Контакт

Македонија

(Видео) Фетаи: Антонијо Милошоски нарачал лустрација на кичевски судија за да му се одмазди

Објавено пред

Антонијо Милошоски нарачал лустрација против кичевски судија. Ова го соопшти денеска обвинителката на СЈО Фатиме Фетаи на прес-конференцијата на која информираше дека пратеникот на ВМРО-ДПМНЕ е под истрага за незаконска продажба на имот во Македонски Брод на неговиот татко во истрагата со кодно име „Моќник“.

„Втората истрага – „Моќник“, се отвара поради основано сомнение дека под влијание на, во тој период исклучително моќен пратеник во Република Македонија, багателно се распродава имотот на државата и општински имот на негови блиски луѓе, употребувајќи измамнички дејствија спрема советниците на општината. Наведеното, продолжило со преземање понатамошни криминални дејствија од осомничениот пратеник и негови извршители – послушници во еден државен орган, за да се одмазди на луѓето за кои смета дека му се мешаат во неговите интереси и интересите на неговото поблиско семејство, со што постои основано сомнение дека се извршени кривични дела Измама од член 247 од КЗ и Злоупотреба на службената положба и овластување од член 353 од КЗ. Постаппката се води против 13 лица“, рече обвинителката Фатиме Фетаи.

Постои основано сомнение дека во текот на 2011 година второроосомничениот – татко на првоосомничениот – пратеникот Антонијо Милошоски, и третоосомничениот – тогашен градоначалник на општината Македонски Брод, поттикнати со умисла од Милошоски, за неговиот татко да прибави противправна имотна корист, ги довеле во заблуда советниците во Советот на општина Македонски Брод и со лажно прикажување и со прикривање на факти ги навеле советниците да изгласаат одлука за отуѓување на зградата на „Задружниот дом“, со дворно место во с.Ижишта, општина Македонски Брод.

Благодарение на ваквата одлука на Советот, кој гласал во апсолутна заблуда за предметот на продажба и правниот статус на истиот, по спроведената противправна постапка за продажба и по продажбата на имотот од страна на осомничениот градоначалник на второосомничениот, нанесена е значителна штета на имотот на Република Македонија во вредност од 1.795.800,00 денари, а за продажбата на земјиштето нанесена е значителна штета на општината Македонски Брод во вредност од 1.176.000,00 денари или, вкупно нанеле значителна штета од 2.971.800,00 денари или, околу 50.000 евра.

На ден 27.10.2011 година второосомничениот писмено се обратил до Советот на општина Македонски Брод со барање Советот да донесе одлука за продажба на задружниот дом во с.Ижиште и лажно во барањето прикажал (навел) дека истиот веќе го користи тој простор, сопственост на Општината и сака да отвори сопствен бизнис. Веднаш следниот ден била закажана седницата на Советот на која се разглеедувало ваквото барање и градоначалникот на Општината лажно презентирал дека се работи за објект кој на барателот му бил даден на користење на 30 години од претходниот Совет и има договор за тоа, па за да може да се направи вложување во објектот третоосомничениот побарал од Советот да донесе одлука и да му се продаде објектот на второосомничениот преку јавна лицитација.

Ова го презел и покрај фактот што и тој, и останатите осомничени, знаеле дека всушност предмет на продажба не бил објект кој го користи второсомничениот, туку зградата во која била сместена администрацијата и градоначалникот на општина Пласница и две месни канцеларии на Управата за водење на матични книги, кој објект, патем, не бил ниту впишан во сопственост на општина Македонски Брод, туку сопственичкото право било запишано на име на Република Македонија. По ова советниците едногласно донеле одлука за продажба, иако според нивните искази прибрани во текот на оваа постапка, истите воопшто не знаеле дека со ваквата одлука всушност одобруваат продажба на општинската зграда во која била сместена општина Пласница.

