Македонија
Стојаноска: Заврши времето на погубните политики на СДС, ако имаа достоинство, ќе имаа и срам, ВМРО-ДПМНЕ уште во првите 100 дена обезбеди средства
Денес на Комисијата за финансии и буџет, на која се расправаше предлог-буџетот за 2025 година, Дафина Стојаноска, пратеничка од редовите на ВМРО-ДПМНЕ, даде одговор на обвинувањата од страна на претходната власт во Македонија.
„Очекувано беше вакво однесување од луѓето кои 7 години не помрднаа ни едно камче и кои, меѓу останатото, поради тоа и изгубија на последните избори. Денес, да покажуваат со лажна грижа за нивните сограѓани и да бараат средства за проекти кои тие имаа можност да ги реализираат, а за кои се обезбедени средства и тоа само во првите 100 дена од Владата на Мицкоски“, кажа Стојаноска.
Според Стојаноска, овие опозициони политики на лажна грижа се само обиди да се прикријат 7 години неактивност и неодговорност, време кога проблемите на граѓаните беа игнорирани, а многу важни проекти останаа неисполнети.
„Нивните 204 амандмани се само невистинска грижа за граѓаните, со кои 7 години играа мајтап и ги оставија буквално на леб и сол. Не знам дали Филипче беше прв да избегне реплики од власта или можеби леб и сол ме потсети на песната Мамурни луѓе, повторно мамурно исчита еден говор без ни малку учество во текстот, без трошка концентрација и без трошка суштина“, рече Стојаноска.
Стојаноска ги критикуваше обидите за демагогија и спинување на јавноста, како и недостатокот на рефлексија за клучните области како здравство и образование, истакнувајќи дека спротивно на нивните зборови, само тој кој од здравството создал личен бизнис може да има толку малку кредибилитет да се осврне на овие важни прашања.
„Замислете, лидер на опозицијата, врвен доктор и универзитетски професор, речиси и да не ги спомена здравството и образованието. А како и би ги споменал, истиот оној кој од здравството си направи личен бизнис, кој се пазареше со набавката на вакцини, кој можеби се пазарел и со човечки животи, како за време на ковид пандемијата така и со страшниот скандал на онкологија“, истакна Стојаноска.
Стојаноска, одговaрaјќи на обвинувањата за неодговорно трошење, ја нагласи неспоредливата одговорност и постигнувањата на сегашната власт.
„Премногу дрско беше да слушаме обвинувања за наше неодговорно трошење и лажни најава за уште една изгубена година за економијата и за граѓаните. Оној кој најнеодговорно трошеше и профитираше, е безочно вчера да обвинува за расипничко трошење, кога оваа влада само за 4 месеци почна дури и да ги полни касите, но и да изнаоѓа пари за неисплатени плати, пензии и за инвестиции“, изјави Стојаноска.
За разлика од претходната власт, оваа Влада започнала да ја стабилизира економијата и да инвестира во критични сфери како што се плати, пензии и инфраструктура.
„Имено, не може да следува уште една изгубена година за економијата и граѓаните кога за следната приходите се проектирани со зголемување од 16%. Всушност, тоа и се потврди изминативе 4 месеци кога видовме како може да се зголеми наплатата од царина, УЈП и ЈПДП. Не може да следува уште една изгубена година за економијата и граѓаните ако за 2025 година е предвиден раст на наплата на ДДВ од 10,5%. Ова значи дека оваа влада нема да стане ортак со сивата економија, туку ќе влезе во директна борба со неа. Не може да ги убедувате пензионерите дека следува уште една изгубена година кога за првите три месеци им се покачија линеарно пензиите за 2500, а веќе мартовската пензија ќе ја примат со уште 2500 денари плус. Не може да следува уште една изгубена година за здравствените работници, ниту за државните административци и полицајците, кога за сите нив се предвидени повисоки плати. Образованието веќе примија покачени плати, а следува и за останатите наведени. Не може да следува уште една изгубена година кога за следната се предвидени завидни зголемувања за економски развој и за странски директни инвестиции“, истакна Стојаноска.
Стојаноска истакна дека 8 мај означи крај на ерата на неефикасни политики и почеток на новиот пат на реформи, инвестирање и градење на македонската економија и институции.
„Времето на вашите погубни политики заврши на 8 мај оваа година. Времето на реформи, на градење и на инвестирање започна. Немојте да се залажувате и да мислите дека некој верува на вашите лаги уште. Дури имав впечаток дека вие самите не си верувате, ама тоа е кога се нафативте пратеници, после министри, и кога зборот достоинство на времето за вас не значеше ништо. Проверете дали сега се чувствувате достоинствено или можеби ви е срам. Ако имавте достоинство, ќе имавте и срам“, заклучи Стојаноска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Огромен објект никнува во Охридската чаршија, секој прави што сака, алармира Охрид СОС
Чаршијата во Охрид го губи својот лик. Иако е дел од Старото градско јадро, за кое важи посебен закон, односно Закон за прогласување на Старото градско јадро на Охрид за културно наследство од особено значење, чаршијата е препуштена на стихијата и тука секој прави она што сака, без никаква регулатива, алармираат од Граѓанската иницијатива Охрид СОС.
