Контакт

Македонија

(Видео) Чулев: Во групата „Јавна соба“ откриени се 800 фотографии и приватни видеа

Објавено пред

Министерството за внатрешни работи сè уште нема одговор од седиштето на апликацијата „Телеграм“ во Велика Британија за идентификување на двајцата администратори и двајца модератори на групата „Јавна соба“ каде што се споделуваа фотографии и видеа за кои постојат сомневања за детска порнографија и злоупотреба на лични податоци.

Техничкиот министер за внатрешни работи Наќе Чулев вели дека засега утврдиле дека групата броела 8.000 членови, а биле откриени вкупно 800 фотографии и видеа, главно од „Фејсбук“, „Инстаграм“, но и приватни фотографии и видеа.

„До ‘Телеграм’ во Велика Британија испративме барање да нè информираат за телефонските броеви на двајца администратори и двајца модератори на групата. Ќе се бараат информации за сите што го прекршиле Законот за производство и дистрибуција на детска порнографија или, пак, направиле злоупотреба на податоци. Инспектори од сите СВР на терен собираат податоци за случајот. Имаме релевантни сознанија за дел од луѓето кои ја менаџирале групата, но во интерес на истрагата не би одел со конкретни имиња“, рече министерот Чулев.

Посебни насоки Чулев дал на службите за постапување со жртвите чии фотографии и видеа биле злоупотребени во оваа група. Засега имале само два пријавени случаи, од кои во едниот веќе било утврдено дека се работи за злоупотреба на лични податоци.

Министерот Чулев рече дека на разговор во врска со овој случај ќе бидат повикани само оние кои споделувале видеа и фотографии, не сите кои членувале во групата. Тој уверува дека МВР ја следи состојбата и внимава на можно појавување на групата со друго име и на друга мрежа.

Македонија

Министерот Чулев во посета на полициските службеници во Тетово

Објавено пред

Министерот за внатрешни работи, Наќе Чулев денеска оствари работна посета на СВР Тетово при што ги посети полициските службеници кои на повеќе пунктови преземаат активности за контрола на спроведување на мерките за ограничување на движењето, донесени од страна на Владата.
Од почетокот на спроведување до денес на подрачјето на СВР Тетово, вкупно 77 лица не ја почитувале мерката за ограничување на движењето.

Најголемиот дел, односно 72 од нив се лица на возраст од 18-67 години, четири се на возраст до 18 година и едно лице на возраст над 67 години. Во однос на мерките кои ги презема МВР, приведени се вкупно 61 лице, опоменати се шест лица, а за останатите лица земени се податоци и се преземаат дополнителни мерки. Во оваа насока до Основното јавно обвинителство до сега се поднесени 33 кривични пријави и две известувања. На територијата на СВР Тетово бројката на лица со решенија за изолација е 147 лица, додека бројот на лица со изјави за самоизолација е 670 лица. Во изминатиот период констатирани се четири прекршувања на изјавите за самоизолација при што поднесени се исто толкав број кривични пријави согласно член 206 од кривичниот законик.

Во изминатиот период на територијата на СВР Тетово, направени се вкупно 510 контроли на работата на угостителските објекти, при што утврдено е дека 11 од нив не ја почитуваат одлуката на Владата и за истите изготвени се соодветни поднесоци до Основното јавно обвинителство.

Во рамки на својата посета Чулев истакна дека полициските службеници се вистински чувар и заштитник на редот и мирот на државата, особено во период кога спроведувањето и почитувањето на одлуките и мерките на Владата значат пред се заштита на здравјето и животот на граѓаните. Во таа насока најпрво изрази благодарност до припадниците на Министерството за внатрешни работи, а потоа и до сите граѓани кои со одлуката да останат дома, донеле и уште една многу поважна одлука, а тоа е да се заштитат себе си и своите најблиски.

„Денес, повеќе од кога било е важно да веруваме во полициските службеници, да ги поддржуваме и да соработуваме со нив, затоа што тие се луѓето кои имаат тешка и одговорна задача. Тие имаат обврска со активностите кои ги преземаат да дадат личен придонес и да застанат исправени пред обврската која им е доверена, а тоа е да ја заштитат целата нација од невидливиот непријател со кој се бори државата, но и целиот свет. Јас како министер за внатрешни работи убеден сум дека тоа го прават со сето свое срце“, потенцираше Чулев.

Прикажи повеќе...

Македонија

Затворите ќе примаат нови осуденици од септември

Објавено пред

Владата ја усвои уредбата со законска сила за роковите во судските постапки за време на вонредната состојба за постапувањето на судовите и Јавните обвинителства, според која законските и преклузивните рокови за поднесување тужба во парнична постапка, приватна тужба во кривична постапка, предлог за кривично гонење, предлог за поведување вонпарнична постапка, поднесување барање за присилно извршување, постапка за обезбедување на побарувањата, тужба за поведување управен спор, иницирање на постапка пред Уставен суд или иницирање и поведување друга судска постапка, престануваат да течат во моментот на стапување во сила на оваа уредба сè до престанување на вонредната состојба. Законските и преклузивните рокови за изјавување правни лекови, правни средства или за преземање процесни дејствија во постапките престануваат да течат за време на вонредната состојба.

