Контакт

Македонија

,,Титаник 3″ се враќа на почеток – Јанева и медиумите влијаеле на постапката

Објавено пред

Судот го прифати барањето за изземање на судијката Оља Ристова од судењето за ,,Титаник 3″. Барањето го поднесе Ристова со образложение дека врз неа се врши директен притисок и се доведува во прашање нејзината независност и непристрасност во постапувањето, што отвора сомнеж во јавноста. Кривичниот суд во Скопје информира дека предметот согласно АКМИС-системот ќе биде распореден на понатамошно постапување кај друг судија.

Во продолжение го пренесуваме интегрално соопштението на Основниот суд Скопје 1: ,,Постапувајќи по барање за изземање на судијата Оља Ристова од предметот со К.бр. 1905/17, оформен по обвинителен акт на Јавното обвинителство за гонење кривични дела поврзани и кои произлегуваат од незаконското следење на комуникациите, а означен како „Титаник 3“, поднесен лично од судијата, претседателот на судот донесе решение со кое по извршениот увид во предметот и изјавата на судијата согласно со член 36 ст. 1 и член
33 ст.2 од ЗКП го усвои барањето.

Имено, судијата Оља Ристова во барањето наведува дека на емисијата „КОД“ на телевизија Телма од 27.01.2019 год. Јавната обвинителка Катица Јанева дава изјава во контекст на наводните закани од еден од бранителите во конкретниот предмет упатени кон обвинител од надлежното обвинителство. Во таа насока, Јанева во својата изјава бара од новинарите и јавноста будно да го следат овој предмет бидејќи судот, како што вели, не ги прифатил овие наводни закани како сериозни и не презел мерки во тој правец, како и тоа дека не е воспоставен соодветен ред во судницата.

Во однос на оваа изјава, судијата Ристова смета дека со ваквото неосновано медиумско влијание за предмет за кој и онака секоја расправа се одвива во присуство на претставници на медиуми, невладини организации и меѓународни претставници во земјата, се врши директен
притисок и се доведува во прашање нејзината независност и непристрасност во постапувањето, што отвора сомнеж во јавноста.

Во тој правец и Судот овие изјави на СЈО ги разбира како обид за директен притисок врз судијата, иако медиумското следење на предметот од поднесување на обвинителниот акт преку неговата оценка и отпочнување на главната расправа се одвива со постојано присуство на медиумите и соодветни известувања за јавноста.

Судот смета дека во постапката на овој предмет судијата има излезено во пресрет во однос на сите барања на странките, а редот во судницата никогаш не бил доведен во прашање.
Сепак, заради отстранување и на најмал сомнеж за пристрасност, а имајќи ги предвид изјавите на судијата Оља Ристова и наводите на СЈО во однос водењето на постапката од страна на судот, се одлучи во смисла на член 36 ст. 1и член 33 ст. 2 од ЗКП и барањето за измеање беше усвоено.Предметот согласно АКМИС-системот ќе биде распореден на понатамошно постапување кај друг судија, а по насрочена главна расправа јавноста и странките ќе бидат дополнително известени”, соопшти Основен суд Скопје 1.

Со ова за 1 година ова судење по вторпат ќе почне од почеток откако претходно судијката Гордана Спиревска беше изземен од постапување по истиот предмет.

Во „Титаник 3“ обвинети се пратеникот на ДУИ, Ејуп Аљими, и Исмет Гури. Тие како членови на општинската изборна комисија во Чаир на локалните избори во 2013 година уништиле изборен материјал. Според обвинението, двајцата обвинети со своите дејствија влијаеле директно врз изборниот резултат и ја фалсификувале изборната волја на граѓаните на Чаир за да остварат политичка моќ.

Македонија

(Видео) Шахпаска: Преку инвестиции во инфраструктурата,инвестираме во иднината на граѓаните

Објавено пред

„Во изминативе три години покажавме како се работи домаќински, одговорно и отчетно и како се гради плански на територијата на цела држава.Инфраструктурата претставува крвотокот на економијата и оттука, секоја инвестиција во неа е инвестиција во економијата, во државата, за сегашните и идни генерации.Ниту кризата со коронавирусот не ја запре градежната офанзива низ секој дел од државата. Градиме за сите и во услови на пандемија, во вонредни околности, градиме инфраструктура во новата нормалност“, изјави Јагода Шахпаска носителка во ИЕ 3.