Потоа, според доказите, постои основано сомнение дека градоначалникот, поттикнат од првоосомничениот пратеник, намерно не ги извршил своите службени должности кои бил должен да ги изврши и не го објавил огласот за продажба во Службен весник, со што ја ограничил конкуренцијата за јавното наддавање, па како наддавач се пријавил само второосомничениот, кој единствено знаел за денот на јавното наддавање и го купил објектот кој бил сопственост на Република Македонија за цена од 1.795.800,00 денари, што е 670 денари повеќе од почетно определената за наддавањето, парите ги уплатил на сметка на општина Македонски Брод, за што со третоосомничениот склучиле договор за купопродажба, заверен на нотар што е директна штета на Република Македонија како сопственик на објектот, а подоцна успеал во катастар да го впише објектот на свое име, како техничка исправка, иако немал основа за такво впишување.

Наедно со анекс го купил и земјиштето по цена од 100 денари по м2, во постапка без јавно наддавање, иако со актите на општината – ценовник, според кој од одделението за оданочување се вршело утврдување на пазарна вредност на градежно земјиште за тој регион била предвидена цена од 400 ден по м2, со што второосомничениот платил 300 денари помалку од пазарната по метар квадратен и заедно, второ и третоосомничениот, нанеле значителна штета на општина Македонски Брод во износ од 1.176.000,00 денари. Откако градоначалникот на општина Пласница дознал дека објектот во кој е сместена администрацијата на општина Пласница и неговиот кабинет е продаден на второосомничениот телефонски контактирал со неговиот син -првоосомничениот и побарал истиот да влијае да се ревидира „таа работа“, а побарал и од Владата на Република Македонија да ја испита продажбата.

По ова, од страна на Владата е оформена комисија, која по спроведената постапка утврдила незаконитост на наведената продажба од повеќе аспекти и го задолжила градоначалникот со тужба да бара поништување на овие правни работи, меѓутоа истиот не постапил по ваквото задолжение. Сепак, ваквата постапка на градоначалникот на општина Пласница кај првоосомничениот предизвикала гнев и чуство дека треба да ја користи својата политичка моќ за да му се одмазди на Исмаил за неговите интервенции во врска со продажбата, па првоосомничениот користејќи ја својата реална моќ надвор од своите овластувања во име на претседател на Комисијата за надворешна политика, подесувал барања за секаков вид на испекциски и полициски контроли врз правното лице „Пуцко петрол“.

Воедно, сметајќи дека еден судија од Основен суд Кичево е близок на градоначалникот на Пласница и го штити, постои основано сомнение дека организирал и го потикнал претседателот на Комисијата за лустрација, четвртоосомничениот да изврши незаконита лустрација над судијата за да му престане функцијата на судија.

Тоа е прифатено од четвртоосомничениот и заедно со останатите членови на Комисијата за утврдување на фактите, како службени лица постапувајќи во рамките на своите службени овластувања, со умисла, иако знаеле дека не се исполнети критериумите за лустрација, предвидени во чл.4 и чл.18 од Законот за определување на услов за ограничување на вршење на јавна функција, пристап на документи и објавување на соработката со органите на државната безбедност, донеле нарачана одлука за лустрација на оштетениот Драги Билески. Според обвинителката, судијата со одлука на Судскиот совет бил времено одалечен од судиската функција, а потоа му бил утврден и престанок на работен однос, со што му ги повредиле работните права, рече Фетаи.

Според обвинителката, постои основано сомнение дека Билески бил лустриран по нарачка на Милошоски бидејќи сметал дека го штити градоначалникот на Пласница, Исмаил Јахоски. Тој се спротивставил на продажбата на објектот во Македонски Брод на таткото на Милошоски бидејќи таму била сместена администрацијата на Пласница, за што реагирал во Владата. Била формирана и комисија што констатирала бројни неправилности при продажбата. Според Фетаи, пратеник нарачал инспекциски контроли во компанијата на Јахоски – „Пуцко Петрол“, но и лустрација на судијата што сметал дека го штити.

Македонија

Обвинителството ќе ја истражува смртта на стружанката, не била примена во болница и покрај препораката од матичниот

Објавено пред

Основното јавно обвинителство Охрид отвори предмет по допрен глас за смртта на 66-годишната жена од Струга, која денеска почина од коронавирус.

