Контакт

Македонија

Јапонија ги круниса пријателските односи со Македонија со финансиска помош за девет проекти

Објавено пред

Денеска се одржа церемонија по повод потпишувањето на деветте проекти со кои Владата на Јапонија ќе ѝ обезбеди средства на Република Македонија. Во рамки на настанот благодарност за донациите во рамки на грант-програмата за мали проекти за основни човекови потреби изрази вицепремиерот задолжен за европски прашања, Бујар Османи, овој пат во улога на национален координатор за странска помош.

Османи во своето обраќање истакна дека со донациите ќе се обезбедат средства за подобрување на состојбите во многу значајни сектори како што се здравствениот и образовниот сектор.

„Посебна благодарност сакам да упатам и до амбасадорката Ханеда, но и до целиот тим на Амбасадата на Јапонија во Република Македонија, со чија упорност и посветеност се обезбедени овие неповратни средства”, истакна Османи притоа потенцирајќи дека заедничкиот труд резултира со зголемен буџет оваа година за финансирање на оваа програмата за мали проекти, што говори исклучително позитивно за одличната соработка и пријателските односи меѓу Јапонија и Република Македонија.

Поддршката од страна на Јапонија датира уште од осамостојувањето на Република Македонија, период во кој Јапонија има обезбедено голема поддршка преку официјалната развојна помош во повеќе значајни сектори за граѓаните, како што се здравство, образование, развој на локалните заедници итн.

„Како национален координатор за странската помош во Република Македонија имам определба нашата соработка дополнително да се унапредува и во периодот што претстои и верувам, со сесрдната и искрена помош на амбасадорката Ханеда, но и на целиот тим на Амбасада на Јапонија дека ќе успееме да ги унапредиме не само развојната соработка туку и економската, културната и политичката соработка меѓу двете земји”, заклучи Османи.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Отворен првиот Велоштад во Скопје

Објавено пред

Градоначалникот на Град Скопје, Петре Шилегов и амбасадорот на делегацијата на ЕУ, Дејвид Гир, го отворија првиот плоштад за велосипеди во Скопје – Велоштад, кој произлезе како резултат на спроведената ревизија на велосипедски политики која Град Скопје ја спроведе со целосна поддршка од Германското друштво за меѓународна соработка(ГИЗ).

„ Имам големо задоволство да го отвориме првиот Велоштад-плоштад за велосипеди во нашиот град, овде кај Железничката станица, локација којашто заедно со Скопје Лаб од 11 понудени ја избраа токму велосипедистите. Овде отвораме за првпат место каде што велосипедите ќе бидат безбедни и ќе може велосипедистите да ги остават тука и да продолжат да користат јавен транспорт или воз и да можат безбедно да се вратат со велосипед со што овозможуваме комбинирање на урбаното движење во нашиот град. Овој прекрасен мурал зад нас е изработен со целосна поддршка на Канцеларијата на делегацијата на ЕУ во РСМ и токму заради тоа амбасадорот Дејвид Гер е денеска тука со нас на пуштањето во употреба на овој нов функционален простор за скопските велосипедисти. Сервисната станица која е поставена тука ја добивме од нашите долгогодишни вело партнери од Стопанска Банка“ – рече Шилегов.

Тој додаде дека ова е реализација на идејата да се примени принципот на мултимодалност во велосипедските политики со кои им се им се нуди можноста безбедно да ги паркираат своите велосипеди кај Транспортниот центар од каде што ќе можат да продолжат да користат воз, меѓуградски автобус или некој од градските и приградските автобуси на ЈСП Скопје.

Велоштадот покрај држачите за безбеден паркинг на велосипеди и сервисна станица за велосипеди, опфаќа и гардеробер за брзо пресоблекување, кабини за долготрајно паркирање на велосипедите, фонтана за вода за пиење и соодветна урбана опрема која дополнително го хуманизира овој простор.

Преку своите јавни претпријатија Градот Скопје се вклучи и во дополнително уредување на овој простор за да се добие една функционална целина која ќе биде и естетски убава и доволно привлечна за граѓаните за тие да го минуваат своето време тука.

Град Скопје и понатаму посветено да ја гради својата мрежа на вело патеки, во континуитет се поставуваат паркиралишта за велосипеди на различни локации во градот, и продолжува да вложува во одржливата урбана мобилност и на тој начин се грижи за животната средина во нашиот град.

