Македонија
Австриски весник: Пандемијата ја олесни одлуката на ЕУ за преговори со Северна Македонија и Албанија
Пандемијата од коронавирусот и стравот од геополитичка загуба на моќта ја наведе ЕУ, со половина година задоцнување, да донесе одлука за почеток на пристапните преговори со Албанија и Северна Македонија, оценува виенскиот весник „Пресе“.
„Колку и да звучи морбидно, избивањето на пандемијата ја олесни одлуката на 27 членки“, нагласува весникот.
„Во сенка на оваа криза, вниманието на јавноста беше насочено на друго место“, вели Стивен Блокманс за виенскиот весник, професор на Универзитет во Амстердам и член на бриселскиот Центар за европски политички студии.
Оваа оценка, укажува „Пресе“, особено се однесува на Франција, чијшто претседател, Емануел Макрон, пред половина година со своето вето на отворањето на преговорите предизвика тензии не само помеѓу ЕУ и Западен Балкан, туку и внатре во ЕУ каде неговото противење наиде на критики.
Дури и владите на Данска и Холандија, кои беа на иста линија со Париз за простапната подготвеност на Албанија, не можеа да го разберат тој став кон Северна Македонија.
„Персе“ наведе дека Северна Македонија дури го променила своето име и го надминала деценискиот спор со Грција.
„Во вторникот министрите беа согласни дека пристапните преговори со овие две земји се важни од три причини. Затоа што ЕУ во спротивно на Балканот би ја загубила политичката привлечност во натпреварувањето со Кина, Русија и Турција, и тоа дека го ослабела своето инаку ограничено геополитичко влијание. Таа опасност се виде на прес-конференцијата на српскиот претседател, Александар Вучиќ, кој рече дека европската солидарност е бајка и дека Кина е единствената земја што може да ѝ помогне на Србија“, укажува „Пресе“.
Понатаму, весникот наведува дека ЕУ увидела опасност оти епидемијата на Западен Балкан без надворешна помош не може да се уништи.
„На европско ниво не може во моментов да се разговара на ниту една тема, а да не се говори за Ковид-19, објасни министерката за европски прашања на Австрија, Каролин Едшрадлер, по видеоконференцијата, додавајќи дека е договорено и како може да им се помогне на земјите од овој регион.
Како трето, укажува „Пресе“, ветото на Макрон доведе до подигнување на свеста за проблемите со ширењето на ЕУ на исток и тековните преговори со Србија и Црна Гора, а европскиот комесар за проширување изјави дека не е доволно само да се усвојуваат закони, туку мора да се применат на дело и да донесат резултати какви што очекуваат земјите членки на Унијата.
„Почетокот на пристапните преговори, ако тоа го дозволи пандемијата, може да се случат оваа година, но прашање е дали Самитот за Западен Балкан планиран за почетокот на мај во Загреб, ќе може да послужи за таа цел“, заклучува весникот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ахмети не сака да влезе во Влада: Не сме резервна гума
Првиот човек на ДУИ, Али Ахмети, денеска на конференцијата „100 дена скандали, понижувања и неуспеси“, изјави дека Европскиот фронт не е заинтересиран да стане дел од Владата, бидејќи, како што додаде, тие не се резервна гума.
Ахмети рече дека Европскиот фронт е легитимен претставник на Албанците и помалите етнички заедници, додавајќи дека ВЛЕН не победи на изборите.
„Ние сме легитимните претставници на Албанците, тие не победија на изборите“, рече првиот човек на ДУИ, Али Ахмети.
Македонија
Муртезани – Жан-Пјер Понселе: Македонија има направено значителен напредок во усогласувањето на својот статистички систем со стандардите на ЕУ
Министерот за европски прашања, Орхан Муртезани, денеска имаше средба со претставници на Статистичкиот завод на Европската Унија – Евростат, Жан-Пјер Понселе и Клаудија Јункер. Во фокусот на разговорите беше важноста на официјалната статистика во процесот на пристапување на Северна Македонија во Европската Унија, како и нејзиното користење за креирање на развојни и економски политики засновани на докази. Се разговараше и за поддршката на Државниот завод за статистика за да одговори на потребите на евроинтегративниот процес.