Како што јави претходно Министерството за здравство, матичниот лекар за пациентката препорачал хоспитализација на Инфективното одделение во охридската болница, но пациентката и покрај упатувањето, не била хоспитализирана.

Таа и нејзиниот сопруг биле дијагностицирани позитивни на вирусот во текот на вчерашниот ден.

Обвинителството ќе преземе дејствија во насока на расчистување на причинско последичната поврзаност и за утврдување на фактите за евентуално постоење на кривична одговорност.​

Во текот на денешниот ден од Министерството за здравство најавија целосна ревизија на случајот за да се утврди дали имало лекарски пропуст.

Прикажи повеќе...

Македонија

Стапи на сила полицискиот час за време на викендите, улиците се празни

Објавено пред

Со одлука на Владата, од денеска за време на викендите е забрането движењето на сите граѓани од 16 до 5 часот.

Улиците се празни, а согласно одлуката, сите јавни установи и приватни компании што работат за време на викенд, се прилагодуваат на новите ограничувања за движење и со работа завршуваат најдоцна до 15 часот.

Производствените погони и фабрики во согласност со заклучокот од Владата, во време на забраната за движење може да се упатуваат на своите работни места исклучиво со посебни дозволи за вршење сменска и ноќна работа. Тоа се истите дозволи што се издаваат на образецот усвоен од страна на кризниот штаб, а ги издаваат самите одговорни лица на компанијата.

За време на полицискиот час, исклучоци има за земјоделците што одгледуваат раноградинарски култури и имаат неодложни активности поврзани со производство во оранжерии и пластеници.

Автобусите на ЈСП го променија возниот ред и сообраќаат за време на викендите до 16 часот, а промени од викендов има и кај возниот ред на железницата.

Прикажи повеќе...

Македонија

(Видео) Општина Карпош организира хуманитарна помош за 30 најранливи домаќинства

Објавено пред

Општина Карпош организира хуманитарна акција за 30 најранливи домаќинства. Како резултат на кризната ситуација со „Ковид-19“, локалната самоуправа ќе обезбеди прехранбени продукти и средства за хигиена за најпогодените.

Оваа активност ќе се спроведе во соработка со Црвениот крст, чии волонтери ќе ги подготват социјалните пакети, кои ќе бидат набавени со буџетски средства на Општината.

Во видео обраќање, градоначалникот Стефан Богоев говореше за потребата од хуманост и солидарност во овие моменти.

„Помагавме за време на природни непогоди на нашите соседни земји, помагаме за лекување на наши сограѓани, а сега треба да се справиме со еден од најсериозните вируси во поновата историја. COVID – 19 го погоди целото општество! Но, коронавирусот не обедини сите, во општествена акција, секој да преземе мерки и активности“, рече Богоев.

Карпош традиционално организираше хуманитарна акција пред велигденските празници. Но, како резултат на пандемијата со коронавирус и избегнување на директен контакт меѓу граѓаните, при донирање на продукти, оваа година акцијата ќе се реализира на посочениот начин.
Акцентот ќе биде ставен на социјално – најзагрозените граѓани, кои впрочем се погодени и од коронавирусот.

Општината ги повикува сите граѓани, да се придржуваат до мерките за заштита од коронавирус и да ги почитуваат препораките од надлежните институции.

Прикажи повеќе...

Најново

Македонија10 часа

Обвинителството ќе ја истражува смртта на стружанката, не била примена во болница и покрај препораката од матичниот

Основното јавно обвинителство Охрид отвори предмет по допрен глас за смртта на 66-годишната жена од Струга, која денеска почина од...

Европа10 часа

Франција ќе увезе милијарда маски од Кина

Францускиот министер за здравство објави дека земјата ќе увезе милијарда маски од Кина. Според здравствените власти, Франција може да произведе...

Македонија13 часа

Стапи на сила полицискиот час за време на викендите, улиците се празни

Со одлука на Владата, од денеска за време на викендите е забрането движењето на сите граѓани од 16 до 5...

