Македонија
ТИ: Македонија со пад од 24 места по индексот на перцепција на корупција
![](https://makfax.com.mk/wp-content/uploads/2017/01/korupcija-index.jpg)
За 2016 година, Македонија се најде на 90. место со 37 поени, што е пад од 24 места за разлика од 2015 година, кога била на 66 место според Индексот за перцепција на корупцијата, објави во вторник невладината Транспаренси интернешнал.
Според тоа, земјата го има еден од најниските резултатите на европскиот континент. Во однос на минатата година, Македонија има пад од 5 поени на листата на „ТИ“, а во регионот, зад нас е само Косово, кое се наоѓа на 95-тото место со 36 поени.
„Проблемот со корупцијата ескалира. Македонија забележа историски и глобално најголем пад на ранг листата на индексот за перцепција на корупцијата. Владата која повеќе години водеше политика заснована на клиентилизам и интереси, не само што ги занемаруваше сите укажувања за ескалација на проблемот со корупција, туку со восспоставувањето на системот на заробена држава со оневозможи работењето на институциите задолжени за борба против корупцијата“, вели во изјавата Слаѓана Тасева од ТИ.
Според неа, на овој начин се создал силно изразен систем на заштита на корумпираните и систем во кој наспроти правото владеат интереси.
„Овој систем мора да се замени со систем во кој владее правото, а институциите ќе бидат ефикасни и ќе преземаат сериозни мерки за справување со корупцијата“, вели Тасева.
Транспаренси интернешeнл го објави овогодишното рангирање за нивото на корупција во 176 земји во светот, а според листата, земји со најмал индекс на корупција, се Данска и Нов Зеланд, а следат Финска, Шведска, Швајцарија, Норвешка, Сингапур.
Од балканските држави најмалку корумпирана е Словенија (31 поени) , а потоа следува Србија (72), додека Албанија и Босна и Херцеговина го делат 83. место./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.