Македонија
Обвинителството тргна кон фирмите на Орце Камчев
![](https://makfax.com.mk/wp-content/uploads/2018/11/kamcev.jpg)
СЈО врши претрес во „Орка холдинг“, компанијата на бизнисменот Орце Камчев. Од СЈО ја потврдуваат информацијата, а Камчев беше недостапен за да каже од кои причини компанијата е под лупа на обвинителството.
Вработени во „Орка холдинг“ за „Макфакс“ сведочат дека обвинители од СЈО се влезени во главните простории на компанијата со асистенција на Одделот за сузбивање организиран криминал и корупција, а дека останатите компании во објектот работат нормално.
Минатата недела и Основното јавно обвинителство за гонење организиран криминал и корупција отвори предмет за една приватна болница која се поврзува со бизнисменот Камчев, под сомнение дека биле злоупотребувани пари од Фондот за здравствено осигурување. Според предистражната постапка, постојат индиции дека дел од наплатените интервенции се фиктивно извршени од страна на болницата, како и дека за ист пациент и за ист вид интервенција се вршени по неколку наплати од Фондот.
Бизнисменот Камчев еднаш се јави како сведок во СЈО пред две години, но не се знаеше во однос на кој предмет, ниту, пак, беа соопштени детали од неговата посета во обвинителството. СДСМ, кога ги објавуваше такаранечените „бомби“, не објави ниту една аудиоснимка во која може да се слушне разговор меѓу Камчев и тогашните претставници на власта.
Бизнисменот Камчев се јавува како овластено лице во повеќе компании, тој е директор и извршен член на одборот на директори на „Орка холдинг“, фирма која е сопственик на Друштвото за производство, трговија и услуги „МОНТ“ ДООЕЛ Скопје и приватната здравствена установа „Аџибадем Систина“ во Скопје.
Неговото име се провлекуваше и во повеќе офшор компании, меѓу кои и фамозната „Ексико“ од кои дел постојано ги менуваа називите, сопствеништвото и локацијата низ различни даночни раеви во светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.