Контакт

Македонија

Шилегов: Во Ѓорче за 4 години направиме толку, колку што Градот нема направено во изминатите 40 години

Објавено пред

Ние малку зборуваме, многу добро планираме, уште подобро реализираме, во општина Ѓорче Петров за 4 години успеавме да направиме толку, колку што Градот нема направено во изминатите 40, истакна кандидатот на СДСМ и Коалицијата за градоначалник на Скопје Петре Шилегов, во обраќањето во Ѓорче Петров.

Тој нагласи дека Данела Арсовска во својата програма нуди проекти кои се веќе реализирани, толку многу ги потценуваат граѓаните, што ветуваат се и сешто.

„Ќе градела булевар Борис Трајковски, тој е направен, ќе градела Булевар Словенија и тој е направен, ќе градела тунели под Лимак и тие се направени“, рече Шилегов.

Тој нагласи дека Булевар Словенија ќе продолжува до Ново село, со мостови преку Лепенец, за да може граѓаните од тој дел да имаат комуникација со градот и вентили за излез, а не да вртат 30 километри за да дојдат до центарот на градот.

„Ние покажавме како се сака Скопје, затоа што рамномерно инвестиравме во 4 години во сите делови на градот, изградивме и реконструиравме преку 40 улици, изградивме 4 нови булевари и тоа АСНОМ, Христијан Тодоровски Карпош, Босна и Херцеговина и Никола Карев заедно со Пластичарска, еден мост завршивме, друг се гради, од подземниот тунел завршени се 300 од 750 метри“, истакна Шилегов.

Актуелниот градоначалник вели дека за Скопје, како брз, модерен европски град не постојат брзи и лесни решенија. Таквите решенија се брзоплети.

„Опозицијата во центарот на Скопје потроши 680 милиони евра, а сега фасадите се распаѓаат на еден ветар, не мислеа на луѓето, мислеа на најкриминалниот проект во историјата на современа Европа – Скопје 2014. Покажавме и докажавме дека граѓаните ни се важни, не се тука граѓаните да служат на политиката, туку политиката да има служи на граѓаните да ги решава нивните проблеми, да отвора нови перспективи, да дава можност на секој подеднакво да живее, да расте и да се развива во современ град“, нагласи Шилегов и најави дека општината Ѓорче Петров и Градот Скопје ќе субвенционираат 50% за секое дете запишано во градинка, бидејќи на младите им треба помош, кога основаат семејство, за да останат тука, тука да ги чуваат своите деца.

Тој нагласи дека во наредниот период ќе продолжи она што е започнато, реализација на визијата во Скопје до 2024 година да нема сообраќаен метеж.

„Ѓорче Петров ќе биде една од почетните станици на БРТ, со кој граѓаните за 20-30 денари за 35 минути со 21 застанување ќе стигнуваат од Ѓорче до Ново лисиче“, нагласи Шилегов, додавајќи дека за ваков проект се зборува 40 години, а градот предводен од СДСМ го доведе во фаза на изградба за само 2,5 години.

Тој истакна дека императив е здравата животна средина и затоа ќе продолжи субвенционирањето во вредност од милион евра секоја година за замена на печките со инвентори.

Тој ги повика граѓаните на 17 октомври масовно да гласаат за број 12, за советот на општина Ѓорче Петров, предводен од Илија Спасовски, за градоначалникот Александар Наумоски, за советот на град Скопје, предводен од Софија Пејкова и за градоначалникот на Град Скопје Петре Шилегов, да продолжи Најдоброто, за Скопје какво што го заслужуваат граѓаните.

Македонија

(Видео) Видео обраќање на Шилегов: Скопје станува европска метропола каде луѓето се важни

Објавено пред

Актуелниот и иден градоначалникот Шилегов со видеопорака се обрати на граѓаните на Скопје, масовно да излезат на гласање во недела, на 17 октомври. Тој во своето обраќање потенцираше дел од своите завршени и идни проекти, со верба дека Скопје, чекор по чекор, ќе продолжи да ја развива својата поинаква приказна што започна пред четири години.

