Македонија
Ѓуровски: Немозможна е европеизацијата без вложувања во едукација

Немозможна е европеизацијата без вложувања во едукација, особено во делот на конкретно зајаканување на кадровските и истражувачки капацитети, доколку сакаме да ги следиме потребите на пазарот и високите европските стандарди. Ова го изјави проректорот на Универзитетот „Свети Климент Охридски“ – Битола (УКЛО) на прес-конференција.
Пред новинарите денеска беа презентирани приоритетите во работењето за претстојната академска 2019/2020 година во делот на наставно-образованата, научно-истражувачката дејност, активност за обезбедување квалитет, развој, интернационализација, соработка на Универзитетот со бизнис-заедницата, особено посветувајќи се на односот со студентите и нивното место во студирањето и понатамошниот академски развој и профилирање, како и академската мобилност низ програмите на ЕУ, САД и др.
Проректорот за студентски работи и институционален Еразмус + координатор професорот Марјан Ѓуровски нагласи дека приоритет на УКЛО е студентите да бидат во фокусот на образовниот процес при спроведување на наставата, ускладување на програмите со европските практики и искуства, потребите на пазарот, развојот на општеството и пред сè личниот развој на студентот како поединец.
Заедно со студентите, спомена Ѓуровски, сакаме да потикнеме различни форми на берза на идеи кои ќе наидат на поддршка од корпоративната заедница и преку тој трилатерален однос дојдеме до нови иновативни методи во наставата. За тоа , според Ѓуровски, предуслов е добивање на поголема поддршка од државата за студентите и за професорите со зголемување на компетенциите во секој од учесниците во универзитетската заедница.
„Се залагаме за воспоставување синергија меѓу студентите-професорите-бизнис заедницата и државните институции, воедно ќе вложиме напори за поголемо вклучување на студентите во истражувачки работи на Факултетите и потикнување и модернизација на процесот на пракса преку законски измени, а потоа конретни мерки на стекнување практични знаења. Само преку успешен спој на теоријата со праксата ќе изградиме студент кој може да одговори на потребите на пазарот, но и тој самиот да се најде овде дома, наместо пред или по студирање да ја напушти земјата“, изјави проректорот Ѓуровски.
Според него, приоритет е зголемување на мобилноста на студентите и академскиот кадар надвор од државата, поголема присустност на странски студент на нашите факултети и размена на искуства и знаења на тој начин.
Отворањето на прозорецот за информации, стипендии за студиите во ЕУ и САД каде ќе може да поминуваат најмалку еден семестар во следење на настава, полагање или практична работа ќе им биде понудено на заинтересираните студенти на Универзитетот „Св.Климент Охридски“.
„Континуираното осигурување на квалитетот и интердисциплинарниот пристап во студиските програми ќе доведе до поголема претпознатливост на Универзитетот на европските образовни простори, нострификација на дипломите во дел од европските земји како СР Германија. Ќе направиме сè да се зголеми достапноста до поголеми бази на податоци за студентите и професорите во студирањето и усовршувањетo“, нагласи професорот Ѓуровски.
Тој спомена дека особено значаен ќе биде гласот на студентот во одлучувањето во органите и телата на УКЛО и факултетите, преку Студентското собрание и Студентски правобранител. На крајот одговарајќи на новинарско прашање, проректорот на Универзитетит „Св.Климент Охридски„ Марјан Ѓуровски, заклучи дека „процесот на европеизација на опшеството не може целосно да се реализира без да бидеме успешни и да вложуваме во концептот на едукација.
На средбата со новинарите говореа и ректорот проф. д-р Сашо Коруновски и проректорите проф. д-р Гордана Трајкоска, проф. д-р Љупче Кочоски и проф. д-р Игор Неделковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Онлајн закажување термин за сликање за лични документи и за македонската дијаспора, соопшти МВР

