Македонија
Адеми: Дијаспората игра важна улога во дипломатијата

Министерот во Владата задолжен за дијаспора, Едмонд Адеми денеска учествуваше на панел дискусија во рамки на Меѓународната конференција „Дијаспора, дипломатија и развој“ организирана од страна на Универзитетскиот колеџ Даблин, Институтот Клинтон.
Адеми во своето обраќање пред присутните ја истакна важноста на улогата на дијаспората во дипломатијата, и дека и двете денес, во време на глобални движења и динамични меѓународни односи, се предодредени да работат заедно во промоција на интересите на Македонија и нејзино позначајно позициоирање во меѓународните односи, преку активна јавна дипломатија.
Адеми испрати порака дека иднината на соработката меѓу државите во различни области од заеднички интерес, особено во областа на дијаспората, покажува сериозност на нашите држави и дека кога има визија и добра волја сите активности даваат резултати во полза на нашите граѓани и дијаспората насекаде, каде и да се.
На Конференцијата разговараа како мобилноста и поврзувањето на дијаспората може да биде динамичен извор на иновации и креативност во многу области, обезбедувајќи свежо знаење и креативно водство кое може да обезбеди решенија за предизвиците на глобализацијата.
Воедно се истакна дека има постојан пораст на владини канцеларии и агенции кои ја ангажираат дијаспората на нивната нација, често како агенти за развој, коишто генерираат специфични политики и стратегии за ангажирање, и дека оваа активност ги проширува дипломатските капацитети и одговорности на националните држави во однос на нивните иселеници и нивните потомци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пронајдени двете девојки од Португалија кои се изгубија во реонот на Водно – Матка

Денес околу 17.00 часот од страна на Центарот за управување со кризи бевме известени за две изгубени туристки во реонот од врвот на Водно кон Матка, извести директорот на ДЗС, Стојанче Ангелов.
Како што информираше Ангелов, Дирекцијата за заштита и спасување итно извршила мобилизација на тимот за спасување на планина од Тетово и истиот веднаш бил упатен во пребарување на теренот.
Во 18.40 двете девојки од Португалија беа пронајдени и однесени до ресторанот Матка каде ги пречека Конзулот на Република Португалија, додава Ангелов.
Македонија
Дел од Ѓорче Петров утре без струја

Од ЕВН Македонија АД известуваат дека утре без електрична енергија ќе останат:
– во периодот од 09.00 до 15.00 часот, корисниците од улиците Веле Марков, Ибе Паликуќа, Воин Драшковиќ, Рафаел Батино. (општина Ѓорче Петров)
Македонија
Меџити прими жители од Страчинце: Анализите на експертите јасно покажаа дека отворањето на каменоломот ќе има сериозни последици врз животната средина

Првиот заменик-претседател на Владата и министер за животна средина и просторно планирање, Изет Меџити, денес ги прими во својот кабинет жителите од селото Страчинце, со кои одржа отворен состанок за одлуката за одбивање на барањето за отворање на каменолом во оваа скопско село.
Министерот Меџити ги информираше жителите за професионалните и институционалните причини што доведоа до оваа одлука. Анализите на експертите јасно покажаа дека отворањето на каменоломот ќе има сериозни последици врз животната средина, ризик од поплави и негативно влијание врз јавното здравје, велат од Министерството.
На состанокот беше истакнато дека приоритет е заштитата на животот и благосостојбата на граѓаните над секој економски интерес.
Меџити истакна дека следниот чекор е конечно поништување на концесијата во Влада, со што ова прашање ќе добие трајно решение.
Жителите на Страчинце се заблагодарија за одлуката и за приемот што го оствари министерот Меџити, нагласувајќи дека овој состанок е пример за владеење со отворен дијалог и чесна соработка со граѓаните.