Македонија
Црвенковска: Ако имаме објективно оценување на судиите, тогаш ќе имаме поефикасно и понезависно судство
Претседателката на Судскиот совет, Павлина Црвенковска, имаше обраќање во врска со сите усвоени документи во изминатите две години, важни за реформите во судството.
Зборувајќи за активностите на Судскиот совет во правец на реализација на стратегијата за реформа на правосудниот сектор, но и на активностите во правец на обезбедување независно и транспарентно судство, таа ги спомна конкретните документи важни за развојот на капацитетите на судството, а со тоа создавање институции што значително ќе ја вратат довербата на граѓаните во судскиот систем.
„Во текот на 2019 година беше донесен нов закон за Судскиот совет, како и измени во Законот за судовите. Овие закони му наложија на Судскиот совет да донесе низа подзаконски акти, со цел да се конкретизираат активностите на Советот во правец на поажурно постапување, пообјективно оценување на работата на судовите и судиите, а сѐ со крајна цел за побрза, поефикасна и задоволителна правда, што е клучното во враќањето на довербата кај граѓаните“, посочи Црвенковска.
Додаде дека со цел да може објективно и непристрасно да ги оценуваат судиите и да придонесат во објективизирање на оценките што потоа ќе претставуваат основа за унапредување, донесена е, како што рече, методологија за квалитативно оценување на судиите, но и методологија за оценување на претседателите на судовите. Оваа методологија за подиректно, пообјективно и понезависно оценување на работата на судиите, според неа, веќе е имплементитрана во АКМИС-системот, односно обезбедена ѝ е информатичка поддршка неопходна за нејзина практична примена.
„Сите овие документи, особено подзаконските акти, отвораат можност за поинакво и поефикасно дејствување на Судскиот совет во следниот период. Со овие документи се овозможува поинтензивно реформирање на судскиот систем, односно посоодветен пристап кон обезбедувањето независност, транспаретност и објективност на судството, главни елементи што треба да влијаат на враќањето на довербата во судскиот систем. Она што сакам да го издвојам, со оглед на актуелноста, е методологијата за квалитативно оценување на судиите, чија имплементација почнува денеска, откако претходно беше адаптирана во АКМИС-системот за да може дигитално да се примени. На денешната седница на Судскиот совет ќе биде усвоен правилник за формирање на комисиите во Судскиот совет, но ќе се формираат и самите комисии, чија надлежност ќе биде да го спроведе процесот на оценување на судиите во согласност со новата методологија. За таа цел, претходно, беше ажуриран судскиот именик, а од нормативен аспект изработен е правилник за составување на комисиите од повисокиот суд, кои исто така ќе имаат значајна улога во процесот на оценување спроед новата методологија“, истакна Црвенковска.
Појасни дека сега системот ќе исфрли пет предмети на конкретниот судија по случаен избор, а судијата ќе има право да приложи други пет предмети за кои смета дека треба да му се изврши оценувањето. Тие 10 предмети ќе бидат сеопфатно и аналитично проверени и оценети. Тоа значи дека Судскиот совет прави целосен пресврт во начинот на оценување на работата на судиите и претседателите, односно ги наметнува објективните пред субјективните критериуми. Тоа во иднина, според Црвенковска, ќе донесе поодговорни и попосветени судии, што ќе биде основа за поголема доверба кај граѓаните.
„Во иднина неопходно е да спроведеме обуки на комисиите, и на оние во Судскиот совет и на комисиите составени од судии од повисоките судови, кои ќе се занимаваат со оценувањето на судиите и претседателите, а сѐ со цел таа постапка да биде поверодостојна, пореална и потранспаретна. Ако имаме објективно оценување на судиите, нивно унапредување врз мерливи и објективни критериуми, ако обемот на нивната работа е определен врз основа на сложеноста на предметите, тогаш несомнено ќе имаме поефикасно, побрзо и понезависно судство, што ќе значи поголема доверба на граѓаните во судскиот систем“, рече Црвенковска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Левица за „Безбеден град“: Глобите да се пресметуваат според примањата
На денешната седница на Собранието, координаторот на пратеничката група на Левица, Борислав Крмов, најави дека во Законот за прекршоци, преку кој ќе профункционира системот „Сејф сити”, Левица ќе поднесува измени особено во однос на глобите, односно ќе бараат скалесто казнување.
„Не може да се казнуваат исто луѓе со месечни примања од 500 ЕУР и луѓе со месечни примања и од по 50.000 ЕУР”, рече Крмов.
