Македонија
(Видео) Членовите на ДИК ќе останат бeз бонуси за референдумот
Наместо предвидените 3,5 милиони евра, Државната изборна комисија оценува дека референдумот ќе чини 2,9 милиони евра. Претседателот на ДИК, Оливер Деркоски, вели дека се обиделе да ги рационализираат трошоците за организирање и спроведување на референдумот.
„Има намалување на предвидените трошоци за околу 20 проценти, од 210 милиони денари, на 169.770 милиони денари”, вели Деркоски.
Во финансискиот план за распределба на средствата за референдум не се предвидени пари за надоместоци за членовите на ДИК.
„Предвидени се 80 милиони денари за надоместоци за избирачките одбори, општинските изборни комисии и дипломатско конзуларните претставништва, но не и за ДИК”, рече Деркоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ахмети повика на протест „Јас сум УЧК“ утре на плоштадот Скендербег во Скопје
Лидерот на ДУИ, Али Ахмети, преку објава на „Фејсбук“ повика на протест, кој ќе се одржи утре, 13 декември, во 13 часот, на плоштадот Скендербег во Скопје, со слоганот „Јас сум УЧК“.
Во објавата Ахмети наведува дека протестот има цел барање правда и отфрлање, како што посочува, на измислените обвинувања на Србија и Русија додавајќи дека протестот е израз на почит кон жртвите и одбрана на, како што вели, вистината за историјата.
„Слободата има име, УЧК. И ова име останува дел од нашиот национален идентитет и достоинство“, напиша Ахмети повикувајќи на заедничко и одговорно учество.
Поддршка за протестот дадоа повеќе политички фактори од партискиот албански блок во земјата. Протестот се организира во знак на поддршка за поранешните водачи на УЧК, на кои им се суди за воени злосторства во Хаг.
Најавено е и присуство на ветерани на УЧК од Косово, како и граѓани од Косово и од Албанија.
Македонија
Мал авион се урна во Мавровското Езеро, едно лице повредено
Мал авион денес се урна во Мавровското Езеро.
Во авионот имало две лица, од кои едното е повредено, а другото поминало без повреди, потврдија од Центарот за управување со кризи.
Инцидентот бил пријавен на бројот 112, а надлежните постапиле на самото место.
Фото: Пекселс, Сабина Калари
Македонија
Почна изградбата на нова училишна спортска сала во Колешино, Ново Село
Започна изградбата на нова училишна спортска сала во Колешино, Ново Село. На почетокот на градежните активности беше и премиерот, Христијан Мицкоски.
„Убеден сум дека сите овие проекти ќе значат додадена вредност во квалитетот на животот на локалното население и ние како Влада ќе продолжиме и понатаму да го испорачуваме сето она што сме се обврзале пред граѓаните и сето она што сме го ветиле. Дел од тие проекти е и овој проект, како и други повеќе од илјада проекти коишто во овој момент се во фаза или почетна или во некоја поодмината фаза или во завршна фаза коишто се реализираат, а се резултат на онаа поддршка што општините ја добија од Владата изминативе година и половина во вредност од речиси половина милијарда евра, бидејќи само три стотини и педесет милиони евра се проектите коишто се дел од првиот и вториот повик преку Министерството за локална самоуправа, кога на тоа ќе се додадат проектите коишто ги имаат одредени министерства надвор од овие две програми тогаш доаѓаме до фантастични половина милијарди евра, нешто што досега никогаш не е направено во поновата историја на Македонија“, рече Мицкоски.

