Македонија
(Видео) Стоилковски предаде докази: Очекуваме дека ЈО ќе почне со сериозност кон случајот „Диво месо“
![](https://makfax.com.mk/wp-content/uploads/2023/11/Наум-Стоилковски-1.jpg)
Денеска, до Основното јавно обвинителство ги доставивме документите во врска со случајот „Диво месо“, канцер-мафија на Онкологија, онака како што најавивме, истакна портпаролот на ВМРО-ДПМНЕ, Наум Стоилковски.
Страшно е, вели тој, што и по три месеци наводна предистрага, нема оформен предмет во Основното јавно обвинителство и нема почнат процес за „Диво месо“, а мафијата сè уште функционира, работи на Онкологија, бидејќи никој таму не е опфатен со некаков процес со кој би бил отстранет од работа.
Според Стоилковски, јасно е дека зад ваквото однесување стои политичка одлука.
„СДС веднаш застана зад канцер-мафијата по објавувањето на документите доставени од укажувач во ВМРО-ДПМНЕ.
Сето тоа се гледа и од односот со и кон работата на комисијата во Собранието посветена на случајот „Диво месо“, канцер-мафија на Онкологија.
Денеска, до Основното јавно обвинителство предадовме документи доставени од укажувач, кои посочуваат:
Дека и покрај скапите договори сепак не била доставувана навремено терапијата за болните што се третирале на Клиниката, никој не ги предупредил оние што требаа да ја испорачаат и никој за тоа не одговарал, односно за работата на омилената фармацевтска куќа на власта.
Доставивме докази дека се создавале можеби фиктивни вишоци лекови и терапии, тие биле нарачувани, а пациентите сепак не ги добивале.
Докази дека никој не водел евиденција каде и како завршувал вишокот од секоја отворена вијала, пакување, со што постојат сомнежи дека вишокот завршувал надвор од болницата.
Дополнително, терапијата им била давана на пациенти во торбички за да се искористат во приватни установи, а била наплаќана услуга како да била аплицирана во Универзитетската клиника“, посочи Стоилковски.
Додаде дека очекуваме оти сепак кај Јавното обвинителство ќе проработи човечноста и спротивно на поддршката од власта за канцер-мафијата, ќе почнат со сериозност кон случајот „Диво месо“ на Онкологија.
Според Стоилковски, се работи за канцер-мафија, „диво месо“, што го уништува здравствениот систем на сметка на животите на пациентите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.