13 степени.
Уште утре ќе преовладува променливо облачно време со повремени локални врнежи од дожд. На места ќе биде нестабилно со краткотраен пороен дожд, засилен ветер и ретки грмежи. Утре и до четврток претпладне на планините особено на северозападот, врнежите ќе бидат од снег. Во четврток и петок ќе има повеќе сончеви периоди, а нов влажен и постуден бран со врнежи од дожд, на планините од снег ќе настапи за време на викендот.
Македонија
Трајанов предлага формирање на Агенција против криминал

Претседателот на Демократскиот сојуз Павле Трајанов на денешната расправа за Националната стратегија за борба против корупцијата, предложи да се донесе Закон за борба против тешките облици на организиран криминал и висока корупција, со кој, како што рече, ќе се предвиди формирање на Агенција за борба против организираниот криминал, која ќе постапува по барањата на ДКСК, ќе ги координира активностите на седум институции задолжени за откривање и спречување на организиран криминал, оперативно ќе ги следи јавните набавки над 500.000 евра, ќе работи на детектирање на скриениот имот на носители на високи функции стекнат на криминален начин и сл.
„ Во Македонија високиот степен на криминализација и партизација ја “јадат” државата, во услови кога не постои заокружен и ефикасен систем за борба против организираниот криминал“ изјави Трајанов.
Тој предложи и да нема застареност за кривични дела од тешките облици на криминал извршени од функционери, додека за иницијативата за донесување на закон за преиспитување на имотот, укажа истиот да не ја доживее судбината на таков закон донесен пред многу години, потсетувајќи на синтагмата “Ако имаш куќа,врати го станот”.
Трајанов ја поддржа Стратегијата за борба против курупцијата и работата на ДКСК.
Македонија
ЦУК: Средба со синдикални претставници од КСОМ

Претставници од конфедерацијата на синдикалните организации на Македонија (КСОМ) се сретнаа со в. д. Директорот на Центарот за управување со кризи (ЦУК) Стојанче Ангелов, при што го запознаа со нивните барања во поглед на изедначување на платите и подобрување на условите за работа, за да се донесе Закон за пожарникарство.
Меѓу другото, го запознаа и со предлози за да си го најдат своето место под заедничка команда сега, а и во целокупна поставеност во рамки на идните реформи на Системот за управување со кризи (СУК). Потоа го запознаа Стојанче Ангелов со состојбата и во насока за подобрување на условите за работа на пожарникарите коишто се ангажираат директно и во кризи и за спасување животи. Синдикалците посочија дека пожарникарите се расцепкани по општини и над една деценија како да се оставени сами на себе, а само кога има големи пожари или ризични спасувања настрадани и материјални добра им се обрнувало внимание и инцедентно се опремувале, речиси, само преку донации.
Ангелов, по запознавањето со нивните барања, посочи дека во општеството треба да се вреднува реално ризикот за пожарникарите, бидејќи тие на терен спасуваат животи и материјални доба и дека ова е прва средба од можните идни средби, што според можностите би се одржале веќе во претстојниот период на месецов. Тие средби би требало да бидат во насока за да се координира оперативно процесот на идните реформи во Системот за управување со кризи со предлози и од практиката, а и директно од луѓето коишто се пожарникари, односно и преку Синдикалните претставници коишто ги обединуваат нивните барања за решавање на пожарникарските статусни и работни проблеми.
Инаку, синдикални претставници од Конфедерацијата на синдикалните организации на Македонија (КСОМ) средбата ја остварија на два посебни последоватолни состанока во ЦУК, заради новите „ковид“ превентивни мерки, а присутни беа: Марјан Ристевски – претседател на КСОМ, Арбен Велиу – претседател на Синдикатот на пожарникарите во Гостривар, Стојановски Ѕвонко КСС од Скопје, Гоце Делчев Тодев – главен координатор на КСОМ, Зоран Граороски – претседател на Територијалната противпожарна единица ТППЕ Прилеп, Робе Митрески од Прилеп и Горан Ристески – претседател на гранскиот Независен синдикат на државна администреција. Инаку, по средбата во ЦУК, синдикалните претставници на КСОМ, одржаа прес-конференција пред зградата на ЦУК.
- Свет2 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Црна хроника2 месеци
Брат и сестра нападнати на Широк сокак
- Економија2 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Регион1 месец
Вучиќ за ковид-пасошите: Кои сте вие да го ограничите движењето на некој што не сака да се вакцинира?
- Македонија2 недели
Ѓорчев: Мојот татко е во кома откако се вакцинираше во Ниш