Македонија
Адвокатот на Груевски: „Космос“ се уривал затоа што не бил граден според дадената дозвола

Адвокатот Мехмет Сефери, кој е бранител на експремиерот и бегалец Никола Груевски во случајот ТНТ, и натаму ги оспорува аудиоразговорите за кои посочи дека е можно тие да се сечени и монтирани. Сефери бара да не бидат прифатени како докази. Според него, Груевски не сторил никакво кривично дело, „Космос“ се уривал поради тоа што не бил граден според дадената дозвола. Адвокатот вели дека одлуките на судовите ја потврдиле одлуката на администрацијата, па нема ниту фактичка ниту материјална причина за Груевски да биде осуден: „Лицето треба да биде ослободено. Ние не ги прифаќаме аудиоматеријалите како докази. Дури и да бидат прифатени, може да се увиди дека Груевски не сторил ништо незаконски. Нерелевантно е тоа што Цановски го зборува, ако неговата фирма постапила спротивно на законот“.
„Од сите изведени докази во постапката се виде дека службениците во Гази Баба постапиле законски. Тоа е јасно од сите судски одлуки, а тоа се 36 судски одлуки, а донесени од судовите за објектот ‘Космос’. Судот веќе утврдил дека одлуката за рушење на тогаш почнатиот со градба објект е законско исправна. Пресудено е дека Гази Баба не е виновна за каква било штета. Според правилата на Европскиот суд за човекови права, еднаш пресудена работа не може одново да се суди. Фијат Цановски и во Уставниот суд барал заштита на слободите и правата, а одлуката била дека Цановски не дал ниту еден доказ дека е дискриминиран. Со оваа одлука е констатирано дека тој во однос на другите граѓани е еднаков на нив. Самиот Фијат Цановски барал политичко, а не правно решавање на неговиот проблем. Ако градел според дозволата, немало да се урива. На штета на Груевски е што судот не прифати ниту еден нов доказ, како што е договорот за плаќање комуналии, за кои вели дека ќе ги плати кога ќе земе отштета од овој судски предмет“, посочи Сефери.
Адвокатот на Груевски вели дека експремиерот можел да мисли што сака, ама судот треба да утврди како постапила администрацијата што издала решение за уривање. Според него, Општината не можела да одлучи поинаку, освен да го урива „Космос“.
„Инвеститорот градел спротивно на градежната дозвола. Груевски не можел да ја злоупотреби должноста. Администрацијата постапила законски, не може да се утврдува вина кај премиер, министер, градоначалник. Груевски е претседател на влада, а целосна надлежност за уривање е кај Општината. Груевски не поставил некакво политичко барање, услов, поради чие неприфаќање сакал да направи штета. Материјалите што Обвинителството ги достави како доказ не може да бидат доказ. Тие се прибавени спротивно на законот, со кршење на човековите права, не може да бидат докази. Доказите не ѝ се дадоа на одбраната за да ги вештачи“, додаде адвокатот Сефери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За да помине граница преку ред, на полицајците од ФРОНТЕКС им кажал дека е дипломат, а на нашите полицајци им рекол дека им е колега, уапсени двајца скопјани на Табановце

Вчера на Граничниот премин „Табановце“, на влез во државата, полицијата ги упаси С.С. (59) и Б.А. (55), двајцата од Скопје поради сомневање за алсиикување исправа.
„Во обид да влезат со приоритет, С.С., кој го управувал возилото ’голф’ со скопски регистарски таблички, во кое се превезувале, на полициските службеници од ФРОНТЕКС им рекол дека е дипломат, приложувајќи патна исправа наводно издадена од Европски полициски комитет, а на македонските полициски службеници им рекол дека е вработен во МВР, но не ја носел службената легитимација. При дополнителна контрола на лицето и возилото биле пронајдени патни исправи, една биометриска страна за патна исправа, два пластични печати, четири лични карти и други предмети. Поради основано сомнение за сторено кривично дело „фалсификување исправа“ по чл.378 од КЗ, пронајдените предмети се одземени, а лицата лишени од слобода“, соопшти МВР.
Против двете лица ќе бидат поднесени соодветни ријави по расчистување на случајот.
Македонија
Овој ден буди тага, но ќе се памети и по човечноста и хуманоста, Град Скопје оддаде почит на жертвите од земјотресот

Делегација на Град Скопје предводена од градоначалничката Данела Арсовска, оддаде почит на жртвите од катастрофалниот земјотрес кој пред 62 години главниот град го остави во урнатини. Скопје се сеќава на 26 јули 1963 година, ден кој засекогаш го промени ликот на градот, трагедија која одзеде над илјада животи.
„Овој ден буди чувство на тага, но секогаш ќе се памети и по човечноста и хуманоста на сите кои помогнаа во најтешките моменти“, велат од Град Скопје.
Во рамки на одбележувањето 62 години од земјотресот, вечерва во 20:00 часот во Музејот на Град Скопје ќе биде отворена изложбата „Скопје за време на земјотресот и потоа“.
Македонија
На граничните премини Табановце и Пелинце се чека по 45 минути

Интензитетот на сообраќај на патните правци надвор од градските средини е зголемен, јави АМСМ. Поради летните одмори се бележи зголемена фреквенција на возила на граничните премини Табановце и Пелинце, а времето на чекање е околу 45 минути.
На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Сојузот потсетува дека од 1 јули до 31 август на државните патишта во Македонија на сила е летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури. Термините се следни:
петок од 17:00 – 22:00 часот,
сабота од 09:00 до 18:00 часот и
недела од 09:00 до 22:00 часот.
Во деновите со екстремно високи температури, определени од Министерство зa здравство, забранaта ќе важи и од понеделник до четврток во период од 11:00 до 17:00 часот.
Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта.
На магистралниот пат А2 делница: Скопје – Охрид – Скопје (со важност до 01 септември) се забранува движење на тешки товарни возила чија вкупна маса преминува 7,5 тони за време на викендите, во следните интервали:
петок од 15:00 – 22:00 часот,