Контакт

Македонија

Флорин Бесими од ДУИ се откажа од пратеничкиот мандат

Објавено пред

Флорим Бесими пратеникот од редовите на ДУИ, поднесе оставка од функцијата пратеник во Собранието, поради како што вели избегнување на можен конфликт.

„Ценети сопартијци, активисти, шефови на локални општински штабови,Заедно на овие избори направивме голем исчекор и издвоивме историска победа. Морално сум обврзан да дадам едно пријателско објаснување, околу ангажираноста, и вашата неуморна работа на терен за големата победа на Демократската Унија за Интеграција во секое населено место и во секој град.

Заедно успеавме да покажеме беспрекорна организација, дух и мобилизација.За мене претставува посебна чест и одговорност да ве претставувам во Собранието, но околностите денес ми наложуваат да донесам сосема друга одлука“, вели тој во соопштението.

„Особено сум горд што вашиот глас допринесе за реализација на најдобриот коалициски договор, што ние како политички субјект досега сме го имале, вклучувајќи ја идејата за прв премиер албанец. Овој договор го оценија како историски сите релевантни албански политички фигури.

Останувајќи убеден во принципите за еднаквост, правда, еднакви можности за сите, и почитувајќи ги во целост законите како и вољата на народот, изјавувам дека останувам доследен и го враќам мандатот на пратеник во Собранието ма РСМ, со цел да се ибегне можен конфликт на интереси со мојот глас во собранието. Оваа одлука ја донесов на денот кога беа објавени имињата на кандидатите за министри на новата влада, која произлезе од гласот и слобота воља на граѓаните на парламентарните избори одржани на 15 јули. Оваа моја одлука е по предходна консултација и потполна координавија со претседателот Али Ахмети. Оваа одлука ќе се спроведе според законот и нормативните процедури на Собранието.

Големите историски договори за доброто на народот, се над мојот пратенички мандат.Се враќам во служба на граѓаните, таму каде можам повеќе да допринесам, во мојота професија, во мојот град.

Господ да ве благослови и посакувам заедно да постигнеме уште повеќе, во прилог на нашата заедничка благосостојба.Ви се заблагодарувам на вашата подршка и доверба“, се додава во соопштението на Бесими.

Од Државната комисија за спречување на корупцијата вчера предупредија дека пратеникот на ДУИ, Фљорин Бесими нема да може да гласа за изборот на новата влада, бидејќи неговиот брат, Фатмир Бесими, е кандидат за министер за финансии.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Костадинов: Со гласање против одлуките за вонредна состојба ВМРО-ДПМНЕ ја потврдува својата деструктивност

Објавено пред

Најавите дека ВМРО-ДПМНЕ ќе гласа против потврдувањето на одлуките за прогласување вонредна состојба уште еднаш ја потврдија деструктивноста и неодговорноста на оваа партија. Ова го изјави пратеникот од СДСМ, Костадин Костадинов, откако денеска Антонијо Милошоски информира дека ќе гласаат против одлуките за прогласување вонредна состојба, а кои се ставени како дел од дневниот ред на собраниската седница.

Според Костадинов, ВМРО-ДПМНЕ предводена од Христијан Мицкоски се води единствено од политички популизам и воопшто не им е грижа за интересите на граѓаните и државата.

Костадинов вели дека вонредната состојба била исклучиво во интерес на граѓаните и неопходна за брзо дејствување на Владата и институциите во ситуација кога имавме распуштено Собрание и преодна влада со мандат за организирање парламентарни избори.

Нагласи дека истовремено и Уставниот суд не поведе постапка за оценување на уставноста на втората одлука за прогласување вонредна состојба и ги отфрли сите поднесени иницијативи во однос на уставноста на петтата одлука за прогласување вонредна состојба. Со тоа, како што рече Костадинов, Уставниот суд ги расчистил сите дилеми поврзани со уставноста на одлуките.

„Потврдувањето од страна на Собранието на одлуките за прогласување вонредна состојба е во интерес на граѓаните, на институциите, на државата. Денеска, видовме дека ВМРО-ДПМНЕ упорно стои на спротивната страна. ВМРО-ДПМНЕ предводена од Мицкоски останува посветена на деструкција, неодговорно и незрело однесување, кое е на штета на Собранието, на државата. Без разлика на сите обиди за опструкции од страна на ВМРО-ДПМНЕ, државата продолжува по патот на развојот и напредокот во интерес на сите граѓани“, рече Костадинов.

