Претседателот на Партијата за движење на Турците (ТХП), воедно и кандидат за пратеник, Енес Ибрахим се сретна со граѓаните од Гостивар и ги изнесе клучните точки од изборната програма на ТХП.

Ибрахим во својот говор истакна дека разликите меѓу, како што кажа, режимскиот период и последните три години е очигледна.

„Од поделено општество и разнебитени граѓани создадовме општество кое нуди еднакви можности на сите, општество кое се одликува со солидарност, заедништво и слободарски дух. Во нашиот концепт нема место за раздор, бидејќи разноликоста ја перципираме како предност и богатство на оваа земја, а Гостивар е светол пример на средина каде сите заедници функционираат во кохезија“, кажа Ибрахим, изразувајќи уверување дека на 15 Јули граѓаните ќе потврдат дека се за континуитет на успешните политики од изминатите три години и ќе дадат огромна поддршка на кандидатските листи на коалицијата “Можеме”.

Kандидатот за премиер на ДУИ, Насер Зибери, во паркот Чаир оствари средба со младите каде ги откри младинските политики и заложби
за првите 100 дена како премиер.

„Јас сум тука за вас младите, а клучниот дел од мојата програма претставена за првите 100 дена е зајакнување на економијата и создавање
можности за вас, и ова го испланирав преку серија мерки. Првично, ќе го намалиме на нула персоналниот данок за три години за секој кој за прв
пат се вработува под 35-годишна возраст “, истакна Зибери.

Додаде дека Владата, исто така, ќе субвенционира 50 отсто од социјалните придонеси во наредните три години за секое ново работно место, што ќе ја подобри нејзината правична и соодветна застапеност на сите етнички заедници во приватни претпријатија.

„На овој начин, албанската младина ќе има повеќе можности за работа во земјата, повеќе можности за попросперитетна иднина, како и можности да се чувствуваат професионално реализирани овде во земјата“, рече Зибери.

Инвестирајте во вашите студии, вели тој, затоа што со започнувањето на преговорите со ЕУ, ќе имате многу можности да придонесете во многу
различни области, а во блиска иднина, како земја-членка на Европската Унија, ќе имате пристап до позиции на кои се носат одлуки. Не само во
нашата земја, туку и во круговите каде се носат одлуки на Европската Комисија.

„Она што нашата генерација мораше да го постигне преку војна, вие можете едноставно да го постигнете преку вашиот глас на 15 јули “, истакна Зибери.

Меѓу заложбите кои се преземаат за младите луѓе, Зибери ја истакна важноста за отворање стручни училишта во секоја општина и создавање Фонд
за унапредување на знаењето, поддршка за иновации и деловни вештини кај младите.

Денес, уште една бомба одекна во јавноста во која граѓаните можат да го слушнат генералниот секретар Игор Јанушев во разговор со Миле Јанакиевски како се заканува дека цитирам „ќе и удрел бокс во фаца“ на жена од општинскиот комитет, изјави на прес-конференција, Јагода Шахпаска носителка во ИЕ 3.

„Огромно лицемерие стои и зад нивниот слоган „Исправи се“ затоа што секојдневно потврдуваат дека зад маската која ја носат стои понижувачки, недоличен ,неодговорен однос кон граѓаните ,а со последната бомба и демонстрирање на родово насилство. И не само тоа , дури и во своите партиски редови ВМРО-ДПМНЕ не почитува родова еднаквост,а со тоа не ги почитува жените , како еднакви и рамноправни на мажите. И наспроти ова лице на ВМРО-ДПМНЕ стои СДСМ и коалицијата која работи,дејствува и се бори против сите форми на насилство врз жените. Парламентарното мнозинство на СДСМ и коалицијата донесе нов Закон за спречување и заштита од насилство врз жените и семејно насилство коишто за првпат е целосно усогласен со елементите на истанбулската Истанбулската конвенција“, изјави Шахпаска.

Таа додаде дека СДСМ ветил и остварил, родова еднаквост во партијата, 50-50 застапеност на жените во политиката, а тоа го потврдуваат и двојните носители на листи за претстојните избори.