СДСМ ги почитува европските принципи за слобода и демократија и затоа го поддржува развојот на медиумите и слободата на говорот и аргументираната критика, изјави на прес-конференција, Богданка Кузеска, портпаролка на СДСМ.

Таа рече дека владејачката партија ги вратила слободата, демократијата и критичкото размислување.

„За само две и пол години заедно со граѓаните и новинарите успеавме да ги ослободиме медиумите од партиските влијанија и од 11 годишната узурпација од страна на режимот на ВМРО-ДПМНЕ. Повеќе нема јавувања од политички функционери по уредници и нема нарачка на прилози и вести. Партијата на Никола Груевски цела деценија корумпираше одредени медиуми со црни пари и со народни пари со кои купуваше рекламен простор во милионски износи. Со поткупот на медиумите ВМРО-ДПМНЕ стана и сопственик, и уредник и пропагандист во медиумите под нивна контрола“, рече Кузеска.

„ВМРО ДПМНЕ го зави во црно македонското новинарство за да му служи на режимот. Да се потсетиме дека новинари завршуваа во затвор за објавени информации, на големи медиуми ставија клуч затоа што ја критикуваа нивната ненародна и криминална политика, стотици новинари ги оставија на улица затоа што не му се приклонија на Груевски во узурпацијата на медиумите.

Режимот на ВМРО-ДПМНЕ од медиумите направи партиски мегафони за да ги величаат неговите злодела и да го штитат при секоја криминална постапка или лошо спроведена политика.

Денес, се е исто во белиот дворец.

И тогаш и сега ВМРО-ДПМНЕ поткупува медиуми за да пласираат лажни вести. Тогаш за да го одржат режимот, а денес за да пишуваат против европските успеси на државата.

СДСМ ја актуелизира оваа тема затоа што неодамна се појави новинарско истражување во Словенија кое директно посочува четири медиуми во Скопје во кои се слеале 2,5 милиони евра со цел да се поткопува Преспанскиот договор и членството на Северна Македонија во НАТО.

СДСМ нема да престане со борбата за создавање професионална и независна медиумска сфера. За нас се приоритет демократските и европските вредности за јавна критика, дебата и слобода на изразување. Сето она што беше забрането во режимот“, рече Кузеска.

Директорот на програмата за ЕУ при универзитетот Принстон, Ендру Моравшчик, изјави денеска дека Европската унија има интерес за проширување, но не во истата мерка како порано.

„Постои заинтересираност за поголема стабилност и целокупна стабилност и економска размена, како и за контрола на миграцијата. Европа е голем пакет на политики и има интерес. Но, мислам дека интересот е толку голем каков што беше интересот на Германија за интегрирање на Чешка, Унгарија и Полска и ќе биде построго за овие земји (Западен Балкан) “, рече Моравшчик за „Јуропиан Вестерн Балкан“ (EWB).

Говорејќи за проширувањето на ЕУ, тој кажа дека сите се согласиле оти претходниот циклус на проширување требал да се направи подобро.

„Двете снимки што ги донесе Антонијо Милошоски се дадени на вештачење и го чекаме наодот од тие вештачења“, рече обинителката Вилма Русковска по вчерашните обвинувања од страна на ВМРО-ДПМНЕ и лидерот на партијата Христијан Мицкоски дека и по 48 часа по предавањето на снимките нема никаква реакција од Русковска.

„Го замолив Милошоски, доколку може, да обезбеди и сведоци кои би го поткрепиле тоа што е на снимката и на едната и на другата“, рече Русковска, откако Милошоски предаде две аудиоснимки кои наводно покажуваат дека експремиерот Зоран Заев одамна знаел за начинот на кој се финансира 1ТВ на Бојан Јовановски и дека се мешал во работата на Врховниот суд.

Таа го оцени како многу невкусно користењето на нејзиното име од страна на Мицкоски.

„Мислам дека е многу невкусно лични имиња да се користат во предизборна кампања. Доколку кој било има замерка на моето постапување, тоа треба да го пријави. Ако нема доверба во јавниот обвинител на Република Македонија, тогаш до Советот на јавните обвинители“, рече таа.

Лидерот на ВМРО-ДПМНЕ вчера на протестниот марш побара покренување на истрага за злоупотреба на службената должност од страна на експремиерот Зоран Заев и истрага од тим на обвинители „кои нема да ги одбере Русковска, поточно Зоран Заев, туку обвинители во кои ќе има доверба експертската јавност како гаранција за непристрасност и независност“.