Македонија
Цветков до Филков: Кој лаже за партиските смени во Судскиот совет, Мицкоски или вие

Пратеникот на СДСМ, Борче Цветковски, на денешната собраниска седница посветена на пратенички прашања упати прашања до министерот за правда Игор Филков, кое се однесува за различните ставови на премиерот Мицкоски и министерот Филков за партиските смени во Судскиот совет.
„Довербата во судството е на најниско ниво, потребни се реформи и обезбедување на независно судство кое ќе работи по слово на Закон, ослободено од било какви влијанија.
Но, министре Филков, владата во којашто сте дел, на ВМРО-ДПМНЕ, ЗНАМ и ВЛЕН, сосема спротивно, во изминатите 7 месеци наместо реформи во судството спроведува партизација односно класична окупација на судството“, кажа тој.
Според него, во сите три полуги на власта, извршна законодавна и судска власт се спроведува партиска интервенција и узурпација и тоа е дел од операцијата на воспоставување целосно контрола над судството.
„Изборот на Данка Ристова, сопруга на градоначалник од ВМРО-ДПМНЕ, за член на Судскиот совет е јасна потврда за ова што го говорам. Ова не е изолиран случај, туку јасна стратегија. Како што беше во времето на Груевски, така и денес, сакате судиите да бидат само пиони кои ќе носат одлуки според партиски директиви. Истото се случи и во Советот на јавни обвинители. За член на Советот на јавни обвинители избравте избравте член кој самиот се претстави како координатор на политичка партијата.
Наместо независни институции кои ќе судат по словото на законот, заедно со ДПМНЕ и ВЛЕН создавате партиски контролиран судски систем кој ќе служи како ваша алатка за политички прогон и заштита на криминалот во редовите на власта.
Ова е истиот рецепт од времето на Груевски, кога судиите беа алатки на режимот, а правдата беше глува за граѓаните“, посочи Цветков.
Партизација на судството, како што рече е директен напад врз демократијата и владеењето на правото.
„Особено што се случува паралелно со партизација на безбедносните агенции, независните регулаторни тела и други институции. Со партиски окупирани институции и контролирано судство нема владеење на правото министре Филков. Дополнително, премиерот Мицковски најавува и целосно распуштање на Судскиот совет, што би значело целосна контрола врз судството од страна на ВМРО-ДПМНЕ. Во Извештајот на ЕК јасно е нотирано дека загрижува најавеното распуштање на Судскиот совет и Советот на ЈО и дека е неопходно реформи во согласност со препораките на Оценската мисија. Е сега министре Филков во едно од вашите интервјуа најавивте дека до јуни годинава ќе ги донесете измените и дополнувањата на Законот за Судски совет во кој пак ќе бидат инкорпорирани препораките на Оценската мисија на ЕК.
Ова што вие го најавувате е во спротивност со најавите на премиерот Мицкоски.
Препораките од Оценската комисија не предвидуваат партизација на судството.
Моето прашање до Вас е, кој од Вас не ја говори вистината?
Односно која лаже?
Вие кога велите дека ќе ги спроведете препораките на Оценската мисија на ЕУ или премиерот Мицкоски кој вели дека ќе се распушта судскиот совет“, заклучи Цветков.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Фудбалерот Лазаров не е единствениот, уште двајца спортисти загинаа во страотниот пожар во Кочани

Страшниот пожар што избувна во дискотеката во Кочани, го одзеде животот на повеќе од еден спортист. Покрај фудбалерот Андреј Лазаров, животот го загубиja и голманот Дамјан Танески (18) и кошаркарот Петар Ивановски (20).
Танески беше дел од младинската фудбалска репрезентација, а кариерата ја започна во штипски Мал Ајакс. Играше за младинските екипи на Вардар од Скопје, а подоцна беше член на Брегалница и на Кит Го од Пехчево. Тажната вест за неговата смрт ги потресе сите негови колеги и спортски пријатели, кои го опишаа како талентиран и посветен спортист.
Од друга страна, смртта на Ивановски ја потврди и неговиот матичен клуб Дино Баскет, кој во емотивна порака ја изрази својата тага поради загубата на нивниот талентиран играч.
– Со голема тага ја примивме веста дека меѓу жртвите во синоќешната трагедија е и нашиот соиграч Петар Ивановски. Петар беше многу почитуван меѓу пријателите и соиграчите, а како МВП на турнирот до 14 години остави длабока трага во кошаркарскиот свет. Беше прекрасна личност, борец со големо срце – напишаа од Дино Баскет.
Македонија
Обвинителството: Во тек се рочишта за определување притвори

Обвинителството утрово извести дека во тек се рочишта за определување притвори, а бројката е истата од последната информација синоќа.
Од таму додаваат дека во текот на денот ќе има информации за другите дејствија кои се преземаат.
Македонија
Каролина Гочева: „Со скршено срце се збогуваме со нашите пријатели, занемени од болка“

„Со скршено срце се збогуваме со нашите пријатели, колеги Андреј, Сара, Ѓорѓи, Александар Коларов, Александар Ефремов, Филип, Игор….“, напиша македонската пејачка Каролина Гочева на социјалните мрежи.
„Ќе продолжат да живеат во секоја песна и секое срце кое го имаат допрено преку нивната работа. Занемени сме од болка!
Најдлабоко сочуство до нивните семејства и најблиски!“, напиша Каролина Гочева.