„Градиме 260 километри автопат, 300 километри експресни патишта и 900 километри локални патишта. Рехабилитираме повеќе од 1.500 километри постоечки патни правци.
Источниот регион го доби првиот автопат Миладиновци – Штип, а во моментот се градат и експресните патишта, Штип-Радовиш, Штип-Кочани и Ранковце – Крива Паланка. Истовремено, се рехабилитираа и постоечките патишта: Штип-Радовиш, Крупиште-Пробиштип, Кочани, Македонска Каменица и Делчево- Граничен премин со Бугарија.

Нашата држава ланската година и оваа 2020 година, во услови на корона криза, заврши 80% од примарната и секундарната гасификација, проект кој се одолговлекуваше речиси 20 години.И во услови на корона криза интензивно се работи и на локалната инфраструктура во фаза во која е отпочната изградба на дополнителни 500 километри водоводи и канализации за што обезбедуваме 100 милиони евра за сите општини во земјата.Токму, кризата со коронавирусот ни даде можност да видиме од колкаво значење е инфраструктурата и јавниот сервис и дека човечки судбини зависат од практичната примена на инфраструктурата“, вели таа.

Според Шахпаска, за време на владеењето на ВМРО-ДПМНЕ, Делчево беше заборавено, без ниту еден проект, а беше оставен долг во општинската каса од над 240 милиони денари.

„Денес, Делчево повеќе не е изолирана општина,се инвестира, се гради ,се подобруваат условите за живот на делчевци.По изградбата на регионалните патишта Делчево – Кочани, Транзитниот булевар низ Делчево, правците Делчево-Ѕвегор, Делчево-Пехчево, Делчево-Виница, Делчево добива патната инфраструктура за пример.Остануваме фокусирани на изградба на модерна, брза, ефикасна инфраструктура за побрз и поефикасен транспорт низ целата држава.Затоа што ‘Можеме’ уште подобро и уште повеќе“, вели таа.

Прикажи повеќе...

Македонија

Лукаревска во Бутел: СДСМ не копа ровови, гради мостови, патишта и врски меѓу луѓето

Објавено пред

„Нашиот фокус го насочуваме кон изградба на нови 500 километри водовод и канализација, за што ќе обезбедиме 100 милиони евра за сите општини. Ако не се расфрлаа и трошеа парите на граѓаните како да се туѓи, веројатно Индустриската зона „Визбегово“ во општина Бутел немаше толку да чека на водовод и канализација . Со поддршка на Владата, сега е завршена изградбата на водоводната мрежа во должина од 7,3 километри, а во завршна фаза е изградбата и на канализационата мрежа. Се создаваат подобри услови за работа на постоечките компании, а се поттикнува интересот и кај други домашни и странски инвеститори“, рече носителката на изборна листа во ИЕ 2, Сања Лукаревска.

Социјалдемократскиот сојуз не копа ровови, гради мостови, патишта, ги поврзува луѓето. Ќе изградиме нови 950 километри локални патишта. Инвестициите во инфраструктурата, во патиштата, се инвестиции во подобра поврзаност, инвестиции во развојот, инвестиции во нова, развојна македонска економија. Кога има просперитет, кога има добар живот за сите, нема место за омраза и за национализам. Затоа ќе продолжиме со уште поголемо темпо, сите заедно. Лукаревска најави и изградба на нови 777 станбени единици на социјални станови во 12 општини, меѓу кои и во општина Бутел.

Прикажи повеќе...

Македонија

Богојески и Тепшиќ: Да го промениме трендот на иселување на населението од Македонски брод

Објавено пред

Невработеност, економски колапс и недостиг на свежи инвестиции се најголемите проблеми на жителите од Општина Македонски Брод, кои денес разговараа со кандидатите за пратеници од Македонски концепт и ги посочија долгогодишните проблеми за развој на Поречието.

„Повозрасните се жалат дека младите решение за проблемите бараат надвор од Општината, во Скопје или заминуваат во странство. Велат доколку се вложат напори да се отворат нови стопански капацитети, сигурно дека квалитетот на животот на сите граѓани ќе се подобри и дека ќе се стопира процесот на мигрирање на населението“, велат Петар Богојески, носител на листа во ИЕ1 и д-р Дамир Тепшиќ, кандидат за пратеник за ИЕ1 од Македонски Брод.

Прикажи повеќе...

Најново

Спорт59 минути

Поддршка за Ѓоковиќ од центарот на Загреб (Фото)

Голем транспарент со поддршка за Новак Ѓоковиќ се појави во центарот на хрватската престолнина Загреб. „Имаме право да дишеме. Стоп...

