Македонија
(Видео) Филипче: Директорката заразена со коронавирус ќе биде разрешена денеска

Директорката на Универзитетската клиника за дерматологија, Нина Цаца Биљановска, која е заболена со коронавирус, денеска ќе биде разрешена од функцијата, соопшти министерот за здравство, Венко Филипче. Тој кажа дека разговарал со претседателката на Антикорупциската комисија, која му кажала дека во конкретната ситуација, изборите не се проблем за Биљановска да биде разрешена.
„Разговарав со претседателката на ДКСК, која ми укажа дека кога има итност, постои ваква можност, така што, ние тоа ќе го направиме веќе денеска и ќе се назначи в.д. директор, бидејќи и покрај тоа што нема работен процес на Клиниката за дерматологија, сепак има административни работи“, рече Филипче.
Претходно, Лекарската комора посочи дека не може да ѝ ја одземе лиценцата за работа на Биљановска, бидејќи според нив, во Законот за здравствена заштита не е наведено како треба да постапат доколку медицинско лице свесно го загрозува здравјето на останатите граѓани.
Министерството за здравство најави најостри мерки за сите кои нема да ги почитуваат препораките за заштита и превенција од појава на коронавирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„И официјално е потврдено: Мицкоски и новинари биле следени, СДС на Филипче направил груб упад на системот“, велат од ВМРО-ДПМНЕ

„Мора да се стави крај на злоупотреба на безбедносните служби и да има одговорност за следењето на јавни личност, на потег се обвинителството и судството. Дека од СДС додека беа на власт не работеа ништо за граѓаните и државата покажуваат и последните информации за случувања во безбедносните служби додека владата беше под водство на СДС“, велат од ВМРО-ДПМНЕ.
„Постои основано сомневање дека двете институции како Агенцијата за разузнавање и Агенцијата за национална безбедност наместо да се грижат за безбедноста на државата тие се занимавале со следење на тогаш опозицискиот лидер, сега актуелен премиер Христијан Мицкоски, како и со други функционери на тогаш опозициската ВМРО-ДПМНЕ, но и новинари, бизнисмени и слично.
За ВМРО-ДПМНЕ тоа не е ништо ново, бидејќи уште кога беше во опозиција имаше информации дека се следат лица од партијата, пред се од раководството.
Очигледно во тој период имало обид за политичка дискредититација која времето покажа дека не им успеа на СДС.
Сега на потег се надлежните од правосудството, или да постапуваат обвинителството и судот по овој случај.
Како партија која силно стои на ставот владеење на правото, заштита на човекови права и сите демократски вредности, ВМРО-ДПМНЕ очекува дека по овој случај и по постапување на правосудниот систем конечно ќе се стави крај на ваква незаконска пракса и на ова кршење на основните демократски вредности.
Мора да се стави крај на злоупотреба на безбедносните служби и тие да ја вршат основната функција, заштита на државните интереси“, соопшти ВМРО-ДПМНЕ.
Македонија
Муцунски од Блед: Нашата стабилност е европска стабилност, нашиот напредок е европски напредок

На покана на министерката за надворешни работи на Словенија, Тања Фајон, министерот за надворешни работи и надворешна трговија Тимчо Муцунски утрово учествуваше и се обрати на работниот појадок со министрите за надворешни работи од Западен Балкан и специјалните пратеници за проширување на Европската Унија.
Во своето обраќање, Муцунски ја истакна клучната улога на регионалната стабилност и интеграцијата на Западен Балкан во ЕУ, оценувајќи дека сегашните глобални кризи уште повеќе ја зголемуваат потребата од европска кохезија.
„Во свет на војни, безбедносни закани и економски шокови, Европската Унија и Западен Балкан имаат потреба еден од друг повеќе од кога било досега. Нашата стабилност е европска стабилност. Нашиот напредок е европски напредок“, нагласи министерот во обраќањето.
Тој посочи дека Северна Македонија останува посветена на европскиот пат и активно работи на реформите и имплементацијата на Планот за раст на ЕУ, истовремено нагласувајќи дека процесот на проширување мора да биде заснован на заслуги и јасни критериуми.
„Проширувањето не смее да биде заложник на билатерални спорови или прашања на идентитет. Ако тоа се дозволи, се ризикува не само застој на една земја, туку и губење на кредибилитетот на целиот процес“, потенцираше министерот Муцунски.
Притоа, тој го нагласи значењето на регионалната соработка и ја поздрави улогата на специјалните пратеници на ЕУ, оценувајќи дека нивниот ангажман е клучен за одржување на вниманието кон регионот и поттикнување на практични решенија.
„Веруваме во дијалог, веруваме во компромис кога тој е фер и взаемен – и пред сè, веруваме во визијата за обединета, стабилна и просперитетна Европа со Западен Балкан во нејзиното јадро“, заклучи Муцунски.
Македонија
Без струја дел од Аеродром

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 14.00 часот, дел од корисниците од улиците Пандил Шишков, Вангел Тодоровски и Руди Чаевец, општина Аеродром.