Северна Македонија се уште има шанси да ја одржи првата Меѓувладина конференција со ЕУ оваа година, во текот на германското претседавање со ЕУ, изјави канцеларката Ангела Меркел на видео-конференција со парламентарците од европскиот континент.

„Се соочуваме со потешкотии да овозможиме одржување на меѓувладината конференција со Северна Македонија“, рече Меркел и додаде: „Албанија направи голем напредок, но особено е во прашање е дали ќе успееме навреме со Северна Македонија, затоа што се уште постои потреба од преговори меѓу Бугарија и Северна Македонија, како што знаете“.

Таа се надева дека Северна Македонија годинава ќе ги започне преговорите, додека Албанија ќе мора да почека.

„Во случајот на Албанија, прашањето е малку поинакво. И покрај напредокот, не можам да ветам дека тоа ќе се случи оваа година, но многу наскоро“, рече канцеларката.

Времето денеска ќе биде претежно сончево, по одделни котлини со појава на утринска магла. Ќе дува слаб ветер од променлив правец. Минималната температура ќе биде во интервал од -11 до -3, а максималната ќе достигне од 3 до 9 степени.

Во Скопје сончево со појава на утринска магла. Минималната температура ќе се спушти до -7, а максималната ќе достигне до 4 степени.

Од среда ќе преовладува променливо облачно време со повремени врнежи од дожд со променлив интензитет. Ќе дува умерен ветер од југоисточен и јужен правец. Температурите на воздухот ќе бидат во пораст.

Од „ЕВН Македонија“ известуваат дека се планирани следните технички зафати во електросистемот на Град Скопје. Во периодот од 11:30-16:00 часот ќе останат корисниците од ул.Иван Мажураниќ (општина Кисела Вода), од 9:00-15:00 часот ќе останат корисниците на дел од ул.Киро Фетак-1 (општина Кисела Вода), а од 9:00-11:30 часот ќе останат корисниците од ул.Ѓорѓи Динката од бр.34-38, ул.Герника од бр.1-15 (општина Кисела Вода).