Регион1 час

На Косово 114 новозаболени од коронавирус – жариште има на подножјето на Шар Планина

Националниот институт за јавно здравје во Приштина објави дека во Косово се регистрирани 114 нови случаи на Ковид 19, пишува...

Регион1 час

Словенија: Рекорден број заразени од средината на април

Во Словенија од 1456 тестирани примероци, потврдени се 30 позитивни на коронавирус, што е најмногу од средината на април, покажуваат...

Македонија3 часа

Заев: САД се нашиот најголем партнер во градењето на стабилна, демократска држава

Претседателот на СДСМ Зоран Заев, испрати честитка по повод 4 јули, Денот на независноста на Соединетите Американски Држави. Во честитката...

Свет3 часа

Осумгодишно момче убиено во пукање во САД

Осумгодишно момче загина, а тројца други се повредени во пукање во трговски центар во Алабама, објави АП. Полицијата сè уште...

Свет3 часа

Русија ќе подготви 70 милиони дози вакцини за Ковид-19, привичните тестови се успешни

Две недели откако започнаа клиничките тестирања врз група волонтери на руската вакцина против Ковид-19, нема никакви негативни ефекти, со што...

Свет4 часа

За коронавирус тестирани 10 милиони луѓе во Кина

Градските власти во Пекинг објавија дека 10,4 милиони луѓе, или околу половина од жителите на кинеската престолнина,се тестирани за присуство...

Свет5 часа

Четири лица загинаа, а 97 се повредени во експлозијата во Турција

Четири лица загинаа, а 97 од 186 вработени се повредени при експлозијата во фабрика за пиротехника во Турција. Фабриката е...

Свет5 часа

Првите резултати од лекот против Ковид-19 се очекуваат за две недели

Светската здравствена организација ги очекува во следните две недели првичните резултати од клиничкото тестирање на лекови кои би можеле да...

Регион15 часа

Се запали авион со 164 патници и членови на екипаж, принудно слета во Грција

Авион на ирската компанија „Рајанер“ со 164 патници и членови на екипаж принудно слета на аеродромот во Солун, бидејќи во...

Свет16 часа

Тенгел: Наместо да се смеетe на шведскиот модел, научете нешто од нас

Наместо да се смеете на нашиот модел на борба против Ковид-19, подобро би било да научите нешто од нашето искуство,...

Свет17 часа

СЗО: Засега Ковид-19 нема мутација што го прави посилен

Вирусот Ковид-19 досега нема мутации што ќе го направат посилен или ќе доведат до потешка болест, вели главниот епидемиолог на...

Топ21 час

Во Охридското Езеро се удави 49-годишен маж

Во водите на Охридското Езеро денеска околу 14.30 часот е пронајдено безживотно тело на плажа на кејот Македонија. На местото...

Македонија22 часа

Регистрирани 165 новозаразени – починаа 7, а оздравеа 128 лица

Министерството за здравство информира дека во последните 24 часа се направени 1454 тестирања, а регистрирани се 165 нови случаи на...

Европа23 часа

Во ЕУ дозволен прв лек против Ковид-19

Европската комисија издаде условна дозвола за ставање во промет на лекот ремдесивир, кој стана првиот медикамент за лекување на Ковид-19...

Македонија23 часа

Јовановски поднесува кривични пријави за триесеттина лица, бара вклучување на меѓународните институции

Осудениот во случајот „Рекет“ Бојан Јовановски  продолжи со поднесување кривични пријави во скопското обвинителство поврзани со предметите „Рекет“ и „Меѓународен...

Топ24 часа

Вработен во МВР станал и советник во Општина Арачиново – внатрешна контрола го разгледува случајот

Одделот за внатрешна контрола, криминалистички истраги и професионални стандарди поднесе иницијатива за поведување постапка за утврдување дициплинска одговорност против Ф.Х....

Свет1 ден

(Видео) Најмалку 41 повреден во експлозија во фабрика за огномети во Турција

Најмалку 41 лице е повредено по експлозијата во фабрика за огномети во северозападната турска провинција Сакарија, пренесува „Хуриет дејли њуз“....

Македонија1 ден

Засега нема затворање на границите со Србија и Косово

Границите со Србија и Косово остануваат отворени, откако Комисијата за заразни болести не даде препорака тие да бидат затворени поради...

Свет1 ден

Научниците докажаа: Нова верзија на коронавирус се шири низ целиот свет, до 6 пати позаразна

Мутирана верзија на новиот коронавирус што предизвикува Kовид-19, која е распространета денес во светот, во лабораторија се покажа дека е...

Досие