Министерството за внатрешни работи овозможи онлајн закажување термин за сликање за лични документи во државата и за македонската дијаспора, односно сите оние кои не поседуваат македонски телефонски број преку можност да извршат резервација преку електронската пошта, https://termin.mvr.gov.mk/Call_Request.
Од моментот на воведување на електронското закажување преку Веб страницата на МВР во текот на 2024 имало во просек по 7000 закажани термини месечно, а во текот на 2025 има над 4000 термини месечно или во просек речиси по 200 закажани термини на ден преку овој сервис.
МВР информира дека закажувањето термин преку редовните телефонски линии функционира беспрекорно и термин за редовна постапка се добива за еден ден.
Македонија
Ковачки од Берово: Во првата година од мандатот економијата заздравува

Наследивме една тешка социоекономска состојба во државата којашто беше резултат на катастрофалното владеење на СДС и на ДУИ. За среќа, резултатите на Владата на ВМРО-ДПМНЕ покажуваат дека уште во првата година од мандатот, економијата заздравува а ветувањата се оставруваат, истакна Драган Ковачки, пратеник на ВМРО-ДПМНЕ.
„Во првата година од мандатот го реализиравме предизборното ветување за 5.000 денари зголемување на пензиите на сите пензионери. Понатму, ветивме дека ќе го завршиме проектот со клиничката болница во Штип, нешто што е многу значајно за овој крај, за овие граѓани во селото Ратево, во селото Миташинци, воопшто за општината Берово каде што сме денеска во посета.
Заедно сме денеска со нашиот кандидат и иден градоначалник на општина Берово тоа е господинот Петар Ружински. Заедно да ги слушнеме проблемите на граѓаните, работите со коишто тие се соочуваат и имаат да ни ги предложат за да ги ставиме во нашата програма“, додаде тој.
Најави дека во наредниот период Владата предводена од ВМРО-ДПМНЕ и премиерот Христијан Мицкоски ќе бидат насочени на инфраструктурно градење на овој дел од државата којшто, според Ковачки беше заборавен од претходната власт.
„Верувам дека ВМРО-ДПМНЕ во наредниот период ќе има градоначалник од ВМРО-ДПМНЕ и тоа ќе биде господинот Петар Ружински за доброто на сите граѓани во Берово“.
Македонија
Данок за немажени и неженети е спротивен на Уставот, човековите права и даночната правда, општеството не се гради со казни, велат од ДОМ

Демократска обнова на Македонија (ДОМ) загрижена поради најавата на премиерот Христијан Мицкоски за можноста од воведување данок за немажени и неженети лица.
Ваквата најава, велат од партијата, претставува недозволив и опасен преседан кој директно ги повредува темелите на уставниот поредок, човековите слободи и начелата на еднаквост.
„Во Македонија, Уставот во член 9 гарантира дека сите граѓани и граѓанки се еднакви пред Уставот и законите, без оглед на нивниот личен статус. Воведување даночен товар врз основа на брачен статус е директна дискриминација и грубо кршење на ова уставно начело.
Дополнително, ваквата мерка е во спротивност со Европската конвенција за човекови права, конкретно член 8, кој ја гарантира правото на почитување на приватниот и семејниот живот, и член 14, кој забранува дискриминација при уживање на правата и слободите утврдени со Конвенцијата“.
Според ДОМ, во доменот на фискалната политика, предлогот е и против основните начела на даночната правда, односно на правичноста, неутралноста и еднаквиот третман на даночните обврзници.
Додаваат дека даночниот систем не смее да се користи како алатка за морална или социјална санкција, туку како инструмент за праведна распределба на товарот и за создавање еднакви можности.
ДОМ повикува на итно повлекување од оваа идеја и отворање на сериозна јавна дебата за правичен и недискриминаторски пристап кон демографските политики.
Длабоко сме уверени дека општеството не се гради со казни, туку со поддршка, еднаквост и почитување на човековото достоинство.