Македонија17 часа

Полиција ќе ги доставува на домашна адреса готовите лични карти и возачки дозволи

За да се намали метежот во Управните служби на Министерството за внатрешни работи од понеделник граѓаните чии лични карти и...

Македонија17 часа

Нови 22 случаи на коронавирус во Македонија

Министерството за здравство информира дека во изминатите 24 часа се регистрирани 22 нови случаи на коронавирус во земјата. По градови:...

Свет18 часа

Вухан е отворен по два месеца изолација

Кинескиот град Вухан, каде првично избувна пандемијата на коронавирусот, денеска почна да ги укинува карантинските мерки по два месеца, возобновувајќи...

Европа19 часа

Во Шпанија за една ноќ починаа 832 лица

Бројот на починати од коронавирус во Шпанија се зголеми за рекордни 832 лица во текот на ноќта и сега изнесува...

Македонија19 часа

Хотелот „Молика“ на Пелистер од денеска е државен карантин за 90 лица

Хотелот ,,Молика” на Пелистер, кој е во сопственост на АД ЕСМ, од денеска ќе биде државен карантин за 90 лица...

Македонија21 час

Влада: Граѓаните сместени во државните карантини не се закана за никого

Владата апелира до граѓаните на земјата да бидат уверени дека сите мерки што се преземени за прифаќање на нашите државјани...

Економија21 час

НБРМ: Денарот е и ќе остане стабилен

Девизниот курс на денарот е стабилен и нема промени во неговото ниво, велат од НБРМ. „Во повеќе наврати истакнавме дека...

Македонија21 час

Летното сметање на времето почнува од 2 часот по полноќ

Летното сметање на времето ќе почне в недела, на 29 март, во 2 часот наутро, со тоа што часовникот ќе...

Македонија21 час

Забрана за движење за викенд за сите граѓани од 16 до 5 часот

Со одлука на Владата од денеска за време на викендите се забранува движењето на сите граѓани од 16 до 5...

Македонија22 часа

Од скопските општини најмногу заболени има во Карпош

Во Скопје најголем број заболени со коронавирус се пријавени во десет општини, од кои најмногу во  Карпош – 27, потоа...

Македонија2 дена

И официјално станавме 30-та членка на НАТО, македонското знаме во понеделник ќе биде подигнато во Брисел

Денеска, преку Амбасадата на Република Северна Македонија во Вашингтон, во Стејт департментот во САД беше депониран инструментот за пристапување кон...

Македонија2 дена

Седум пациенти на Клиниката за инфективни болести се во потешка состојба

Седум лица заболени од коронавирус кои се хоспитализирани на Клиниката за инфективни болести во Скопје се во потешка состојба, соопшти...

Македонија2 дена

Симптоми на коронавирус забележани кај вработен на Кардиологија

Вработен на Клиниката за кардиологија пројавил симптоми на коронавирус, информираше на попладневната прес-конференција, министерот за здравство, Венко Филипче. Вработениот немал...

Македонија2 дена

Тестирани 18 вработени во Заводот за рехабилитација – Козле, откако пациент заболи од коронавирус

Се чекаат резултати од 18 тестови направени од вработените во Заводот за рехабилитација во Козле. Таму сè уште течат и...

Свет2 дена

Како ќе заврши коронавирусот – руски епидемиолог објави три сценарија

Кинезите за сузбивање на коронавирусот презедоа мерки без преседан и организираа карантин каков што досега не е виден во историјата...

Македонија2 дена

Вработен во ЈСП позитивен на коронавирус

Во ЈСП-Скопје има едно лице позитивно на Ковид-19, кое навремено било хоспитализирано, велат од Јавното сообраќајно претпријатие. Оттука нагласуваат дека...

Македонија2 дена

Регистрирани 18 нови случаи на заразени од коронавирус

Министерството за здравство информира дека во изминатите 24 часа се регистрирани 18 нови случаи на коронавирус во земјата. Од нив,...

Досие