Македонија
Сто пациентки со карцином со приоритетни упати два месеца чекаат скен на коските, неопходен за да добијат терапија
На денешниот настан за поддршка на пациентите со карцином, „Појадок со онколошките пациенти“, здружението посветено на пациентите со рак и нивните негуватели „Хемо-онко“ откри дека сто пациентки два месеца чекаат скен на коските за да им биде дадена терапија. Ана Марјановиќ од здружението рече дека го известила министерот за здравство Арбен Таравари веднаш штом дошол на појадокот со онколошките пациенти.
„За скен на коските во овој момент чекаат 100 пациентки, кои се од Онкологија, со приоритетни упати препратени на тоа испитување за продолжување на терапијата. Тоа значи дека додека не се направи испитувањето, тие се без терапија, а тоа понатаму само го комплицира нивното лекување. Проблемот што е посочен од институцијата е дека немаат изотопи. Чекаат речиси два месеца. Пациентките се испратени од Онкологија, но не може да бидат снимени бидејќи нема изотопи. Тоа е една од ретките клиники во која има ред. Додека имаат изотопи, снимањата одат регуларно, по протокол, доколку имате потпис од онкологот и печат дека сте приоритетен пациент, само тогаш добивате предност. Меѓутоа, проблемот во изминатите два месеца е дека пациентки со печати, тоа се 100, кои чекаат да бидат прегледани за да знаат нивните онколози како да го продолжат лекувањето, во овој момент не може да го добијат тоа снимање“, рече Марјановиќ.
Министерот Таравари на симболичниот појадок првпат слушна дека пациентките имаат таков проблем.
„Јас сега првпат дознавам дека нема изотопи. Веднаш ќе видиме што можеме како Министерство за здравство. Ако не се лажам, ова се работи во Институтот за патофизиологија, кој воопшто не е под Министерството за здравство, туку е под Медицинскиот факултет и под Министерството за образование, но секако повторно ние треба да интервенираме и да видиме што можеме да направиме. Добро е што ја добив оваа информација, јас ќе видам во следните денови што можеме како Министерство да помогнеме“, рече министерот Таравари.
Од почетокот на годината досега се направени над 9.000 испитувања за превенција од рак за кои министерот Таравари вели дека се речиси удвоени во однос на лани кога биле направени 5.000 такви прегледи. Иако пациентите се жалат дека многу долго чекаат за мамографија и за ехо, министерот Таравари и денес, како и многупати досега, рече дека во споредба со земјите во регионот кај нас најмалку се чека за такви снимања и нагласи дека нивна цел е да се стигне до бројка од 13.000 превентивни прегледи за откривање рак за една година.
Здружението „Хемо-онко“, кое втора година по ред организира симболичен појадок со онколошките пациенти, смета дека напредокот во подобрување на условите и лековите за пациентите е сосема мал, речиси незабележителен. Здружението останува на барањата Министерството да обезбеди нови терапии за пациентите, современ начин на скрининг и дијагностика и зацврстување на соработката со нив за секој нов чекор во подобрување на условите за пациентите оти тие се оние што се соочуваат со нив минувајќи низ процесот на лекување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ќе се вработуваат 400 пожарникари за превенција од шумските пожари во летниот период
За справување со пожарите во летниот период, Владата со Оперативниот план за 2025 година предвидува вработување на 400 пожарникари.
Со оваа мерка, како што објаснуваат од Владата, сакаат да постигнат навремена и брза реакција на спречување на пожарите кои се најприсутни во летниот период.
„Пожарникарите даваат натчовечки напори за борба со огнената стихија, ризикувајќи ги сопствените животи за да спасат други човечки животи, животната средина и други материјални добра. И токму затоа сè со цел превенција од шумските пожари овие 400 лица ќе се вработат во општините каде што има најмногу потреба“, се вели во соопштението на владината прес-служба.
Воедно, Оперативниот план за вработување за 2025 опфаќа и вработување на 600 невработени лица кои ќе бидат ангажирани за јавни работи и општински проекти од инфраструктура и заштита на животната средина на локално ниво.