„Ако некогаш важеше за специфичен дел на градот, исполнет со занаетчиски дуќани и стари градби, денеска оваа улица скоро сосема го изгубила својот лик и значење. Иако е дел од Старото градско јадро, за кое важи посебен закон, односно Закон за прогласување на Старото градско јадро на Охрид за културно наследство од особено значење, чаршијата е препуштена на стихијата и тука секој прави она што сака, без никаква регулатива. На прстите од една рака се бројат старите градби кои му одолеваат на времето. Денеска тука доминираат ресторани и угостителски објекти кои ја окупирале улицата и за минувачите и велосипедистите оставиле само еден тесен премин. И наместо институциите да диктираат што и како може да се гради, сведоци сме изминативе децении дека тука веќе почнаа да се градат високи објекти со нетипичен стил. Не се применува нити онаа омилена за Завод за заштита на спомениците на културата и Музеј-Охрид факсимилна реконструкција“, велат од таму.
Додека „стручната фела“ замижува и се прави наудрена, велат од Охрид СОС, деновиве кон крајот на чаршијата се подигнува еден огромен објект, кој според обемот и големината отскокнува од околните објекти.
„Минатата година, за да започнат градежни работи на овој дел, службите на Општина Охрид исекоа неколку децениски стебла, а од механизацијата е оштетено и партерното уредување. Но ништо од тоа не е важно, ако се знае дека институциите на прво место го ставаат интересот на поединците, наместо јавниот интерес. Објектот е видлив и од страната на паркингот. Додека се предлага градот да формира стручно тело кое ќе комуницира со УНЕСКО, „еден Борд кој ќе го сочинуваат архитекти и други професионалци“ неповратно го губиме културното наследство и специфичните градски четврти“, алармираат од Охрид СОС.
Македонија
Викендов многу топло време, со локален дожд
Во деновите од викендов ќе се задржи многу топло време, информира УХРМ.
Утре ќе има изолирана појава на нестабилност со пороен дожд и грмежи.
Од понеделник ќе дува умерен до засилен северен ветер, а дневната температура ќе опадне за 3 до 5 степени.
Кон средината на седмицата ќе има локална нестабилност со пороен дожд и грмежи.
Македонија
ЗНАМ конституира Градска организација: „Скопје не смее да биде ничија колатарелна штета“
Официјално се конституира Градската организација на Движењето ЗНАМ за Наша Македонија – Скопје. Од Движењето велат дека овој чекор не е само формалност туку е почеток на една сериозна, силна и решителна политичка борба.
„Ова е гласна порака, од срцето на државата, од главниот град Скопје, дека промената што ја бараат луѓето насекаде низ Македонија, веќе добива своја форма, своја структура и своја сила. За претседател едногласно е избран Мирослав Лабудовиќ, Магистер по електротрехника и информациски технологии дипломиран електро инженер, актуелен заменик министер во Министерството за енергетика, рударство и минерални суровини, со претходно долгогодишно искуство на разни менаџерски позиции во автомобилската индустрија и електро енергетиката“, велат од ЗНАМ.
Дел од Градската организација се професори, архитекти, лекари, уметници, спортисти, претприемачи, активисти…
„Совеста, знаењето и духот на Скопје – овие граѓани на нашиот град – ја избраа вистинската промена со Движењето ЗНАМ. Овие храбри и одважни луѓе не се партиски послушници ниту политички марионети. Тие не се функционери по задача, ниту сенки на некои центри на моќ. Ова се личности со непобитен кредибилитет, со изграден авторитет и биографии кои вредат многу повеќе од празните изборни ветувања. Тие се оние што долго време беа разочарани, отуѓени и тивки“, велат од ЗНАМ.
Од таму велат дека потиснат од алчност, поделби и тивка диктатура, Скопје го изгубило сјајот, но не и силата.
„Скопје не смее да биде ничија колатарелна штета ниту пак заложник на тајни коалиции во политичкиот театар на елитите. Од денес, Градската организација на ЗНАМ – Скопје станува бастион на слободата, креативноста и урбаната визија. Ќе бидеме платформа за секој кој има идеја, решение и љубов кон својот град. Ќе проодолжиме да бидеме чувари на јавниот интерес. Ќе им го вратиме градот на неговите жители – без елитизам, без поделби и без скриени агенди“, велат од ЗНАМ.
