Македонија
(Фото) Невреме со силен ветар и дожд зафати делови од Скопје
![](https://makfax.com.mk/wp-content/uploads/2024/07/450638446_1590660068173384_3768877707595180729_n-2.jpg)
Делови од Скопје попладнево беа зафатени од силен ветер со дожд и град.
Во одредени реони како во населбите Ново Лисиче и Аеродром снема струја откако почна невремето.
Невремето сликано од автопатот Штип-Скопје.
Невреме со силен дожд и град го зафати и Кавадарци а жителите на социјалните мрежи пишуваат дека во одделни делови од градот нема струја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Сиљановска Давкова ги пречека победниците на 37. Охридски пливачки маратон и ги додели пехарите
![](https://makfax.com.mk/wp-content/uploads/2024/08/Foto-11.jpg)
Претседателката Гордана Сиљановска Давкова ги пречека победниците на 37. Охридски пливачки маратон, чиј покровител е претседателот на државата.
Во машка конкуренција прв до целта стигна бразилецот Матеус Еванжелиста за 5 часа, 45 минути и 5 секунди, а французинката Каролин Жуис е победничка во женска конкуренција, која патеката „Климе Савин“ ја исплива за 5 часа 46 минути и 51 секунда.
Доделувајќи ги пехарите на годинашните победници на Охридскиот маратон, претседателката Сиљановска Давкова упати честитки до првопласираните пливачи и до сите останати натпреварувачи на маратонот, посакувајќи им добро здравје и уште многу натамошни спортски успеси.
Претходно, претседателката ја посети работилницата на средношколците од СОСУ „Св. Кирил и Методиј“ од Охрид, која се одржува за времетраењето на Охридскиот пливачки маратон, на кејот на Охридското езеро.
Младите ја запознаа претседателката со нивните годинашни проектни активности со цел заштита на екосистемот и ендемските видови во Охридското Езеро и разменија мислење со неа за нивните креативни идеи и заложби во насока на преземање на итни мерки за заштита на животната средина и уникатниот екосистем на Охридското Езеро.
На годинашното издание на Охридскиот пливачки маратон учествуваа деветнаесет пливачи од девет држави, единаесет во машка и осум во женска конкуренција.
Македонија
Стојкоски: Неуморната екипа на Комунален пункт од Ѓорче Петров денеска собра над 100 м3 кабаст отпад
![](https://makfax.com.mk/wp-content/uploads/2024/08/Screenshot-2024-08-31-174814.jpg)
Неуморната екипа на Комунален пункт од Општина Ѓорче Петров во текот на денешниот ден собра над 100 м3 кабаст отпад, информира градоначалникот на општина Ѓорче Петров, Александар Стојкоски.
„Продолжуваме посветено за чиста животна средина“, напиша тој на ФБ.
Македонија
Лога: Олигарсите на Македонија ќе бидат наградени за поддршката што му ја дадоа на ВМРО-ДПМНЕ
![](https://makfax.com.mk/wp-content/uploads/2023/03/337109114_499061819107028_6246233922935267658_n.jpg)
Олигарсите на Македонија ќе бидат наградени за поддршката што му ја дадоа на ВМРО-ДПМНЕ на последните избори, со ветување дека ќе ја вратат државата за нив (деалбанизација), пишува поранешниот министер за правда, Кренар Лога.
„Ќе се намали данокот на добивка од 10% на 5% за компаниите со годишен профит над 50 милиони евра, со цел да се стимулира бизнисот, рече министерот за економија од ВЛЕН, кој служи на политиките на ВМРО. Корупција што ќе се легализира со закон“, стои во неговата објава на ФБ.