„Почитувани скопјанки и скопјани, зад нас се четири успешни години во кои ги поставивме темелите на ново, модерно Скопје. Јас и мојот тим храбро започнавме проекти кои ги решаваат клучните проблеми во нашиот град за следните 50 години. Сообраќајните решенија кои ги реализираме ќе значат град без метеж, а Скопје ќе ја добие најголемата пешачка зона од сите европски градови. Со ова, Скопје целосно се менува и станува европска метропола со многу јавен простор, зеленило и врвна инфраструктура. За само четири години го намаливме загадувањето двојно, ги исчистивме сите депонии во градот и ги претворивме во паркови. Изградивме 4 нови булевари, реконструиравме 40 улици и градиме два нови мостови. Но, работа има уште многу и сега не смееме запреме“, вели градоначалникот Шилегов во своето обраќање.

„Драги мои сограѓани, Скопје стана град кој се грижи за сите граѓани подеднакво. Град кој вложува подеднакво од двете страни на Вардар. Во недела не избираме само градоначалник, во недела избираме заедничко и солидарно Скопје или враќање кон поделбите и нееднаквоста на ВМРО-ДПМНЕ. Во недела бираме дали Скопје останува да се движи во правилна насока или ќе се враќа кон лажниот барок, нови грабежи и потрошени 680 милиони евра за некое ново Скопје 2014“, потенцира градоначалникот Шилегов.

„За мене политиката е само средство за создавање услови за достоинствен живот за секој човек. Тоа е политика која гради мостови и обединува, политика која го води Скопје кон заедницата на најразвиените градови во Европа. Мојата политика има јасна цел – модерна инфраструктура, врвен јавен транспорт и чиста и здрава животна. Јас го сакам Скопје каде младите со задоволство ги создаваат своите семејства, Скопје во кое сите се добредојдени, зелено Скопје со насмеани, задоволни и среќни луѓе. Скопје, силен град каде што луѓето се важни“, продолжува Шилегов.

„Мостовите, булеварите и тунелите кои ги градиме не се само комплексни и важни градежни зафати. Тие се реализација на мојата визија за поврзан град. Тие ги поврзуваат луѓето и го прават Скопје единствено и силно. Ова е Скопје што сакам да продолжам да го градам со сите вас. Ја барам вашата поддршка за заедно никогаш да не застанеме. А јас ќе продолжам да бидам градоначалник на кој луѓето и Скопје секогаш му се на прво место“, заврши градоначалникот Шилегов.

Прикажи повеќе...

Македонија

(Видео) Шахпаска од рудникот САСА: Работиме на измени во законското решение со кое рударите со вкупен стаж од 40 години ќе одат во пензија

Објавено пред

Министерката за труд и социјална политика, Јагода Шахпаска, денеска беше во посета на Рудникот за олово и цинк – САСА во Македонска Каменица. По средбата со генералниот директор Скот Јелланд и дел од раководството на САСА, се сретна и со рударите кои работат во внатрешноста на рудникот. Посетата ја предводеа лица кои се дел од стручната екипа на рудникот САСА.

„Навистина беше исклучително искуството да се биде на работното место, на работните позиции каде што рударите ги извршуваат своите работни задачи. Влеговме на позиции каде што се ископува рудата и го проследивме целиот процес на излез на рудата од рудникот. Министерството за труд и социјална политика, како надлежно од сферата на трудот заедно со Владата на РСМ, води политики кои се насочени кон вреднување на трудот на работниците, а во случајот зборуваме за рударите“, посочи Шахпаска.

Таа ја потенцираше важноста од почитувањето на безбедноста и здравјето при работа, затоа што само генерирање на безбедни работни места, резултираат со мотивирани работници. Истовремено, таа потврди дека условите во рудникот САСА се во согласност со сите пропишани стандарди. Дека безбедноста е на прво место потврдија и менаџментот на рудникот САСА.