Огромен објект никнува во Охридската чаршија, секој прави што сака, алармира Охрид СОС
Чаршијата во Охрид го губи својот лик. Иако е дел од Старото градско јадро, за кое важи посебен закон, односно...
СДСМ нема да му се извини на Љутков: „Сѐ што објавивме е вистина“
Од СДСМ велат дека нема да му се извинат на министерот за култура, Зоран Љутков, затоа што, како што велат...
Николоски: Позицијата на Македонија станува афирмирана во Европа
Дали Извештајот за Македонија ќе се усвои оваа недела и следната во Европскиот Парламент не менува ништо. Ова се историски...
Трамп назначи 22-годишен градинар за шеф на канцеларијата за спречување на тероризам
Американскиот претседател, Доналд Трамп, назначи 22-годишник за раководител на главниот центар за спречување на тероризам на Министерството за внатрешна безбедност....
Русија го нападна Киев со ракети и дронови, погодени воз и станбени згради
Русија изврши интензивен ракетен и беспилотен напад врз украинскиот главен град Киев, во текот на ноќта, при што загинаа четири лица,...
Незапаметена кавга меѓу двајца најмоќни луѓе во светот: Трамп и Маск „војуваа“ на социјалните мрежи
Само десет минути по почетокот на средбата со германскиот канцелар Фридрих Мерц, американскиот претседател Доналд Трамп беше прашан за сè...
Гужва на граничните премини Богородица и Дојран
Сообраќајот на државните патишта се одвива непречено, по суви коловози, информира АМСМ. Интензитетот на сообраќај на патните правци надвор од...
Започнува 59. МТФ „Војдан Чернодрински“ во Прилеп
Со претставата „12“, во режија на Синиша Евтимов, на Македонскиот народен театар, вечерва во 20 часот во големата сала на...
Арсовска до Елмази: Ќе ти објаснам уште еднаш ама читање до 4 одделение се учи
Градоначалничката на Град Скопје, Данела Арсовска, му одговори на Мухамед Елмази од Влен, дека Градот нема надлежност во Сарај. „Мухамед...
Мисајловски на состанок на НАТО во Брисел: Единството на Алијансата е на највисоко ниво
Mинистерот Владо Мисајловски заедно со министрите за одбрана на сојузничките земји денеска во седиштето на НАТО во Брисел учествуваше на...
За патувањето во Јапонија се потрошени 3.485.080 денари за билети, сместување и дневници, велат од ВМРО-ДПМНЕ
Во интерес на јавноста најостро реагираме на целосно шпекулативните информации и невистинити тврдења дека министерот за култура Зоран Љутков потрошил...
12 повредени од пожарот во Кочани се на лекување во болница, еден е во тешка состојба, рече Клековски
Сашо Клековски од ФЗО на денешната панел-дискусија, „Кочани е нашиот приоритет“, се осврна на ситуацијата во моментот во однос на...
(Видео) Кузеска: Власта организирано ги штити виновниците за трагедијата во Кочани
Христијан Мицкоски, Панче Тошковски и Коцевски и натаму ги штитат полициските службеници кои имаат директна вина за најголемата трагедија во...
„Шоферот го унапредил во службеник, вработена во кабинетот ја поставил за претседател на Управен во Опера и Балет, зошто на Љутков му се дозволува аздисување“, прашува СДСМ
„СДСМ денеска алармира за сериозни злоупотреби и скандалозно однесување во Министерството за култура и туризам, под раководство на Зоран Љутков....
Арсовска: Наредбите за девалвации и напади од штабот на ВМРО се спроведуваат
Наредбите за девалвации и напади од штабот на ВМРО се спроведуваат, објави на социјалните мрежи градоначалничката на Скопје, Данела Арсовска....
СВР Скопје го расчисти убиството во обид од 1 јуни, поднесени кривични пријави против три лица
СВР Скопје – Единица за насилен криминал поднесе кривична пријава против Г.А.(33) од Скопје поради постоење основи на сомнение за...
Тројца осомничени за обид за убиство пред фитнес-клуб во Чаир
Јавен обвинител од Основното јавно обвинителство Скопје донесе Наредба за спроведување истражна постапка против три лица за кои постои сомнение...
(Видео) Нови сателитски снимки го откриваат обемот на историската украинска операција
Новите сателитски снимки и снимките од нападот со дронови покажуваат сериозни оштетувања на руските авиони во неколку воздухопловни бази за...
Севернокорејскиот лидер вети безусловна поддршка за Русија на средбата со Шојгу
Севернокорејскиот лидер Ким Џонг Ун се сретна со секретарот на рускиот Совет за безбедност Сергеј Шојгу во вторникот, објави државната...
Трамп им забрани на странските студенти да се запишуваат на „Харвард“
Американскиот претседател Доналд Трамп објави дека го суспендира приемот на странски студенти на Харвард за шест месеци, наведувајќи ги загриженоста...
