Македонија
Ако државник од соседната земја доаѓа да пие кафе во Бугарија, треба ли да го истакнеме неговото знаме, вели советникот на Радев

„Посетата на претседателот на Република Северна Македонија на нашата земја беше по повод културен настан – не беше ниту државен ниту работен. Поради оваа причина, македонското знаме не беше ставено до грбот на претседателството бидејќи за вакви посети не е потребно строго почитување на државниот протокол“, вели за бугарските медиуми Димитар Стојанов, поранешен министер и актуелен советник на бугарскиот претседател, Румен Радев.
Тој посочи дека средбата меѓу Румен Радев и Гордана Сиљановска-Давкова била исклучително конструктивна и со добар тон.
„Договорени се идните државни посети на РСМ и Бугарија“, ова го дефинира Стојанов како чекор напред во дијалогот меѓу двете земји.
На прашањето дали посетата на претседателот на РСМ е провокација, Димитар Стојанов за БНТ одговора:
„Не би сакал да зборувам за провокација во овој случај додека бараме чекор напред во развојот на нашите односи. Не е коректно да се мешаме со знамиња во оваа ситуација. Дали треба да разберам дека ако државник од соседната земја доаѓа да пие кафе во Бугарија, дали да ставиме знамиња во естаблишментот. Непотребно влошување на ситуацијата“, коментира тој.
Сиљановска-Давкова во петокот во Софија се сретна со Радев пред да присуствува на изведбата на операта „Набуко“ во изведба на Македонската опера и Балет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.