Министерката Шахпаска истакна дека со законското решение во 2018 година, старосната граница на рударите беше спуштена од 58 на 50 години, но поради дилеми во толкувањето, Министерството работи на допрецизирање на оваа одредба. Со измените во законот, рударите со вкупен стаж од 40 години ќе одат во пензија.

„Истовремено, како Министерство работиме и на целосно нов Закон за безбедност и здравје при работа, затоа што наша обврска е да ја зајакнеме безбедноста на сите работници, а особено на оние професии кои се квалификувани како ризични“, посочи Шахпаска.

Таа порача дека Министерството за труд и социјална политика продолжува со заложбата за почитувањето на работничките права, безбедноста и заштита на здравјето при работа, а со тоа и контрола на почитување на истите, затоа што секој граѓанин е важен.

Прикажи повеќе...

Македонија

Герасимовски: В недела барам поддршка од граѓаните за зелен и чист Центар, паркинзи и хумана урбанизација

Објавено пред

В недела одлучуваме во каков Центар сакаме да живееме. Јас сакам Центар да го видам како европска општина со среќни и насмеани граѓани, со поголеми зелени површини, чист со слободни тротоари и хумано градење, им порача на граѓаните Горан Герасимовски, кандидатот за градоначалник на Центар од СДСМ и коалицијата во денешната изјава со која се завршува кампањата за локалните избори во 2021 година.

Герасимовски рече дека програмата и проектите што ги презентирaл пред граѓаните во изминатиот период се реални и се произлезени од самите граѓани од нивните барањата и предлози.

„Јас и мојот тим долго работиме на вашите потреби и лоцирање на недостатоците во општината, сите ги забележавме и ја креиравме програмата. Јас сум сигурен дека мојата програма е најдоброто за општина Центар. А тоа е така затоа што за проектите нудам конкретни и прецизни решенија, испланирани во рамките на буџетот со временски рок на реализација. Впрочем, локалните избори не се само палета на проекти, туку и нивна исполнителност. Јас за моите проекти го гарантирам токму тоа“, изјави Герасимовски.

Tој ги повика граѓаните да ги разгледаат програмите и да одлучат за гласот в недела бидејќи некои од кандидатите ветуваат проекти што веќе ги презентира централната власт на СДСМ. Некои од проектите што се ветуваат пред граѓаните, според Герасимовски, немаат точна локација, временска рамка, ниту испланирани буџетски средства.

Герасимовски потенцира дека програмата „Најдоброто за Центар“ е реална и тоа е разликата помеѓу неговата и таа на другите кандидати. Притоа тој најави и вклученост на граѓаните при следните градби во општината преку јавна анкета или референдум.

„Ве повикувам да размислите во каков Центар сакате да ни поминува секојдневието. Јас ве повикувам сите масовно да се вклучите во изборниот процес, да изберете иднина за поубав Центар, ве повикувам да го заокружите бројот 12 и да прославиме уште една голема победа за Центар“, заврши Герасимовски.

Прикажи повеќе...

Најново

Топ23 минути

Украден сеф со 84.000 денари од Поштата во Миладиновци

Украден сеф со 84.000 денари од Пошта во село Мичадиновци. „ На 14.10.2021 во 8:40 часот во Полициското одделение Петровец...

Свет53 минути

(Видео) Американски разорувач спречен да влезе на руска територија

Американски разорувач се обиде да ја наруши државната граница на Русија во Јапонското Море, а беше спречен во тоа од...

Свет1 час

(Видео) Британски пратеник избоден со нож до смрт додека држел говор во црква

Британски пратеник од Конзервативната партија, сер Дејвид Ејмс денеска беше избоден со нож неколку пати по што почина, објавија британските...

Македонија4 часа

9 починати и 413 нови случаи на Ковид-19 во последните 24 часа

Министерството за здравство информира дека во последните 24 часа направени се 3.025 тестирања, а регистрирани се 413 нови случаи на...