Прикажи повеќе...

Македонија

Бујар Османи на видеосредба со Хајко Мас за членството во ЕУ

Објавено пред

Министерот за надворешни работи, Бујар Османи, оствари видеосредба со министерот за надворешни работи на Сојузна Република Германија, Хајко Мас. Во таа пригода Мас му упати честитки за изборот на Османи и му посака многу успех во вршењето на новата должност, но и плодна билатерална соработка на две блиски и пријателски земји кои остваруваат интензивна економска и трговска размена.

„Одржувањето на првата меѓувладина конференција, често користен технократски термин, има големо симболично значење за нашиот европски пат. Тоа ќе значи потврда на реформската определба и европскиот курс на земјата. Покрај политичката симболика, почетокот на преговорите ќе значи почеток на најобемната и најкомплексната административно-техничка операција со која досега сме се соочиле. Тоа е сериозен предизвик за целото општество, а не само за Владата, во кое ќе мора да ги подигнеме своите перформанси и сите заедно како политичари, државни службеници, но и стопанственици, синдикати и претставници на граѓанското општество да ја сплотиме својата енергија и напори кон остварување на оваа цел“, беше истакнато на разговорот.

Соговорниците заеднички констатираа дека завршувањето на 2020 година и претседателство на Германија со ЕУ нуди неповторлива и неодминлива шанса Северна Македонија, по членството во НАТО, да почне со исполнување на вториот државен стратешки приоритет – членство во ЕУ.

„Почетокот на преговорите ќе значи конвергенција на нашето општество кон правилата, стандардите и вредностите на Европската Унија, цел која не претставува причина самата за себе, туку процес кој нуди можности за постепена интеграција, процес во кој од нас самите ќе зависи колку придобивки ќе обезбедиме за себе и во текот на самите преговори“, истакнаа соговорниците

Министрите особено внимание посветија и на Берлинскиот процес, кој беше инициран од канцеларката Меркел во 2013 година. Османи потенцира дека заедничкото копретседавање со Бугарија на 10 ноември ќе претставува одлична можност успешно да се круниса овој процес, со значителни резултати и испораки во форма на економско-инвестицискиот план за целиот регион.

Прикажи повеќе...

Македонија

Регистрирани 194 новозаразени, починаа 2 лица

Објавено пред

Во последните 24 часа се направени 1.697 тестирања, а регистрирани се 194 нови случаи на Ковид-19, и тоа во: Скопје – 77, Куманово – 9, Дебар – 3, Штип – 5, Прилеп – 11, Тетово – 16, Струга – 3, Велес – 5, Битола – 6, Охрид – 2, Кавадарци – 3, Гостивар – 5, Гевгелија – 1, Струмица – 9, Крива Паланка – 3, Радовиш – 6, Кочани – 10, Пробиштип – 3, Берово – 1, Валандово – 3, Виница – 3, Делчево – 2, Свети Николе – 5, Кичево – 2, Неготино – 1.

Денеска, Институтот за јавно здравје регистрира 158 оздравени пациенти, и тоа од: Скопје – 33, Куманово – 8, Дебар – 13, Штип – 3, Прилеп – 6, Тетово – 29, Струга – 2, Велес – 6, Битола – 5, Охрид – 1, Кавадарци – 8, Гостивар – 5, Гевгелија – 1, Струмица – 14, Крива Паланка – 2, Радовиш – 1, Пробиштип – 1, Македонски Брод – 4, Берово – 5, Валандово – 1, Виница – 5, Кичево – 5.

Во болнички услови се починати 2 пациенти – од Прилеп (80) и од Велес (54).