Министерот ја истакна клучната улога на статистиката, не само во рамките на Поглавјето 18 од правото на ЕУ, туку и низ неколку други политички области. Тој нагласи дека статистиката е од витално значење за следење на економското управување, реформата на јавната администрација и институционалното усогласување со стандардите на ЕУ.
На состанокот беше потенцирано дека Северна Македонија има направено значителен напредок во усогласувањето на својот статистички систем со стандардите на ЕУ, што е потврдено во различни извештаи на Европската комисија. Соговорниците ја подвлекоа потребата од понатамошни подобрувања, особено во однос на проширување на обемот и квалитетот на податоците за макроекономската и социјалната статистика.
Двете страни ја потврдија својата посветеност за продолжување на соработката, во контекст на напредокот на Северна Македонија кон целосна интеграција во Унијата.
Македонија
СДСМ: Општина Аеродром официјално молчи за труењето на учениците во ОУ „Ѓорѓија Пулевски“
И по пет дена од случајот на труењето со храна на учениците во основното училиште „Ѓорѓија Пулевски“ во Аеродром остануваат отворени многу прашања од граѓаните. Општина Аеродром официјално молчи. Освен информациите дека е извршена вонредна инспекциска контрола од страна на Државниот здравствен и санитарен инспекторат, Агенцијата за храна и ветеринарство, Институтот за јавно здравје и Центарот за јавно здравје – Скопје, дека се земени брисеви од примероци од храната, површини и персонал, дека се изречени времени мерки од ДЗСИ за затворање на училишната кујна и дека ИЈЗ откри токсини од бактерија во примероците од храна, ниту една дополнителна информација во насока на целосно разоткривање на случајот не е објавена во јавноста, велат од СДСМ.
„Родителите на учениците имаат право навремено и детално да бидат информирани за одговорите на следните прашања:
– Колку редовно се вршат контроли и кој е задолжен за одржувањето на хигиенските услови во кујните на училиштата на територија на Општина Аеродром?
– Какви се хигиенските услови во просториите каде што учениците ја консумираат храната и условите во тоалетите каде што учениците и персоналот одржуваат лична хигиена?
– Колку често се вршат контроли на исправноста и квалитетот на храната и каде се произведува храната за учениците? Во какви услови се чува храната пред и по подготвувањето до моментот на послужување на учениците?
– Колку често и на кој начин се вршат контроли на процесот на реализирање на јавни набавки и јавни повици за избор на доставувачи на храна во училиштата во општина Аеродром?
– Кој е задолжен за составувањето на дневното мени за храна и дали се консултирани стручни лица при утврдувањето на критериумите за избор на доставувачи на храна и избор на дневно мени прилагодено на возраста на учениците?
– Дали е точно дека во недостаток на средства за хигиена, родителите често сами се организираат за прибирање на дополнителни средства за набавка на течен сапун, влажни марамчиња, тоалетна хартија и слично? Потсетуваме дека ВМРО-ДПМНЕ вети дека ќе ги укине овие трошоци за родителите преку набавка на доволни количини на средства за хигиена.
– Конечно, колку време е потребно за утврдување на одговорноста за контаминирањето на храната и кои се мерките кои во таа насока ќе бидат преземени од страна на училиштата во Аеродром?, прашуваат од СДСМ и додаваат:
„Недозволиво е Општина Аеродром по пет дена официјално да молчи за случајот. Освен одговорот на советничкото прашање на СДСМ кој в.д. градоначалникот Дејан Митески го даде на седница на општинскиот Совет за првичните мерки преземени на денот на откривањето на случајот, ниту една дополнителна информација не е пласирана во јавноста, ниту едно официјално соопштение, прес конференција, објава на интернет страницата на општината и слично. Родителите на учениците имаат право да ги знаат овие детали поврзани со труењето на нивните деца. До кога Општина Аеродром ќе молчи за случајот?“