Топ7 часа

Четворица повредени во превртениот автобус во Битола

Четири лица се повредени во несреќата што утрово се сучи во Битола кога се преврте автобус со работници од фабриката...

Македонија9 часа

(Видео) Спасовски: Мирните и демократски избори ја обезбедуваат иднината на нашата држава

Мирните и демократски избори ја обезбедуваат иднината на нашата држава. Затоа и ве поканувам во еден празничен изборен дух да...

Македонија10 часа

Во Македонија активни 6.602 случаја на коронавирус

Вкупната бројка на ковид-дијагностицирани лица во нашата земја од почетокот на епидемијата изнесува 195.963, бројката на оздравени пациенти е 182.473,...

Македонија10 часа

Последен ден од предизборната кампања

Денеска е последниот ден од предизборната кампања за локалните избори што ќе се одржат в недела. Агенцијата за аудио и...

Македонија1 ден

Ученици од 364 основни и 109 средни училишта треба да бидат тестирани на Ковид-19

Во рамките на активностите за превентивни тестирања со цел рано детектирање и превенција од Ковид-19 во основните и средните училишта,...

Македонија1 ден

Град Скопје ќе им додели по 100.000 денари на семејствата на загинатите во пожарот во Тетово

Поради трагичниот пожар во модуларната ковид-болница во Тетово, Советот на Град Скопје се состана уште еднаш за да гласа за...

Македонија1 ден

Заврши привремениот престој во земјата за група Авганистанци, заминаа за Франција

Група од 10 граѓани од Авганистан, кои привремено беа згрижени во Македонија, заминаа синоќа од Меѓународниот аеродром „Скопје“. Прибежиште им...

Економија1 ден

(Видео) Заев: Спроведуваме политики што обезбедија стабилност и раст и во услови на Ковид-19

Западен Балкан во постковид-светот: Кој е вистинскиот пат до стабилност и просперитет?, е темата на самитот на Западен Балкан во...

Свет1 ден

СЗО формира нов експертски тим за утврдување на потеклото на коронавирусот

Светската здравствена организација формира нова експертска група за тестирање опасни патогени, која, како што проценува, е последна шанса да се...

Свет1 ден

Курц: Не сум робот, туку човек со грешки и мани

Лидерот на Австриската народна партија (ОВП), Себастијан Курц, кој поднесе оставка на функцијата канцелар поради истрагата против него и луѓето...

Регион1 ден

Мирна ноќ во Косово и Метохија – повлечени барикадите

Ноќта во Косово и Метохија помина мирно. Барикадите што граѓаните од северот на Косово и Метохија ги поставија во текот...

Регион1 ден

Вучиќ: Ќе го одбраниме нашиот народ на Косово и Метохија, нема повлекување

Претседателот на Србија, Александар Вучиќ, објави фотографија на својот инстаграм-профил под која напиша: „Ќе ги браниме нашите луѓе на Косово...

Свет1 ден

(Видео) Најмалку петмина загинати во нападот во Норвешка, напаѓачот е Данец

Најмалку пет луѓе загинаа во вчерашниот напад во Норвешка, а уште двајца се повредени, јавија локалните медиуми. Меѓу повредените, кои...

Свет1 ден

(Видео) Пожар во зграда на Тајван, 25 загинати и 44 се повредени

Најмалку 25 луѓе загинаа, а 44 се повредени во пожар што зафати 13-катна зграда во јужниот дел на Тајван. Зградата...

Регион1 ден

Докторка од Словенија за 50 евра издавала лажни потврди за прележан Ковид-19

Докторка од Помурје во Словенија издавала лажни потврди за прележан коронавирус за 50 евра. Случајот го истражува и Лекарската комора...

Европа2 дена

(Видео) Маж со лак и стрела извршил напад во Норвешка, има повеќе загинати и повредени

Маж бил уапсен откако повредил неколку луѓе со лак и стрела во Конгсберг, Норвешка, а полицијата во меѓувреме ја евакуирала...

Досие