Македонија
Јаневска: Сè уште не е надминат проблемот со загревањето на училиштата во Карпош, се надевам дека со градоначалникот ќе најдеме решение
„За жал се уште не се надмина проблемот со загревањето на училиштата во Карпош“, посочи министерката за образование Весна Јаневска.
„Јас очекувам овие денови да имам состанок со градоначалникот, жал ми е што треба да соопштам дека искористени се ротациите, оваа година општина Карпош со ребалансот добила 18 милиони денари и верувам дека не се сосема доволно и искрено се надевам дека ќе изнајдеме некакво решение, се разбира со негови поголеми услуги отколку од министерството оти пак станува збор за закон“, посочи Јаневска.
Јаневска посочи дека со буџетот следната година се планираат повеќе средства не само за Карпош туку и за други општини кои се наоѓаат во слична ситуација секако по можност на сите општини да може да им се удоволи.
Градоначалникот на општина Карпош, Стевчо Јакимовски претходно рече дека Владата се однесува крајно некоректно кон македонските општини настојувајќи, како што нагласи, целосно да ги запре средствата што е должна да ги исплаќа.
Тој ја обвини Владата дека со помош на „разни финти им обезбедува пари на албанските општини за да финансираат Албанска академија на науки“, а од друга страна „не можат да ги платат сметките за струја на училиштата каде учат Македонци“. Јакимовски нагласи дека не може да се штеди на грбот на децата од Карпош и презентираше документи, тврдејќи дека Министерството за образование и наука во 2022, 2023 и 2024 година континуирано ги намалува предвидените средства за образование за оваа општина. Односно, за 2022 и 2023 година, им биле исплатени на училиштата 15 милиони денари помалку од предвидените.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дел од Центар денеска без струја
Од ЕВН Македонија АД известуваат дека поради зафати во електродистрибутивната мрежа, денеска без електрична енергија ќе останат:
· од 07:30 до 15:30 часот, дел од корисниците на улицата Новопроектирана 2, дел од локали и згради на булеварот, Партизнаски Одреди бр.15-17 и дел од локали и згради на булеварот Климент Охридски, општина Центар.
Македонија
Делови од Карпош и Бутел денеска без вода
Од ЈП водовод и Канализација известуваат дека поради изведување на водоводен приклучок ф-100 мм на улицата Демир Трајко 51, прекинато водоснабдување ќе имаат корисниците од улицата Демир Трајко и Партизанска крак 1,3,5,7,9 и 11, општина Карпош. Водоснабдувањето ќе биде прекинато од 09:00 часот до завршување со работните активности.
Од ЈП водовод и Канализација исто така известуваат дека поради дефект на огрлица ф-300 мм на улицата Хо Ши Мин 292, прекинато водоснабдување ќе имаат корисниците на дел од истата улица, општина Бутел. Водоснабдувањето ќе биде прекинато од 10:00 часот до завршување со санација на дефектот.
Македонија
Следува период на стабилно и суво време, а дневната температура ќе биде во пораст
Сончево со мала локална облачност. Ќе дува слаб ветер од променлив правец. Минималната температура ќе биде во интервал од -3 до 4, а максималната ќе достигне од 12 до 16 степени.
Во Скопје, сончево со мала локална облачност. Ќе дува слаб ветер од променлив правец. Минималната температура ќе се спушти до 0, а максималната ќе достигне до 15 степени.
Времето во наредниот период
Под влијание на поле на висок воздушен притисок, следува период на стабилно и суво време, а дневната температура ќе биде во пораст. До средината на следната седмица ќе дува слаб до умерен ветер од јужен правец, а по одредени котлини ќе има појава на магла.

