Македонија
Утре наутро Скопје сити мол ќе изврши противпожарната вежба
Трговскиот центар Скопје сити мол соопшти дека согласно одредбите од Законот за заштита и спасување, утре со почеток во 7:30 часот ќе изврши тестирање на системот за заштита и спасување.
Трговскиот центар е управуван од трговското друштво СЦМ РЕТАИЛ ДООЕЛ Скопје.
Тестирањето ќе биде спроведено со цел да се направи проверка на функционирањето на кризниот штаб на трговскиот центар на Универзалната единица – просторните сили за заштита и спасување, како и начин да се тестираат протоколите за реакција во кризни ситуации.
Главната цел на вежбата е справување со пожар и евакуација на сите присутни вработени и посетители во трговскиот за да бидат подготвени за управување на најдобар можен начин со можни ризици и вонредни ситуации.
Евакуацијата ќе биде спроведена од страна на мониторинг-центарот, оперативците од Агенцијата за обезбедување ОСА, како и учество на вработени од службата за хигиена во молот „Хаусмајстор плус“.
Противпожарната вежба ќе биде изведена под надзор на стручни лица од Бригадата за противпожарна заштита и кризниот штаб на Универзалната единица за заштита и спасување на Скопје сити мол.
За време на вежбата строго ќе се почитуваат препораките за заштита од Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од Илинден и Ѓорче Петров денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 09:00 до 13:00 часот, улица Бунарџик. (Општина Илинден)
– во периот од 09-00 до 15-00 часот, дел од корисниците на улиците: Мице Козар и Ѓуро Салај. (Општина Ѓорче Петров)
Македонија
Сончево и релативно топло со мала до умерена облачност
Сончево и релативно топло со мала до умерена облачност. Во утринските часови наместа ќе има зголемена облачност која во текот на денот ќе се намали. Ќе дува слаб ветер од северен правец. Минималната температура ќе биде во интервал од -2 до 3, а максималната ќе достигне од 12 до 17 степени.
Во Скопје, претпладне во делови од котлината ќе има услови за појава на слаба магла. Во текот на денот времето ќе биде сончево со мала до умерена облачност и претежно тивко. Минималната температура ќе се спушти до 1, а максималната ќе достигне до 14 степени.
Времето во наредниот период
Продолжува период на стабилно и релативно топло време. Во текот на ноќите и во утринските часови ќе има појава на магла на одредени места и зголемена облачност која во текот на денот ќе се намалува.
Македонија
Сообраќајот на граничниот премин Евзони (ГП Богородица) се одвива нормално
Сообраќајот на ГП Евзони (ГП Богородица) се одвива нормално, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

