Македонија
Филипче: Планираме зaконски измени со кои ќе ги зголемиме ингеренциите на невладините организации

Министерот за здравство, Венко Филипче, денеска учествуваше на тематскиот форум „Справување со кризата со (не)доволни ресурси“, во организација на Македонскиот центар за меѓународна соработка и „Цивика мобилитас“.
Филипче во своето излагање се осврна на важноста на граѓанските организации и нивниот придонес во креирањето политики, како и за справувањето со кризата предизвикана од коронавирусот. Говорејќи за менаџирањето на ковид-кризата, посочи на два сегмента – интензивната соработка и комуникацијата меѓу сите институции, организациската поставеност, секојдневната координација на активности меѓу институциите и функционирање на Главниот координативен кризен штаб на ниво на Владата, од една страна, како и честата комуникација со јавноста, од друга.
„На тој начин многу лесно се пресретнува ширењето лажни вести. Таа честа комуникација е можност да се споделат вистинските информации, да се чуе повратна информација од терен, да видиме кои се вистинските проблеми што практично секојдневно се менуваа и секој ден на некој начин значеше нов предизвик“, рече Филипче.
Како клучен сегмент во справување со ковид -кризата, министерот зборуваше за солидарноста и многуте донации, кои се од голема помош на здравствениот систем.
„Солидарноста се покажа навистина на високо ниво, имаше огромен број донатори, институции тука во државата, компании, стопански комори, странски донатори, амбасади на разни земји, Европската Унија, како во финансиски средства така и во конкретна и специфична опрема. Во консултации со нас кажувавме што точно ни треба и тоа беше една навистина сериозна помош без која, мора да бидеме искрени и да кажеме, тешко ќе се управуваше со кризата така како во изминатиов период. Оваа сериозна помош, која стигна од сите овие фактори во нашето општество, со што многу од нив покажуваа висок степен на свест, општествена одговорност. Таа соработка трае и во овој период и веројатно дека ќе продолжи да трае и во иднина“, рече Филипче.
Министерот наведе дека во изминатиот период повеќе од три години Министерството за здравство има позитивно искуство на соработка со многу граѓански организации и одлична можност да се чуе гласот на разни групи граѓани со кои тие невладини органзации работат. Овие организации исто така се вклучени и во креирање на политиките, како и имплементатори на политиките заедно со институциите.
„По напуштањето на соработката со Глобалниот фонд, ние ги имплементиравме договорите со граѓанските организации. Оваа криза малку ни ги забави плановите, планираме законски измени со кои ќе им ги зголемиме ингеренциите на граѓанските организации што работат во овој сектор, конкретно во здравствениот сектор, токму поради тоа да ги искористиме нивните капацитети. Мораме да бидеме искрени и да признаеме дека граѓанските организации навистина имаат и повеќе сознанија и повеќе инструменти и повеќе пристап отколку институциите и затоа сметам дека апсолутно треба да се поддржат и понатаму да се промовираат и да се направи сè во смисла на законска измена за тие да се надградат и во иднина“, рече Филипче.
Министерот рече дека ние како мала земја не смееме, ниту треба да дозволиме некој да го оставиме настрана, туку сите фактори во општеството треба да се вклучат во креирањето политики.
„Барем ние тука во Министерството за здравство не веруваме дека политика може да се спроведе ако е наметната. Политика може да се спроведе само ако вистински ѝ служи на групата за која е наменета и само така може да има ефект. Дополнително, може да служи и да биде повеќе стимулативно ако сите тие фактори биле вклучени во процесот на креирање политики“, рече Филипче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Облачно и ветровито со температура до 13 степени

Времето денеска ќе биде променливо облачно со сончеви периоди. Во западните делови облачно со повремени врнежи од дожд, само на највисоките планини од снег. Ќе дува умерен ветер од јужен правец. Максималната температура ќе биде во интервал од 7 до 13 степени.
Во Скопје ќе биде променливо облачно. Ќе дува слаб до умерен југоисточен ветер. Максималната температура ќе достигне 9 степени.
Македонија
Почина Бранка Станковска, доајенот на македонското спикерство

Почина доајенот на македонското спикерство Бранка Станковска, која генерации гледачи на Радио-телевизија Скопје ја паметат како прва спикерка и водителка на вестите.
„Тивко во сон си замина мојата баба Бранка Станковска. Дочека да биде и чукунбаба, имаше убав живот, изгледа внуци, правнуци и праправнука. Имам прекрасни спомени од неа, можеби затоа што бев прва внука, па бев привилегирана од мала да поминувам повеќе време со неа. За работата што да напишам, беше вистински професионалец, дури и по нејзиното пензионирање беше активна и сè уште може да се слушне нејзиниот глас на радиопрограмите. ТОЧНО Е 12:00 часот. Почивај во мир бабо и после многу години ќе се сретнеш со својата единствена и голема љубов, дедо Бошко!” , објави на „Фејсбук“ нејзината внука Ирина Костовска.
Тивко во сон си замина мојата баба Бранка Станковска. Дочека да биде и чукунбаба, имаше убав живот, изгледа внуци,…
Posted by Irina Rin Kostovska on Четврток, 21 јануари 2021
Бранка Станковска е родена во Скопје на 30 април 1931 и е позната како врвен радио и телевизиски спикер и водител. Во Македонската радио-телевизија го поминала целиот работен век (1948-1987).
Нејзината најава на првиот телелевизиски пренос од Црн Врв на 5 јуни 1964 е почеток на програмата на ТВ Скопје, емитувана преку сопствената телевизиска мрежа. Неколку месеци подоцна (на 14 декември) Станковска ги читаше вестите на првиот телевизиски „Весник“, што го означи почетокот на емитувањето на редовната програма на Македонската телевизија.
Беше една од најпознатите спикерки и водителки на малиот екран.
Македонија
Филипче: Попис во време на пандемија е голем предизвик, но може да се спроведе

Спроведувањето на пописот во време на пандемија е голем предизвик, но процесот може да се спроведе и заврши по сите здравствени протоколи, рече министерот за здравство Венко Филипче на онлајн конференцијата во организација на „Рома интеграцион центрум“.
Филипче посочи дека министерството за здаравство и Комисијата за заразни болести како и за време на одржувањето на изборите, така и сега, за спроведување на пописот, ќе бидат на располагање за едукација и донесување протоколи за спорведување на една ваква, како што ја нарече, комплексна операција.
„Ќе дадеме свои укажувања, доколку е потребно може да имаме и мини едукација како тоа да биде организирано од институциите коишто ќе го водат тој процес“, рече Филипче.
Министерот како пример го посочи спроведувањето на изборниот процес, кој во делот со спроведување на здравствените протоколи поминал, како што кажа, без ниту една забелешка.
„Консензус на ниво на СЗО е дека ниту еден процес и постапка не треба да запре, туку треба да се спроведува со протоколи кои се универзално прифатени во сите земји. Во таа смисла сме на располагање и во делот на експертизата, и комуникациски да го поддржиме процесот кој е од клучно значање за државата“, рече Филипче.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија4 недели
Возачот на „бентлито“ што „влета“ на плоштад казнет со 45 евра, објавена фотографија од записникот