Македонија
Царовска: Го вративме достоинството на најранливите, направивме праведна држава ќе направиме и правна држава
Носителката на листа на пратеници во Изборна единица број 1 и потпретседателка на СДСМ, Мила Царовска вечерва на мини трибина во центарот на Скопје истакна дека социјал-демократскиот сојуз е партија којашто покажа и докажа дека се грижи за сите граѓани подеднакво.
„Покажавме дека се грижиме за лицата со попреченост. Не само декларативно да се купат за избори туку го променивме нивниот живот, животот на нивните родители, но и на променивме и општеството, начинот на којшто виде и ние и вие ги гледаме овие лица и децата. Направивме трансформација и тоа го правиме во секоја тема којашто ја дискуртираме во општеството. Ние зборуваме за темелни промени и тоа го можеме.Затоа што ние веруваме дека ние сме генерација којашто треба да ја донесат промента и со нашите постапки правиме праведна држава и праведно општетство“, истакна Царовска.
Таа рече дека Владата предводена од СДСМ ги зголеми платите, воведе три пати повисока социјална помош и ги зголемивме пензиите.
„Го вративме достоинството на граѓаните кои со години беа гледани како некој којшто треба да остане на маргините. Сега пред нас имаме уште поголем предизвик, уште поголема битка и борба, а тоа е да направиме правна држава којашто ќе го гарантира квалитетот на живот на сите . Ќе даде моќност за раст на реалниот сектор, на бизнис секторот. Во идната програма ветуваме зголемување на минималната плата до 40% по ковид периодот , зголемување на просечната плата до 30%. Нова минимална пензија од 10.700 денари. Нема да има пензија под оваа сума и 300 милиони евра од Буџетот кон реалниот сектор и дополнителни 300 милиони евра од евроспките програми коишто ни стојат на располагање благодарение на претедателот Заев и колегата Димитов коишто навистина покажаа дека можат да ги тргнат сите препреки коишто ни стоеа на патот кон ЕУ“, рече Царовска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од Илинден и од Карпош денеска без струја
Од ЕВН Македонија АД известуваат дека денеска без електрична енергија ке останат:
· во периодот од 08.30 до 15.00 часот корисниците од ул 27 Белимбегово (општина Илинден)
· во периодот од 09.00 до 15.00 часот корисниците од дел од улица 2 во село Кадино, кон Црквата СВ.Илија (општина Илинден)
· во периодот од 11.00 до 14.00 часот дел од корисниците на ул.Љубљанска (општина Карпош)
Македонија
Непречен сообраќај по претежно суви коловози
Сообраќајот на државните патишта се одвива непречено, по претежно суви коловози. Од 22 часот вчера, патниот сообраќај на стариот регионален пат Р-1101 Прилеп – Битола е пуштен во двата правци. Претходно беше во прекиин поради сообраќајна несреќа, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
(Фото) Втора вечер на Новогодишниот базар во Чаир
Вчера се одржа втората вечер на Новогодишниот базар во Чаир, на Плоштад Скендербег, продолжувајќи ја празничната атмосфера што го одбележува овој настан. Плоштадот беше исполнет со бројни граѓани кои уживаа во декоративните светилки, празничните штандови и новогодишниот дух, велат од општина Чаир.

Вечерта започна со детска музичка програма, со песни и празнични настапи за најмладите, по што атмосферата продолжи со музика од DJ Едмир, создавајќи жив и пријатен амбиент за сите генерации.

Новогодишниот базар во Чаир продолжува и во наредните вечери, носејќи дополнителни содржини и празнична живост во пресрет на новата година.