Македонија
Филипче најави санкции во партијата: дел од советниците за лични интереси соработувале со градоначалници од ВМРО-ДПМНЕ
Претседателот на СДСМ, Венко Филипче, најави внатрепартиски промени во начинот на избор на кандидати за градоначалници и за советници на следните локални избори.
„Ќе предложам советниците да ротираат, односно да имаат мандат од две години, а потоа следните од листата да влезат во советот. Така ќе им дадеме шанса на двојно повеќе наши другари и другарки да бидат советници во рамки на четиригодишниот мандат. Тоа е фер и дава можност за поголема вклученост“, изјави Филипче на состанок со Општинската организација на СДСМ Аеродром.
Тој најави и нов кодекс на однесување којшто ќе мора да го потпишат сите советници:
„Дел од досегашните советници не си ја вршеа добро работата, дел соработуваа со градоначалници од ВМРО-ДПМНЕ ама само за лични интереси. Тоа повеќе нема да се дозволи. Ќе има санкции за прекршување на кодексот“.
Во однос на изборот на кандидати, претседателот на СДСМ порача дека ќе го поддржи секое решение што ќе дојде од базата.
„Вие во општинските организации најдобро знаете кој има капацитети и доверба кај граѓаните. Не сакам да наметнувам, туку да слушам“, рече претседателот Венко Филипче вечерва во Аеродром.
Филипче се осврна и на актуелната локална власт во Аеродром, истакнувајќи: „Се чудам како ВМРО-ДПМНЕ повторно го предлага актуелниот градоначалник на Аеродром. Полош градоначалник, според мене, Аеродром никогаш немал“.
Македонија
СДСМ: Зошто во случајот со директорот на АНБ не е постапено како со двете директорки на училишта
СДСМ обвинува за селективност во одлуката за отфрлање на кривичната пријава против директорот на АНБ, Бојан Христовски. Од партијата утрово велат дека Јавното обвинителство се ставило во улога на алатака во рацете на ВМРО-ДПМНЕ.
„Наместо независен огран ослободен од политиката, да го брани јавниот интерес и владеењето на правото гледаме скандалозно селективни постапки за перење на Христовски и незаконското назначување за директор на АНБ.
Зошто обвинителството не е побарало официјален одговор директно од ETS – Educational Testing Service, институцијата што ги издава ТОЕФЛ сертификатите?
Зошто не е постапено идентично како со двете директорки на училишта и со директорката на болница во Дебар, кои беа гонети и осудени затоа што користеле фалсификувани ТОЕФЛ сертификати добиени од исто место како Христовски – јазичното студио „Јулија“?
Во сите овие случаи, обезбедени се докази директно од ЕТS и тоа за многу кратко време. Зошто сега, кога станува збор за Христовски, партиски кадар на ВМРО-ДПМНЕ е целосно игнориран ETS од страна на Обвинителството?
Оваа скандалозна одлука не само што ја руши довербата во институциите, туку и потврдува дека сѐ уште живее духот на тефтерчињата од времето на Груевски.
Со ВМРО-ДПМНЕ на власт, нема и не може да има правда“, се вели во соопштението на СДСМ.
Ќе се вработуваат 400 пожарникари за превенција од шумските пожари во летниот период
За справување со пожарите во летниот период, Владата со Оперативниот план за 2025 година предвидува вработување на 400 пожарникари. Со...
Група инжинери со претстaвка до РКЕ: „Граѓаните да имаат реални сметки за струја базирани на реално мерење“
Новиот Закон за енергетика, јасно ја уредува обврската за мерење и фактурирање на електричната енергија според реална потрошувачка, но со...
Нов пресврт, царините на Трамп остануваат во сила
Царините што ги воведе администрацијата на Доналд Трамп, а кои претходно оваа недела беа укинати од Трговскиот суд на САД,...
Белата куќа му се заблагодари на Илон Маск за неговата работа
Беелата куќа му се заблагодари на Илон Маск за неговата услуга, откако милијардерот објави дека ја прекинува својата вклученост во...