Прикажи повеќе...

Македонија

Османи на средба на бугарскиот пратеник Ковачев: „Градиме мостови на соработка за заеднички успех“

Објавено пред

Во рамките на дводневната посета на Брисел, министерот Бујар Османи, се сретна и со европратеникот Андреј Ковачев, кој воедно е член на АФЕТ и потпретседател на ЕНП.

Османи на разговорот посочи дека Република Северна Македонија е целосно посветена на унапредување на добрососедските односи со Бугарија преку имплементација на сите одредби на билатералниот Договор за пријателство, добрососедство и соработка врз основа на меѓусебно почитување.

„Нашата политика е во насока на градење на пријателство и на линија на негување на европските вредности“, истакна Османи.

На средбата беа реафирмирани позициите на нашата земја дека со Република Бугарија беше започнат еден исклучително важен и сложен процес на заедничко растење. Османи посочи дека влогот е голем од двете страни и очекувањето е дека ќе надвладее меѓусебното разбирање и ќе се продолжи по патот на зближување и градење партнерство, низ заемно почитување, како две соседни европски држави.

„Република Бугарија и досега ги подржувала европските интеграции на Република Северна Македонија и очекуваме оваа поддршка да продолжи и во иднина. За нас беше од исклучителна важност бугарското претседавање со Советот на ЕУ во 2018 година, кога проширувањето на ЕУ повторно се врати како приоритет на агендата на Европската унија, затоа континуитетот на оваа успешна и заедничка приказна мора да продолжи со усвојување на Преговарачката рамка и одржување на Првата Меѓувладина Конференција со ЕУ“, додаде Османи.

На средбата стана збор и за заедничкото претседавање со Берлинскиот процес при што беше подвлечено дека со нашиот сосед негуваме професионална и плодна соработка во менаџирањето на агендата на заедничкото претседавање со Берлински процес, и тоа во услови на пандемија. Тоа јасно покажува дека можеме да практикуваме партнерски однос и негуваме европски пристап во меѓусебната комуникација и функционирање. Ко-претседавањето на Бугарија и Северна Македонија со Берлинскиот процес, односно помеѓу земја членка на ЕУ и земја кандидат, ќе биде пример и образец за продлабочување и на европската соработка и иднина на регионот.

Соговорниците заклучија дека Мултидисциплинарната заедничка комисија за историски и образовни прашања треба да ја продолжи својата работа во насока на постигнување на напредок.

„Градиме мостови на соработка кои водат кон зголемена доверба и заеднички успех. Тоа е и целта на Договорот меѓу двете земји, на рамката која ја имаме усогласено – за историските прашања да разговараат експертските комисии, а истовремено да обезбедиме непречена политичка, економска, културана и општествена соработка“, заклучи Османи.

Прикажи повеќе...

Македонија

Осум починати и 112 новозаболени од Ковид-19 во земјава

Објавено пред

Министерството за здравство информира дека во последните 24 часа се направени 1372 тестирања, а регистрирани се 112 нови случаи на ковид-19 во: Скопје-46, Куманово-7, Штип-1, Прилеп-2, Тетово-1, Струга-6, Велес-4, Битола-7, Охрид-4, Гостивар-3, Струмица-11, Радовиш-3, Кочани-4, Пробиштип-1, Берово-1, Валандово-1, Виница-1, Делечево-1, Кратово-1, Свети Николе-4, Кичево-2, Ресен-1.

Денеска Институтот за јавно здравје регистрира 159 оздравени пациенти од: Скопје-42, Куманово-8, Штип-3, Прилеп-8, Тетово-10, Струга-6, Велес-4, Битола-3, Охрид-10, Кавадарци-2, Гостивар-13, Гевгелија-11, Струмица-4, Крива Паланка-2, Радовиш-2, Крушево-2, Кочани-4, Пробиштип-1, Македонски Брод-2, Пехчево-1, Берово-3, Валандово-1, Виница-2, Делчево-8, Свети Николе-3, Кичево-3, Ресен-1.

Во болнички услови се починати 8 пациенти од Teтово (73г), Струмица (58г), Делчево (55г), двајца од Струга (80 и 74г) и тројца пациенти од Скопје (53,76 и 82г).

