Македонија
Џафери: Помирувањето и соработката значат успех во трансформацијата на регионот
![](https://makfax.com.mk/wp-content/uploads/2023/10/обраќање-ПСРСМ-1.jpg)
Парламентарната соработка на земјите од Западен Балкан е уште еден камен на зајакнување во обезбедувањето на инклузивниот напредок за регионот со посветеност кон главните европски вредности на демократијата, владеењето на правото и фундаменталните права, смета претседателот на Собранието Талат Џафери, кој се обрати на сесијата „Перспективите за мир и помирување во Западен Балкан” во рамки на регионалната конференција „Интеграција на Западен Балкан во ЕУ – предизвици и перспективи“ што денеска се одржува во Скопје.
Според него, Интерпарламентарната унија со право заклучила дека „пратениците имаат уникатно поимање за диверзитетот меѓу луѓето и се во подобра позиција да ги артикулираат аспирациите на луѓето и да објаснат што навистина им е важно.”
-И ова е предуслов за работата на ООН низ сите земји и нејзиниот клучен принцип да не остави никој зад себе, што го прави Парламентот еден од клучните партнери. Помирувањето и соработката се заедничкиот именител на успехот на трансформацијата на регионот. Тие се фундаменталниот фактор за нашите партнери и за нас како земји на нашиот пат кон членство во Европската Унија и иднината на целиот регион е токму во нив. И оваа конференција е доказ дека ние како регион, продолжуваме да градиме мостови на соработка и приближување помеѓу нашите народи, нашите држави и целиот регион на Европската Унија. Така создаваме доволен простор за развој и напредок на овој дел на континентот, координирајќи се за заеднички проекти започнати во рамките на Берлинскиот процес, Одржливите цели на Обединетите нации и политиките на Унијата, истакна Џафери.
Нагласи дека Република Северна Македонија работела и дека ќе продолжи да работи во насока на постигнувањето на стратешките цели, односно полноправното членство во ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.