Мицкоски ќе се сретне со Орбан во Будимпешта
Премиерот Христијан Мицкоски в петок ќе присуствува на CPAC конференција во Будимпешта, Република Унгарија, соопшти владината прес-служба. Мицкоски во рамки...
Сојузниците од НАТО треба да трошат по 5 отсто од БДП за одбраната, му рекол Рубио на Муцунски
Државниот секретар на САД, Марко Рубио на средбата со шефот на македонската дипломатија, Тимчо Муцунски, нагласил дека е неопходно сојузниците во...
Од 1 јуни ќе има венчавки во „Порта Македонија“
Постигнат е договор за користење на свечената сала во објектот Порта Македонија, со цел организирање на церемонии на венчавање и...
Пет месеци откако исчезна, Миле Тодоров виден кај планината Серта
Дваесет и осумгодишниот Миле Тодоров кој се води за исчезнат од јануари, наводно бил забележан додека се движел покрај планината...
Арсовска да не дозволи да биде инструментализирана од структурите на ДУИ: Ганиу до градоначалничката на Град Скопје
Градоначалникот на Општина Чаир, Висар Ганиу, на денешната прес-конференција упати предупредување за загрижувачката состојба со управувањето на отпадот и јавните...
Директорот на АНБ не направил лажна исправа: Обвинителството ја отфрли пријавата за фалсификување
По целосно спроведена постапка и извршени проверки, јавен обвинител од Основното јавно обвинителство Скопје донесе Решение за отфрлање на анонимните...
Мицкоски: Да изгласаме закон за една изборна единица, но да ги вклучиме и граѓаните од дијаспората
Премиерот Христијан Мицкоски на денешната собраниска седница за поставување на пратенички прашања, ги повика пратениците од опозицијата да ги поддржат...
Службеници во болница во Прилеп проневериле над 2,2 милиони денари – парите од партиципација си ги ставале в џеб
Управата за финансиска полиција до Основното јавно обвинителство Прилеп поднесе кривична пријава против И. М. и С.Ч. во својство на...
Пандов повика судењето за пожарот во Кочани да биде во европската судница во Идризово од 1,3 милиони евра: Три години е празна
Директорот на Управата за извршување санкции Александар Пандов денес апелираше судиите да закажуваат судења во новата судница во Идризово. Тој...
Вградени првите пенилни протези на Клиниката за урологија: „Историски чекор во македонското здравство“
Клиниката за урологија во Скопје испиша ново поглавје во македонската медицинска историја. За првпат, во државното здравство, беа извршени три...
Трајко Славески избран за нов гувернер на Народна банка
Трајко Славески е избран за нов гувернер на Народна банка. Собранието доцна синоќа гласаше за неговиот избор. Тој доби поддршка...
(Видео) Данела Арсовска: Висар Ганиу истурал ѓубре пред Град Скопје, кога му реков дека доаѓам „џом“ да го нема
Градоначалничката на Град Скопје, Данела Арсовска, доцна синоќа пред Град Скопје, се вклучи во живо на социјалните мрежи и објави...
ВМРО-ДПМНЕ ги соопшти имињата на 25 кандидати за градоначалници, повеќето ќе се борат за нов мандат
Извршниот комитет на ВМРО-ДПМНЕ утврди 25 кандидати за градоначалници. За Град Скопје се’ уште не е донесена одлуката. Се работи...
(Видео) Се бара донација од пченка и јаболка оти мечки се доближуваат до селата околу Шар Планина
Националниот парк „Шар Планина“ повика на донации во форма на домашна пченка и јаболка, бидејќи се забележани повеќе случаи во...
Неопходно е да се додаде по уште една лента на експресниот пат Штип – Кочани, експертите ценат дека има и технички недостатоци
Денеска во Кочани претставници од Одделот за сообраќај на Министерството за внатрешни работи присуствуваа на експертскиот панел „Безбедносните ризици на...
Изгласан Законот за ратификација на договорот со Обединетото кралство – власта ракоплескаше, опозицијата негодуваше
Со 76 гласа за, 6 против и без воздржани, Собранието го изгласа Законот за ратификација на договорот меѓу Владите на...