Во кривичните и прекршочните постапки роковите за изјавување жалба или приговор на одлуките со кои постапката завршува, како и за изјавување на вонредните правни лекови, престануваат да течат за време на вонредната состојба.

Со оваа уредба издавањето на упатните акти за изречена казна затвор до три години се одложува до 1 септември 2020 година, освен за предмети каде што постои опасност за застарување на извршување на казната.

На судиите поротници на кои мандатот им истекува за време на траење на вонредната состојба, по сила на оваа уредба, мандатот им се продолжува сè до завршување на постапката по судскиот предмет. Судовите се должни при постапувањето, закажувањето и одржувањето на расправите да се придржуваат на Одлуката на Судскиот совет за постапување на судовите во услови на зголемена опасност од вирусот Ковид-19, од 17.03.2020 година. Со оваа уредба се задолжуваат јавните обвинители извршувањето на функцијата на јавното обвинителство да ја организираат и извршуваат согласно задолжителните упатства на Јавното обвинителство, донесени во врска со вирусот Ковид-19 .

На оваа седница е усвоена одлука за дополнување на Одлуката за посебни услови за трговијата на одделни стоки. Со оваа предлог-одлука на трговците на аргуми, свежи или сушени, и тоа: портокали, мандарини, клементини, грејпфрут и лимони, со тарифен број 0805, им се забранува да вршат трговија на мало на крајни потрошувачи во објектите кои се наменети за трговија на големо на овие стоки (магацини, складови за трговија на големо, на пазарите за трговија на стоки на големо, како и во други деловни простории кои ги исполнуваат условите пропишани со закон и друг пропис).

Одлуката се предлага на предлог на Државниот пазарен инспекторат, бидејќи инспекторите констатирале дека на терен трговците на големо вршат манипулација и прикажуваат промет остварен во најголем дел од трговија на мало, а не од трговија на големо иако истите не располагаат со продажни објекти наменети за трговија на мало.

На денешната седница беше донесена и уредба со законска сила за примена на Законот за објавување на законите и другите прописи и акти во „Службен весник на Република Македонија“ за време на вонредна состојба. Според уредбата, објавувањето на законите и другите прописи, акти и издавањето на службеното гласило „Службен весник на Република Северна Македонија“ за време на траењето на вонредната состојба се врши само во електронска форма.

Донесувањето на оваа уредба е со цел намалување на трошоците за Jавното претпријатие „Службен весник на Република Северна Македонија“ во однос на печатените изданија и нивна дистрибуција, со што ќе се зголеми на ефикасноста на процесот на објава на уредбите со законска сила, и на другите прописи, со цел веднаш да бидат достапни за широката јавност, за време на вонредната состојба, а ќе се укине целосно потребата од непосредна дистрибуција на печатените изданија до крајните корисници, што е во согласност со мерките на Владата за спречување на ширењето на Ковид-19.

Владата на денешната 31. седница донесе уредба со законска сила за примена на Законот за железничкиот систем за време на вонредна состојба, со која се регулира компензирање на трошоците за време на траење на вонредната состојба, како и регулирање на исплата на неостварениот приход од продажба на билети за оние патнички возови кои се укинати за време на траење на вонредната состојба и регулирање на исплата на неостварениот приход по основ на надоместок за користење на железничката инфраструктура.

На денешната 31. седница Владата ја разгледа и усвои и Информацијата за извршените инспекциски надзори на 27, 28 и 29 март 2020 година.

Прикажи повеќе...

Македонија

ЕУ ќе издвои 38 милиони евра за медицинска опрема за земјите од Западен Балкан

Објавено пред

Европската комисија донесе одлука да им додели 38 милиони евра на земјите од Западен Балкан за помош со заштитна опрема и медицински помагала, за да се справат со пандемијата на коронавирус.

По 4 милиони евра се наменети за Албанија и за Северна Македонија, 7 милиони евра за Босна и Херцеговина, 3 милиони евра за Црна Гора, за Косово – 5 милиони евра и за Србија – 15 милиони евра за Србија.Овие средства се наменети за набавка на респиратори, лабораториски комплети, маски, очила и заштитни комбинезони.

Шест земји од Југоисточна Европа исто така ќе можат да учествуваат во заедничка програма за јавни набавки за заштитна медицинска опрема организирана од Комисијата. Исто така е донесена одлука да се пренасочат веќе издвоените 374 милиони евра од претпристапниот фонд за економско закрепнување на овие земји.

Овие средства ќе бидат пренасочени за да му помогнат на приватниот сектор, социјалната заштита, особено за ранливите групи на население и да го зајакнат здравствениот сектор.

„Европа се соочува со невидена здравствена криза, но во овие тешки времиња ние секогаш ќе бидеме таму за нашите партнери во Западен Балкан, чие место е во Европската Унија“, рече комесарот за проширување, Оливер Вархељи.