За Предлог-измените на Законот за прекршоци со цел имплементација на системот „Сејф сити”, Крмов истакна дека законското решение не е совршено, но пратеничката група на Левица ќе го поддржи бидејќи ценат дека тој систем би можел да спаси животи.
Пратеникот најави дека ќе следат корекции „во од” како што најави и власта, а при истите Левица ќе има свои предлози за кои побара поддршка од владејачкото мнозинство.
Македонија
Фатон Сељами избран за нов Народен правобранител
Со поддршка од 89 пратеници, Собранието денеска во рамки на 65. седница го избра Фатон Сељами од Тетово за нов Народен правобранител.
Против неговиот избор гласаа шест пратеници, а од вкупниот број пратеници што доаѓаат од заедници кои не се мнозинство, 28 беа „за“, додека осум гласаа „против“.
Сељами има завршено Правен факултет на Универзитетот во Тетово и постдипломски студии на Универзитетот на Југоисточна Европа. Работел во Агенцијата за информации, до 2008 работел во Комисијата за заштита на правата за слободен пристап на информации од јавен карактер. Од октомври 2008 година бил вработен во канцеларијата на народниот правобранител во Скопје. Во 2018 година Сељами бил именуван за генерален секретар во Министерството за правда и од 2020 е вработен во регионалната единица на Министерството за правда во Тетово. Од 2023 година работел како раководител на одделение за политички систем во Министерството за правда.
Тој доаѓа на местото на Насер Зибер, кој на 12 јули 2025 година ги исполни условите за старосна пензија.
Македонија
Муцунски на министерски состанок во Истанбул: За справување со закани потребна е засилена координација и размена на информации во регионот
Министерот за надворешни работи и надворешна трговија, Тимчо Муцунски, денеска учествуваше на Вториот министерски состанок на Балканската платформа за мир, кој се одржа во Истанбул, на иницијатива на министерот за надворешни работи на Република Турција, Хакан Фидан. На состанокот учествуваа министрите за надворешни работи од земјите на Западен Балкан.
Во своето обраќање, министерот Муцунски ја истакна важноста на реалистичен и резултатски ориентиран пристап кон регионалната соработка, нагласувајќи дека стабилноста не е стекната, туку се гради преку јасни интереси, практична соработка и конкретни резултати што граѓаните ги чувствуваат во секојдневниот живот. Тој потенцираше дека во услови на зголемена глобална фрагментација, конкурентност и безбедносни предизвици, земјите од Западен Балкан треба да ја претворат својата географија во предност, а политиката во мерливи исходи.
Министерот Муцунски ја нагласи значајната улога на Република Турција како сосед, сојузник во НАТО, важен економски партнер и стратешки мост, оценувајќи дека Балканската платформа за мир претставува корисен механизам за претворање на дијалогот во конкретни активности. Во тој контекст, тој предложи јасна и остварлива агенда за продлабочување на соработката меѓу Турција и земјите од Западен Балкан, со фокус на економската и инвестициската поврзаност, енергетската безбедност, подобрувањето на транспортната и трговската инфраструктура, како и задржувањето на младите и квалификуваната работна сила во регионот.
Посебен акцент беше ставен на зајакнувањето на регионалната безбедносна соработка, вклучително и справувањето со современите закани како организираниот криминал, сајбер-нападите, дезинформациите и насилниот екстремизам, при што беше нагласена потребата од засилена координација, заеднички обуки и размена на информации.
Министерот Муцунски истакна дека Република Северна Македонија е подготвена активно да придонесе кон оваа агенда, преку инвестирање во енергетска диверзификација, унапредување на регионалната поврзаност, јакнење на безбедносните партнерства и континуирана посветеност на дијалогот и добрососедските односи. Во завршницата на обраќањето, тој нагласи дека кредибилитетот на Платформата треба да се мери преку конкретни резултати, јасно дефинирани активности, носители и рокови, оценувајќи дека во актуелната деценија довербата нема да се гради врз основа на намери, туку врз основа на испорачани резултати.
(Видео) Левица за „Безбеден град“: Глобите да се пресметуваат според примањата
На денешната седница на Собранието, координаторот на пратеничката група на Левица, Борислав Крмов, најави дека во Законот за прекршоци, преку...
Фатон Сељами избран за нов Народен правобранител
Со поддршка од 89 пратеници, Собранието денеска во рамки на 65. седница го избра Фатон Сељами од Тетово за нов...
(Видео) Тренчевска: ВМРО-ЗНАМ ги одби сите амандмани на кривичниот законик, меѓу кои и членот за злоупотреба на службената положба
На денешната комисиска расправа, владејачката коалиција ВМРО-ЗНАМ ги одби сите амандмани на СДСМ за измените на Кривичниот законик, соопшти потпретседателката...
