Младинскиот форум на Движењето Бeса ја продолжува акцијата за да им посакува добредојде на иселениците, но овој пат кај платежната рампа Петровец, бидејќи, како што велат, МВР по вторпат го игнорира нивното барање за активност во граничен премин, иако, според нив, оваа активност треба да се организира од самата Влада, но тие не само што не организираат туку и се пречка кога тие се обидуваат да направат симболична акција.

„Затоа ние сме принудени на овој начин да ги пречекуваме нашите браќа и сестри и да им посакаме добредојде, бидејќи токму тие се промотори на економијата на земјата, кои придонесуваат во државниот буџет, и покрај фактот што оваа држава се грижи малку за нив.

Ние како Младински форум на Беса симболично им нудиме по една вода и им посакуваме да поминат убави моменти во родното место, со надеж дека нашиот придонес со ова акција ќе биде за во иднина самата држава да се свести и да ги пречекува достоинствено“, се наведува во соопштението.

Министерката за правда, Рената Дескоска, се сретна со новоименуваната амбасадорка на САД во Република Северна Македонија, Кејт Мари Брнз.

Министерката Дескоска ѝ посака добредојде и успешен мандат на амбасадорката Брнз и изрази благодарност за досегашната соработка и поддршка која Република Северна Македонија ја добива од Соединетите Американски Држави.

Во поглед на реформската агенда на Министерството за правда, Дескоска ја информираше амбасадорката Брнз за досегашните активности и одблизу ја запозна со донесените закони, но и со клучниот предизвик кој претстои на патот на интеграција на државата во Европската Унија.

Дескоска истакна дека во моментот се наоѓаме во многу сензитивна ситуација со Законот со Јавното обвинителство, кој наредната седмица ќе биде испратен во собраниска процедура, и дека овој закон претставува клучен предизвик во работата на Министерството за правда.

Амбасадорката Брнз ја пренесе поддршката на САД во процесот на градење силни и независни институции базирани на принципот на владеење на правото, заштитата на човековите права и борбата против корупцијата.

Времето утре ќе биде сончево со мала до умерена облачност. Попладне претежно во крајните планински региони ќе има услови за појава на краткотрајна нестабилност со пороен дожд и ретки грмежи. Минималната температура од 10 до 18, а максималната од 27 до 35 степени. УВ=8

Во Скопје сончево со мала до умерена облачност и со слаб северен ветер. Попладне облачноста ќе се зголеми. Температурата 16 / 33 степени.

В недела и в понеделник ќе преовладува сончево и топло време со мала до умерена облачност. Од вторник ќе биде ветровито со услови за локален пороен дожд.