Македонија
Утре без струја повеќе делови на Скопје

Од „ЕВН Македонија“ АД информираат е добиено известување дека за 9.7.2020 година (четврток) планирани се технички зафати во електросистемот на град Скопје и без електрична енергија ќе останат:
– во периодот од 8.30 до 14 часот корисниците од ул. „Атанас Бабата“ бр. 26 и околните 4 куќи на истата улица (општина Чаир);
– во периодот од 9 до 12 часот корисниците од ул. „1409“ и дел од потрошувачите околу „БК мебел“, како и железничката станица во Ѓорче Петров (општина Ѓорче Петров);
– во периодот од 9 до 13 часот корисниците од ул. „Даскал Камче“, зграда бр. 1А вл. 1 и вл. 2 (општина Ѓорче Петров);
– во периодот од 8:30 до 10:30 часот корисниците од населбата Центар, делот од ул. „Апостол Гусларот“ до ОУ „Песталоци“ (општина Центар);
– во периодот од 9 до 13 часот корисниците од населбата Гази Баба на ул. „Благоја Стефковски“, поточно потрошувачите помеѓу бензинската на „Макпетрол“, училиштето „Коце Металец” и СУ „Партеније Зографски“ (општина Гази Баба);
– Вво периодот од 13 до 14 часот корисниците од населбата Радишани ул. 18, со броеви над 140 на ул. „Радишанска“ во дел со вкрстување со ул. 18 и ул. 40 (општина Бутел) и
– во периодот од 9 до 14 часот корисниците од населбата Карпош на улиците „Милан Марковиќ“ (од бр. 8 до бр. 35), „Леринска“ (од бр. 1 до бр. 11), ул. „Козле“ (од бр. 15 до бр. 20 и околина на овие објекти) ул. „Крчин“ (од бр. 1 до бр. 13) (општина Карпош).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Со двојно поголем буџет, Мицкоски сака македонските универзитети да влезат во првите 1.000 на Шангајската листа

Премиерот Христијан Мицкоски истакна дека буџетот за науката е двојно зголемен во споредба со минатата година, достигнувајќи околу 650–660 милиони денари.
Тој додаде дека Владата обезбедила бесплатен пристап до двете најголеми научни бази за сите истражувачи, студенти и универзитети во земјава.
„Нашата цел е да ја стимулираме науката. Очекувам младите научници да ги користат овие бази, да ги следат светските трендови и да публикуваат свои трудови“, рече Мицкоски.
Според него, со оваа поддршка, универзитетите во Македонија би можеле да се приближат кон влез во првите 1.000 на Шангајската листа во текот на овој владин мандат.
Македонија
Мицкоски со остра осуда за скандирањата на ксенофобични пораки и национализам на натпреварот Македонија-Романија во Куманово

Премиерот, Христијан Мицкоски денес одговарајќи на новинарско прашање остро го осуди скандирањето на натпреварот Македонија-Романија во Куманово од страна на неколкумина присутни во салата, и посочи дека навивачките групи треба да ги бодрат своите тимови, без навредливи и ксенофобични пораки.
„Во текот на вчерашниот ден домаќинот а тоа беше кошаркарската федерација исто така и Општина Куманово го осудија скандирањето и ксенофобичните испади на неколкумина во салата, искрен да бидам додека бев таму, воопшто и не го забележав тоа, бидејќи стануваше збор за мала група на луѓе. Но, исто така еве би сакал да ја искористам оваа прилика да се приклучам кон осудата на национализмот и ксенофобијата, најпрвин на таа што се случи за време на кошаркарскиот натпревар помеѓу Македонија и Романија, а потоа и да упатам порака до сите навивачки групи да навиваат спортски, да го бодрат својот тим и националниот тим на Македонија. Тоа е она кое што оваа Влада го подржува, а сето останато ќе биде предмет на истрага и предмет на санкции, без разлика од која страна доаѓа“, вели Мицкоски.
„Уште еднаш да повторам апсолутно го осудувам ксенофобичното и националистичко скандирање на неколкумина кои што не наидоа на поддршка од страна на ниту еден од присутните во салата“, порача премиерот Мицкоски.
Македонија
Нови цени на горивата од ноќеска на полноќ

Од ноќеска на полноќ ќе има нови цени на бензините и дизелот, соопшти Регулаторната комисија за енергетика, водни услуги и услуги за управување со комунален отпад.
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 1,00 ден/лит.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 ден/лит.
Малопродажната цена на Мазутот М-1 НС се зголемува за 0,533 ден/кг и сега ќе изнесува 39,945 ден/кг.
Од 5.8.2025 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 75,00 (денари/литар)
Моторен бензин ЕУРОСУПЕР БС – 98 77,00 (денари/литар)
Дизел гориво ЕУРОДИЗЕЛ БС (Д-Е V) 69,50 (денари/литар)
Масло за горење Екстра лесно 1 (ЕЛ-1) 69,50 (денари/литар)
Мазут М-1 НС 39,945 (денари/килограм)