Вкупната бројка на ковид-дијагностицирани во нашата земја од почетокот на епидемијата изнесува 17.977, бројката на оздравени пациенти е 14.959, на починати е 739, а во моментот бројот на активни случаи во земјата изнесува 2.279. Од вчера се евидентираат три контролни теста, а според завршените епидемиолошки анализи, во моментот дистрибуцијата по градови е следна:

• Скопје 7.025, активни 727
• Куманово 1.764, активни 181
• Дебар 286, активни 31
• Штип 1.257, активни 51
• Прилеп 684, активни 130
• Тетово 1.442, активни 146
• Струга 672, активни 50
• Велес 328, активни 32
• Битола 309, активни 63
• Охрид 428, активни 40
• Кавадарци 239, активни 42
• Гостивар 936, активни 89
• Гевгелија 126, активни 40 (8 лица од ПЕ Гевгелија се жители на Дојран, 17 на Богданци и 12 се странски државјани)
• Струмица 251, активни 149
• Крива Паланка 110, активни 26
• Радовиш 85, активни 21
• Крушево 20, активен 1
• Кочани 363, активни 162
• Пробиштип 115, активни 22
• Демир Хисар 61, активни 2
• Македонски Брод 93, активни 8
• Пехчево 44, активни 3
• Берово 104, активни 32
• Валандово 35, активни 24
• Виница 114, активни 26
• Делчево 163, активни 80 (35 лица од ПЕ Делчево се од Македонска Каменица)
• Кратово 25, активен 1
• Свети Николе 352, активни 44
• Кичево 328, активни 34
• Ресен 164, активни 15
• Неготино 54, активни 7 (12 лица од ПЕ Неготино се жители на Демир Капија)

Направените 1.697 теста се преку: ИЈЗ – 588, ЦЈЗ Скопје – 88, „Авицена“ – 360, „Биотек“ – 158, МАНУ – 118, „Жан Митрев“ („Филип Втори“) – 110, „Систина“ со PCR-метода – 117, лабораторија „Лаор“ – 56, Судска медицина – 15, ЦЈЗ Битола – 54, Инфективна клиника – 7, ГАК – 11, „Синлаб“ – 15, лаборатории од странство – 0. Досега во земјата се направени вкупно 188.777 тестирања на Ковид-19. Нема тестирања во рамките на скринингот.

На Инфективната клиника во изминативе 24 часа примени се 10 пациенти. Вкупно се хоспитализирани 76 пациенти. На кислородна поддршка се 38 пациент, нема пациенти на механичка вентилација.

Во болницата во Козле хоспитализирани се 2 деца и 2 мајки позитивни на Ковид-19, 4 деца и 3 мајки суспектни на вирусот.
Во ГОБ „8 Септември“ примени се 2, а вкупно хоспитализирани се 29 пациенти. На респиратор се 5 пациенти.

Во болницата во Битола хоспитализирани се 20, а во болницата во Штип – 44 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и во Струга хоспитализирани се 175 позитивни и сомнителни на Ковид-19.

Активни случаи по општини во Скопје денеска (по завршување на епидемиолошките анкети, може да има измена во дистрибуцијата по општини во Скопје)

• Чаир – 56
• Гази Баба – 85
• Аеродром – 115
• Карпош – 95
• Центар – 105
• Кисела Вода – 90
• Ѓорче Петров – 53
• Бутел – 29
• Шуто Оризари – 17
• Студеничани – 7
• Сарај – 14
• Арачиново – 5
• Илинден – 32
• Сопиште – 3
• Чучер Сандево – 5
• Петровец – 5
• Зелениково – 2
• Странец – 8
• Нераспределен – 1

Прикажи повеќе...

Најново

Македонија2 часа

Регистрирани 194 новозаразени, починаа 2 лица

Во последните 24 часа се направени 1.697 тестирања, а регистрирани се 194 нови случаи на Ковид-19, и тоа во: Скопје...

Регион3 часа

Грчките свештеници загрижени за барањето до Вартоломеј за автокефалност на македонската црква

Грчките црковни кругови ги коментираа барањата на македонските власти до вселенскиот патријарх Вартоломеј за автокефалноста на македонската црква. Задната врата...

Македонија4 часа

Сојузот на средношколците најави бојкот во ноември ако не се дозволи комбинирана настава

Сојузот на средношколците најави бојкот на наставата од ноември доколу во октомври остане стабилна епидемиолошката состојба, а институциите не дозволат...

