Македонија
Џафери: Подобри услови и современ здравствен систем за пациентите каде и да се
![](https://makfax.com.mk/wp-content/uploads/2024/03/01032024_PVRSM-Dzaferi_JZU-D-r-Ferid-Murad_2.jpg)
Премиерот Талат Џафери, заедно со министерот за здравство, Илир Демири, денеска ја посетија ЈЗУ Општа болница „Д-р Ферид Мурад“ во Гостивар.
За време на посетата, Џафери оствари работен состанок со менаџментот и со здравствениот персонал на гостиварската општа болница. На работниот состанок, Џафери ги истакна заложбите на Владата, со цел подобрување на условите за лекување на пациентите, како и за системските промени кои беа направени, со што се овозможи изминативе години неколкукратно зголемување на платите на медицинскиот персонал.
Премиерот изврши обиколка на одделението за Невропсихијатрија, коешто е во фаза на реконструкција, како и на одделението за Педијатрија што беше реконструирано минатата година.
Освен со подобрување на инфраструктурата, на почетокот од годината беше набавена современа лапароскопска и ендоскопска опрема, а болницата доби и подвижен рендген апарат со C-рака со дигитален детектор.
Набавката на новата опрема овозможи за прв пат во болницата во Гостивар да се извршуваат интервенции од сферата на Урологијата, со што на пациентите им се олесни пристапот до здравствена заштита и повеќе нема да треба за таков вид на зафати да се упатуваат на клиниките во Скопје, информираат од неговиот кабинет.
Посочуваат дека со реновирањата во гостиварската болница, се подобруваат условите за обезбедување современ и лесен пристап до здравствена заштита на пациентите, како и подобри услови за работа на медицинскиот персонал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.