Македонија
Алијансата за Албанците им пиша на дипломатските претставништва „за обидот на власта да ја партизира Агенцијата за медиуми“

Загрижени од последните случувања и обидите на владејачките партии да го заземат Управниот одбор на Агенцијата за медиуми, Алијансата за Албанците ги алармира дипломатските претставништва на САД, ЕУ, земјите-членки на ЕУ, Албанија, Косово и регионот.
“Во писмото испратено до горенаведените амбасади го потенциравме обидот на владините коалициски партии Влен да наметнат двајца нивни сопартијци во Агенцијата за медиуми, Нафие Селмани и Афрона Вервизоли. Покрај овој обид, амбасадите биле известени и за заканите кон новинарите кои известувале за овој случај од страна на шурата на Верзиволи.
„Советот е исклучително важна институција за спроведување на медиумските политики.
Сепак, партиите повторно се обидуваат да го политизираат целиот процес, со што се шири опасноста од корупција, клиентелизам и инструментализација на медиумската сфера.
Постои ризик за медиумските политики да одлучуваат партиски интереси и етаблирани медиумски лидери“, се наведува меѓу другото во писмото упатено до дипломатските претставништва во земјава“, соопшти Алијанса за Албанците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне сончево, попладне наместа нестабилно со локален дожд и грмежи

Претпладне сончево со умерена облачност. Попладне наместа ќе биде нестабилно со локален дожд и грмежи. Ќе дува слаб до умерен ветер од југоисточен правец. Минималната температура ќе биде во интервал од 6 до 12, а максималната ќе достигне од 19 до 26 степени.
Во Скопје, сончево со умерена облачност и со слаб до умерен југоисточен ветер. Попладне во делови од котлината ќе има развој на нестабилна облачност со услови за пороен дожд и грмежи. Минималната температура ќе се спушти до 8, а максималната ќе достигне до 26 степени.
Времето во наредните денови
Од среда на повеќе места ќе биде нестабилно со повремени врнежи од дожд, локално поројни, проследени со грмежи. Дневната температура ќе биде во постепено благо опаѓање.
Македонија
Карпош, Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
· Oд 08:00 до 16:00 часот, дел од корисниците во Стопански Двор. (Општина Ѓорче Петров);
· Oд 09:00 до 13:00 часот,ул.24 с.Сопиште КАЈ ИЦЕ МАК (Општина Сопиште);
· Oд 09:00 до 14:00 часот, дел од корисниците на ул.Ванчо Мицков,во Долно Нерези (Општина Карпош) ;
· Oд 10:00 до 14:30 часот, дел од потрошувачите на ул.Женевска (Општина Карпош).