Македонија
Џафери од Арачиново: До здраво општество од најраната возраст на идните генерации
![](https://makfax.com.mk/wp-content/uploads/2024/02/21022024_PVRSM_1.jpeg)
Претседателот на Владата на Република Северна Македонија, Талат Џафери, ја посети Општина Арачиново. Премиерот Џафери ја посети градинката „Фатосат”, каде имаше свое обраќање, а потоа го посети Основното училиште „Абдил Фрашери“ во Арачиново.
„Задоволство е да се биде денес овде. Ова е во фаза на она што е моја дневна активност, покрај активностите во Кабинетот. Ние сме должи да сме со граѓаните, а не затворени таму, во канцеларија. Основна работа ни е да бидеме во комуникација, директна и ваква со граѓаните и одблиску да ги гледаме потребите. Задоволство е што имам можност да ги видам овие предуслови овде коишто се наменети за најмилите, најмладите, коишто од мали нозе ќе имаат можност да прават разлика што е убаво, што е добро, и тоа секако ќе влијае и врз нивниот интегритет и градењето на нивната личност, оттука, па се до ситуација кога ќе дојде да бидат полнолетни. Оттука се гради практично перцепцијата за обврските кои ќе следат во време кога ќе се нафатат на тие обврски. Сега за сега, немаат обврски. Штом ќе почнат да одат во школо, почнуваат нивните грижи и обврски и оттука, честито на сите. На шега ќе кажам дека ова е поубав објект од тој во Куманово што беше, иако и таму беше убаво. Моментално сме во најубавиот објект“, рече Џафери и додава:
„Честитки на децата, на родителите. Секако и родителите ќе бидат поспокојни, знаејќи дека децата ги оставаат во соодветни услови, во соодветна грижа, и особена почит секако за екипата која ќе се грижи за овие деца овде, тие кои се ангажирани, така што, тие имаат особена почит. Почит поради работата која ја вршат. Не е лесна работа. Најтешка работа е да се работи со децата кога ќе треба да се соживеете со нив“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.