Системот „Безбеден град“ стартува од 1 февруари – Собранието ги усвои законските измени
Со 81 глас „за“ и 19 „против“ и воздржани, Собранието денеска го изгласа Предлог-законот за изменување и дополнување на Законот...
Филков: Случајот со апелациониот судија не е само скандал, тоа е симбол на длабока системска слабост
Министерот за правда Игор Филков на денешната прес-конференција се осврна на актуелните состојби во правосудството и пристапот на Министерството за...
Нема подигање пратки од Пошта, вработените протестираат за плата: ги минаа празниците и најдолгиот месец во годината без пари
Вработените во Македонска пошта од целата држава денес излегоа на протест преку кој побараа да им се исплати платата која...
Мицкоски: Без одржлива струја нема развој на вештачката интелигенција – градиме гасни интерконектори со две соседни држави
Македонија ги зајакнува преносните линии за електрична енергија и за гас, во однос на вештачката интелигенција. Се гради еден гасен...
СДСМ со пакет амандмани: промена на членот за злоупотреба на службената положба, без рок за конфискација и 48 часа за снимките од „Безбеден град“
Пратениците на СДСМ поднесоа повеќе амандмани на Предлог-законот за изменување и дополнување на Кривичниот законик. Како што соопштуваат од партијата,...
(Видео) Бурата „Ингрид“ пустоши низ Франција: бранови како згради, ветерот носи сè пред себе
Бурата „Ингрид“ денес донесе силни ветрови, обилни врнежи од дожд и крајбрежни поплави во западниот француски департман Финистер во регионот...
Аракчи му порача на Зеленски: На светот му е доста од збунети кловнови
Министерот за надворешни работи на Иран, Абас Аракчи, му порача на претседателот на Украина, Володимир Зеленски, дека „на светот му...
Јанкулоска: СЈО и сите таму беа „црпнати“, водеа политички прогон и билдаа партиски рејтинзи
Поранешната министерка за внатрешни работи, Гордана Јанкулоска, го коментира застарувањето на предметот „Талир“ на некогашното специјално обвинителство. Таа обвини дека...
Трамп до канадскиот претседател: Ја повлекувам вашата покана до најпрестижниот Одбор за мир
Претседателот на САД, Доналд Трамп, денес ја повлече претходната покана до Канада да се приклучи на Одборот за мир, иницијатива...
Путин се сретна со Американците, им рече дека не се откажува од украинските региони
Русија објави дека денес ќе одржи безбедносни разговори со САД и Украина во Абу Даби, предупредувајќи по средбата на претседателот...
САД, Украина и Русија на преговарачка маса во Абу Даби
Првите трилатерални мировни преговори меѓу Соединетите Американски Држави, Украина и Русија ќе се одржат денес во Абу Даби, потврди Кремљ....
Незаконски e суспендирана првата обоистка Татијана Петрушевска од МОБ, објави Синдикатот на културата кој повика на заштита од министерот Љутков
Обоистката од Оркестарот на Националната опера и балет (НОБ) Татијана Петрушевска незаконски е суспендирана од работа од страна на генералниот...
„Постои нешто магично во оваа земја“: Проштална порака на Агелер до македонските граѓани
Американската амбасадорка Ангела Агелер ѝ се обрати на јавноста со отворено писмо по повод завршувањето на нејзиниот тригодишен мандат во...
(Видео) Мицкоски од Давос: „Бошков Мост“, „Чебрен“ и „Галиште“ ги привлекоа инвеститорите
Премиерот Христијан Мицкоски од Давос соопшти дека имал уште еден успешен ден со бројни билатерални средби и настапи, во рамки...
Алиу: Забрана за рекламирање и промоција на тутунски производи, јавното здравје пред комерцијалниот интерес
Новиот предлог-закон за заштита од пушење предвидува целосна забрана за рекламирање, промоции и спонзорства од тутунската индустрија. Овие законски одредби...
(Видео) Филипче: Илјада токсични наслови – докази за организиран линч врз мене и СДСМ
Претседателот на Социјалдемократски сојуз на Македонија, Венко Филипче, денеска на прес-конференција истакна дека против него и СДСМ се води координирана...
Од денес извод на родени, починати, венчани или потврда за слободна брачна состојба се вадат со неколку клика
За извод од матична книга на родени, починати, венчани или потврда за слободна брачна состојба граѓаните од денес не мораат...