„Ние им помагаме на нашите партнери да ги задоволат тековните потреби во здравствените системи, како и во долгорочните мерки за ублажување на социо-економските последици од кризата со коронавирус и за поддршка на малите и средни претпријатија“, додаде тој.

Прикажи повеќе...

Најново

Македонија1 час

Затворите ќе примаат нови осуденици од септември

Владата ја усвои уредбата со законска сила за роковите во судските постапки за време на вонредната состојба за постапувањето на...

Македонија2 часа

ЕУ ќе издвои 38 милиони евра за медицинска опрема за земјите од Западен Балкан

Европската комисија донесе одлука да им додели 38 милиони евра на земјите од Западен Балкан за помош со заштитна опрема...

Македонија2 часа

Ученичките и студентските домови ќе бидат ставени на располагање на време на епидемијата со коронавирус

На денешната владина седница е усвоена и Уредбата со законска сила за примена на Законот за здравствената заштита за време...

Македонија3 часа

(Видео) МВР најави кривична пријава: Место да седи во изолација заразил повеќемина

МВР ќе поднесе кривична пријава против Ф.К. коj се однесувал спротивно од одлуките на Владата, ги прекршил мерките за самоизолација...

Македонија4 часа

Се затвора Заводот за рехабилитација во Козле, 8 вработени и двајца пациенти имаат коронавирус

Заводот за рехабилитација во Козле ќе се затвори, откако тестовите на 8 медицински лица покажале позитивни наоди на Ковид-19, информираше...

Македонија4 часа

(Видео) Филипче: Пациентка која починала во струшката болница е тестирана за коронавирус

Викендов во струшката општа болница за коронавирус била тестирана пациентка откако починала. Министерот за здравство, Венко Филипче, извести дека пациентката...

Свет6 часа

Нетанјаху во самоизолација, негов соработник има коронавирус

Израелскиот премиер Бенјамин Нетанјаху се наоѓа во самоизолација бидејќи негов соработник, пратеник, е позитивен на коронавирусот. Нетанјаху до утре треба...

Македонија7 часа

(Видео) Македонското знаме се развиори пред седиштето на НАТО

На свечена церемонија пред седиштето на НАТО во Брисел денеска беше развиорено македонското знаме кога земјата и официјално стана 30....

Македонија8 часа

Уште една жртва на коронавирусот, 26 нови заразени и девет излекувани

Министерството за здравство информира дека утрово на Клиниката за инфективни болести и фебрилни состојби во Скопје почина еден пациент на...

Македонија8 часа

Досега во организација на МНР вратени се 1.842 македонски граѓани од странство

По апелот за пријавување македонски граѓани затекнати во странство и нивно евидентирање со цел враќање во земјата, како и по...

Македонија9 часа

Здравствени работници направиле прекршоци во случајот на стружанката која почина од коронавирусот

Има прекршувања во случајот со почината стружанка од коронавирусот, која и покрај тоа што имала упат од матичниот лекар, не...

Свет9 часа

Што е паметен карантин, кој го воведува Чешка?

Во Чешка почна тестирање преку таканаречен паметен карантин, што значи следење на луѓето преку користење телефони и банкарски картички. Паметниот...

Македонија11 час

Нухиу: Петмина полициски службеници се заразени со коронавирус

Заменик-министерот за внатрешни работи, Агим Нухиу, на својот фејсбук-профил објави дека петмина полициски службеници се заразени со коронавирус додавајќи дека...

Економија11 час

Бензините поевтинуваат, дизелот поскапува

Од вечерва на полноќ бензините ќе поевтинат, а дизелот ќе поскапи, соопшти Регулаторната комисија за енергетика. Малопродажната цена на бензинот...

Европа11 час

Фон дер Лаен: ЕУ интензивно ќе им помогне на Италија и Шпанија

Европската Унија многу интензивно ќе им помага на Италија и Шпанија во борбата против коронавирусот, изјави претседателката на Европската комисија,...

Свет12 часа

Веќе шест дена нема нови заболени од коронавирус во Вухан, се отвораат продавниците и трговските центри

Нема нови случаи на заразени од коронавирус во Вухан веќе неколку дена, продавниците се отвораат и животот полека се враќа...

Топ12 часа

Полицискиот час не го почитувале 242 лица, приведени се 95

Според статистиките на МВР, во текот на изминатите 24 часа на ниво на целата држава 242 лица не ја почитувале...

Свет14 часа

Во светот 716.482 заболени од коронавирус, починале 33.691

Бројот на заболени од коронавирус до синоќа до 22 часот бил 716.482, 33.691 лице починале, а 150.889 луѓе се излекувани....

Свет1 ден

Италија и Шпанија заедно имаат повеќе од половина од жртвите на коронавирус во светот

Само во Италија и Шпанија досега починале 17.385 лица, што е повеќе од половина од вкупната бројка на починати од...

Македонија1 ден

(Видео) Заразен доктор во битолската болница „Плодност“, болницата ќе биде затворена до 13 април

Директорот на болницата „Плодност“ од Битола, Таше Трпчевски, во видео обраќање соопшти дека болницата ќе биде затворена и воопшто нема...

Досие