Македонија4 часа

Милошоски: Пратеничката група на ВМРО-ДПМНЕ ќе гласа против одлуките за вонредна состојба

Заврши координацијата на пратеничката група на коалицијата „За обнова на Македонија“ по што пратеникот на ВМРО-ДПМНЕ, Антонијо Милошоски, информира дека...

Регион5 часа

Албанија го одложи почетокот на училишната година

Албанија го одложи почетокот на училишната година за ноември откога бројот на заразени од коронавирусот во еден ден се зголеми на...

Топ6 часа

Приведена дилерка на кокаин во Тетово

Полицијата приведе 45-годишна жена од Теотово осомничена за продажба на кокаин. Според информациите од МВР, таа ја криела и ја...

Свет6 часа

Гејтс потпиша договор со 16 фармацевтски компании: го зголемуваме производството на вакцини со невидена брзина

Фондацијата на Бил и Мелинда Гејтс потпиша договор со 16 фармацевтски компании за да соработуваат во производството на вакцина против...

Македонија7 часа

Потрошени 6,7 милиони евра за итни набавки за заштита од Ковид-19, најмногу потрошило МВР

За итни набавки за заштита од коронавирусот, во првите шест месеци од кризата биле потрошени 6,7 милиони евра, покажува извештајот...

Македонија7 часа

Филипче на средба со медицинските сестри кои дадоа отказ од Инфективна – се обидел да ги убеди да останат

Министерот за здравство, Венко Филипче, утрово се сретнал со трите медицински сестри од Инфективната клиника кои дадоа отказ. Според објавата...

Свет8 часа

(Видео) Хаотична прва дебата меѓу Трамп и Бајден

Американскиот претседател Доналд Трамп и неговиот противкандидат, поранешниот потпретседател и сенатор Џо Бајден, синоќа ја имаа првата од трите дебати...

Свет9 часа

Премиерот на Ерменија: За конфликтот во Нагорно-Карабах нема воено решение

Премиерот на Ерменија, Никол Пашињан изјави дека за конфликтот во Нагорно-Карабах нема воено решение. Пашињан за телевизијата Русија 1 рекол...

Свет22 часа

Кремљ: Путин планира да се вакцинира со руската вакцина против коронавирус

Рускиот претседател, Владимир Путин, планира да се вакцинира со руската вакцина против коронавирус, рече неговиот портпарол. „Путин планира да се...

Македонија23 часа

Алаѓозовски и Поповски именувани за национални координатори во Владата

Владата на денешната седница ги именува поранешниот министер за култура Роберт Алаѓозовски и поранешниот министер без ресор задолжен за комуникации,...

Македонија24 часа

Игротеките почнуваат со работа

Владата на денешната седница го усвои протоколот за работа на игротеките. „Владата го усвои протоколот за работа на игротеките во...

Македонија24 часа

Владата одобри целоднeвна настава во училиштата

По препорака на Комисијата за заразни болести, Владата на денешната седница одобри целодневна настава во училиштата. „Одобрена е организацијата на...

Македонија1 ден

(Видео) Потпишан етичкиот кодекс, функционерите се обврзаа на транспарентно и одговорно работење

На седница на Владата денеска беше потпишан кодексот за етичко однесување на носителите на јавни функции. По тој повод, заменик-претседателот...

Свет1 ден

(Видео) Војската на Нагорно-Карабах соборила два азербејџански хеликоптера

Војската на Нагорно-Карабах собори два азербејџански хеликоптера користејќи ракети „земја-воздух“ – „игла“, објави прес-секретарот за ерменското Министерство за одбрана, Шушан...

Македонија1 ден

Осум починати и 112 новозаболени од Ковид-19 во земјата

Министерството за здравство информира дека во последните 24 часа се направени 1.372 тестирања, а регистрирани се 112 нови случаи на...

Македонија1 ден

(Видео) Фетаи ќе бара затворски казни за сите обвинети во „Насилство во Центар“

Обвинителката Фатиме Фетаи ќе бара затворска казна за Миле Јанакиески и другите обвинети со жалба во апелација откако Кривичниот суд...

Македонија1 ден

Царовска: Место да ја бојкотираат онлајн-наставата, родителите, градоначалниците и директорите да седнат и да се договорат

Бојкот на онлајн-наставата нема да им донесе ништо добро на децата, рече денес министерката за образование и наука, Мила Царовска....

Досие