Вкупната бројка на ковид дијагностицирани во нашата земја од почетокот на епидемијата изнесува 17786, бројката на оздравени пациенти е 14801, на починати е 737, а во моментов бројот на активни случаи во земјата изнесува 2248. Според завршените епидемиолошки анализи во моментов дистрибуцијата по градови е следна:

• Скопје 6948, активни 683
• Куманово 1755, активни 180
• Дебар 285, активни 43
• Штип 1252, активни 49
• Прилеп 673, активни 126
• Тетово 1426, активни 159
• Струга 669, активни 49
• Велес 323, активни 34
• Битола 303, активни 62
• Охрид 426, активни 39
• Кавадарци 236, активни 47
• Гостивар 931, активни 89
• Гевгелија 125, активни 40 (8 лица од ПЕ Гевгелија се жители на Дојран, 17 на Богданци и 12 се странски државјани)
• Струмица 242, активни 154
• Крива Паланка 107, активни 25
• Радовиш 79, активни 16
• Крушево 20, активни 1
• Кочани 353, активни 152
• Пробиштип 112, активни 20
• Демир Хисар 61, активни 2
• Македонски Брод 93, активни 12
• Пехчево 44, активни 3
• Берово 103, активни 36
• Валандово 32, активни 22
• Виница 111, активни 28
• Делчево 161, активни 78 (35 лица од ПЕ Делчево се од Македонска Каменица)
• Кратово 25, активни 1
• Свети Николе 347, активни 39
• Кичево 326, активни 37
• Ресен 165, активни 16
• Неготино 53, активни 6 (12 лица од ПЕ Неготино се жители на Демир Капија)

Направените 1372 теста се преку: ИЈЗ-199, ЦЈЗ Скопје-33, Авицена-276, Биотек-184, МАНУ -184, Жан Митрев (Филип Втори)-184, Систина со PCR метода -156, лабораторија Лаор –37, Судска медицина-11, ЦЈЗ Битола-59, Инфективна клиника-4, ГАК-25, Синлаб-20, лаборатории од странство-0. Досега во земјата се направени вкупно 187.080 тестирања на Ковид -19. Нема тестирања во рамките на скринингот.

На Инфективната клиника во изминативе 24 часа примени се 7 пациенти. Вкупно се хоспитализирани 69 пациенти. На кислородна поддршка се 35 пациент, нема пациенти на механичка вентилација.
Во болницата во Козле хоспитализирани се 4 деца и 2 мајки позитивни на ковид-19, 1 дете и 1 мајка суспектни на вирусот.

Во ГОБ „8 Септември“ примен е 1, а вкупно хоспитализирани се 35 пациенти. На респиратор се 6 пациенти.
Во болницата во Битола се хоспитализирани 17, а во болницата во Штип се 42 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 169, позитивни и сомнителни на Ковид-19.

Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје)
• Чаир – 57
• Гази Баба – 79
• Аеродром – 102
• Карпош – 88
• Центар – 98
• Кисела Вода – 84
• Ѓорче Петров – 52
• Бутел – 26
• Шуто Оризари – 17
• Студеничани – 6
• Сарај – 12
• Арачиново – 7
• Илинден – 29
• Сопиште – 3
• Чучер Сандево – 5
• Петровец – 6
• Зелениково – 2
• Странец – 7
• Нераспределен-3

Прикажи повеќе...

Најново

Македонија21 минута

Осум починати и 112 новозаболени од Ковид-19 во земјава

Министерството за здравство информира дека во последните 24 часа се направени 1372 тестирања, а регистрирани се 112 нови случаи на...

Македонија1 час

Царовска: Место да ја бојкотираат онлајн-наставата, родителите, градоначалниците и директорите да седнат и да се договорат

Бојкот на онлајн-наставата нема да им донесе ништо добро на децата, рече денес министерката за образование и наука, Мила Царовска....

Македонија2 часа

Затворска казна за Груевски, а условна за Јанакиески и за извршителите во „Насилство во Центар“

Судот изрече казна затвор од 1 година и 6 месеци за Никола Груевски, а за Миле Јанакиески условна казна од...

