Ноќта сабота кон недела (26-ти и 27-ми октомври) часовниците треба да се вратат за еден час наназад. Поточно, во 3 часот после полноќ, се поместуваат на 2 часот, со што започнува зимското сметање на времето.

Промената на времето во западна Европа е воведено во 1970 година, поради заштеда на електрична енергија, зголемена продуктивност и поефикасен работен ден. Сепак, поновите истражувања и анализи покажале дека промената на времето носи негативни последици по човековото здравје, земјоделството и безбедноста во сообраќајот.

Европскиот парламент во март годинава изгласа одлука за укинување на летно и зимско сметање на вемето, која ќе важи од 2021 година.

Обвинителот во Јавното обвинителство за гонење организиран криминал, Наум Пановски ги демантира пишувањата на италијанскиот весник „Ла Верита“ за инволвираност на премиерот Зоран Заев за случајот со одмрзнување на парите од „Меѓународниот сојуз“ на Боки 13.

„Глупости чисти, од збор. Едно да се совпаѓа, ама ништо не се совпаѓа. Јас го работев случајот, да, но ништо хронолошки не се совпаѓа. Вилма тогаш не беше шефица на Обвинителството. Ние шест месеца ги држевме средствата замрзнати“, вели Пановски.

Русковска беше избрана за шефица на Обвинителството за гонење организиран криминал и корупција во ноември 2018 година. Од Обвинителството најавија демант на пишувањата на весникот.

Весникот „Ла Верита“, во текстот потпишан повторно од италијанскиот новинар Ларис Гајсер, пишува дека осомничувањето на Фросина Ременски е амортизација со која премиерот Зоран Заев се обидува уште еднаш да се спаси од кривична одговорност.

„За време на нашето истражување добивме потврда дека Управата за финансиско разузнавање, сомневајќи се на некои незаконски дејства при трансакцијата на парите на Силјан Мицевски, го замрзнала плаќањето од 750.000 евра извршено во корист на Лилјана Тодоровска. Почитувајќи ги легалните процедури, УФР за кривичното дело уредно го известило Обвинителството за гонење на организиран криминал и корупција, на чие чело е обвинителката Вилма Русковска. Таа тогаш го имала целото право да определи притвор на неодредено време и да почне истрага“, пишува италијанскиот весник.

Сега е моментот да ги прашаме граѓаните, со чист образ и одговорност одиме на избори на кои ќе докажеме дека продолжуваме на прав пат. Ова е пораката од граѓанската трибина „На прав пат“ во Струга, на која свое обраќање пред присутните имаа потпретседателката на СДСМ Радмила Шекеринска, претседателот на комисијата за економија на СДСМ Кирил Колемишевски и пратеникот Јован Митрески.

„Постои една порака многу јасна и најважна, ние нашето го испорачавме ,Европската Унија направи историска грешка. И тоа е порака испратена од највисоките претставници на Унијата. Со чист образ и многу долга листа исполнети обврски дојдовме во Брисел. Се она што зависеше од нас беше исполнето“, порача Шекеринска.

Разбирливо е разочарувањето на граѓаните, но едно нешто останува јасно, ова што ни се случи не прави посилни, не прави повеќе убедени дека сме на вистинскиот пат и дека ќе победиме, додаде Шекеринска.

Само ако останеме на правиот пат од државата може да направиме квалитетно и удобно место за живеење, во кое секој ќе ја гледа својата иднина, истакна претседателот на Комисијата за економија на СДСМ Кирил Колемишевски на граѓанската трибина „На прав пат“ во Струга.

Членот на ЦО на СДСМ, пратеникот Јован Митрески на трибината во Струга нагласи дека сега треба да одбреме дали ќе одиме по правиот пат или ќе се вратиме 100 години назад, додавајќи дека ВМРО-ДПМНЕ има само една цел – да го заштити криминалот и криминално стекнатите пари од времето на своето владеење.