Македонија2 часа

Илјадници ученици и денес не можат да се приклучат за онлајн учење, Царовска повикува на трпение

Фијаско и на генералната проба, националната платформа за онлајн учење и денес паѓа Илјадници ученици, наставници и родители и утрово...

Свет3 часа

(Видео) Гори цивилен автобус погоден од азербејџански дрон

Ерменскиот министер за одбрана објави на Твитер дека гори цивилен автобус, погоден од азербејџански дрон. In #Vardenis which is located...

Топ4 часа

Се преврте автобус со 16 војници на АРМ, пренесени се во болница со полесни повреди

Изутринава се случи сообраќајна незгода на патот Струмица – Штип кога се преврте автобус во кој се превезувале 16 војници...

Македонија4 часа

МОН: За еден ден, на платформата за учење на далечина 
се пријавиле над 88 илјади корисници

„Како што беше најавено во текот на вчерашниот ден, кога почнавме со тестирање на Националната платформа за учење на далечина,...

Свет5 часа

Трамп и Бајден ќе се соочат на првата дебата за претседателските избори

За прв пат лице в лице, во првата од трите претседателски дебати, Доналд Трамп и Џозеф Бајден ќе се сретнат...

Свет5 часа

(Видео) Судирот ескалира: соборен авион на азербејџанските сили, убиени се уште 26 ерменски војници

Армијата на Нагорно-Карабах собори авион на азербејџанските сили, изјави портпаролот на претседателот на таа непризнаена република, Ваграм Погосјан. Како што...

Македонија6 часа

Министрите на владина седница ќе потпишат кодекс за етичко однесување

Владата на Република Северна Македонија, денеска, со почеток во 12 часот, во свечената сала ќе ја одржи седмата седница. На...

Свет6 часа

Итна седница на Советот за безбедност на ОН за Нагорно-Карабах

Денеска треба да се одржи итна седница на Советот за безбедност на ООН за регионот Нагорно- Карабах, каде се водат...

Европа6 часа

Село во Романија третпат избра ист градоначалник иако е мртов

Жителите на едно село во Романија го реизбраа истиот градоначалник на локалните избори, иако тој почина пред две недели од...

Спорт15 часа

Дури 11 фудбалери на Џенова имаат КОВИД-19, нејасно е дали Пандев е меѓу нив!

Италијанските медиуми тврдат дека дури 11 фудбалери на Џенова и 3 членови на тимот имаат позитивен тест на КОВИД-19, вклучувајќи...

Регион17 часа

Србинка заврши со притвор со новороденчето – била шеф на балканска наркобанда во Шпанија

37-годишна Србинка заедно со нејзиното новороденче е притворена во Шпанија, откако тамошната полиција спровела истрага во која е откриена балканска...

Свет19 часа

Ако Баку користи турски авиони „Ф-16“ – Ереван ќе ги користи ракетите „Искандер“

Ерменскиот амбасадор во Русија, Вардан Тогањан, изјави дека Ереван ќе користи ракети „Искандер“ доколку Баку употреби турски ловци „Ф-16“ во...

Свет19 часа

Ерменија бара итна реакција од Европскиот суд за човекови права

Ерменија итно реагираше до Европскиот суд за човекови права од кого побара привремени мерки против Азербејџан, каде што траат борбите...

Македонија20 часа

Јанкулоска спроведeна во затворот „Идризово“

Ексминистерката за внатрешни работи Гордана Јанкулоска од нејзиниот дом е спроведена во затворот „Идризиво“, потврдуваат од МВР. Таа треба да...

Македонија21 час

Јанакиески до судот: Дали треба да се најде жртвено јагне за да ја понесе одговорноста за постапките на Груевски?

„Ниту сум прифатил, ниту сум дал насоки, ниту сум поттикнувал“, вели обвинетиот ексминистер Миле Јанакиески во завршните зборови на рочиштето...

Македонија1 ден

Четири лица починаа, потврдени 48 нови случаи на коронавирус во Македонија

Во последните 24 часа потврдени се 48 нови случаи на коронавирус од 387 теста, а починаа четири лица, соопшти Министерството...

Македонија1 ден

МОН: Во тек се тестирањата на Националната платформа за онлајн-настава

Во тек се тестирањата на платформата, се работи на нејзина оптимизација, велат од Министерството за образование и наука по реакциите...

Досие