Македонија
Алијансата за Албанците: „Како се чувствува Таравари кога терористите на 27 април ги гледа слободни и во емисии како херои“
„Нелегитимната моноетничка власт дополнително ја зајакнува својата регресивна, антиалбанска политика во одбрана на криминалот и македонскиот национализам. Не задоволувајќи се само со ослободувањето на терористите од 27 април 2017 година, докажано и со судска одлука како такво, сега за нив започна процесот на рехабилитација“, велат од Алијанса за Албанците.
„Само неколку дена откако директорот на санкции донесе одлука да ги ослободи, дел од нив сега се промовираат во ТВ емисии како жртви, па дури и како херои.
Јавно го прашуваме Арбен Таравари како се чувствува сега со постапките на неговиот пријател, директорот на санкции, кој ги ослободи осудените од 27 април, напаѓачите на Зијадин Села, кој токму во тоа време го направи Таравари, првично министер за здравство, два мандати градоначалник и на крајот претседател на партијата.
До каде ќе оди неговата и сервилноста на коалицијата на која припаѓа?
Сега е јасно за јавноста зошто е формиран Европскиот фронт, зошто Албанците се здружија заедно со другите етнички заедници во земјава, за да се спротистават на моноетничката бура што се нафрли врз сите други заедници од пред парламентарните избори“, се вели во соопштението на Алијанса за Албанците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја денеска делови од Центар, Сопиште и Бутел
Од ЕВН Македонија АД известуваат дека денеска без електрична енергија ќе останат:
· во периодот од 07:30 до 15:00 часот, корисниците на блокот на згради од булеварот Партизански Одреди бр.17 кон улица Максим Горки, општина Центар.
· во периодот од 07:45 до 15:30 часот, корисниците на селата Јаболци, Ново Брезница, Патишка Река, Држилово, Малчиште, Црн Врв, Елово, Осинчани, Карст с.Јаболци Викендици Држилово, Сателитски Центар, Ново Брезница, Рудпроект, Јаболци, Патишка Река, општина Сопиште.
· во периодот од 08:30 до 10:30 часот, корисниците на улицата Тале Христов, Поликлиника ВФВ и Објектите околу ВРВ Поликлиник, општина Бутел.
· во периодот од 09:00 до 12:00 часот, дел од корисниците на улицата Елисие Поповски – Марко бр.21,47 и други корисници во непосредна близина, општина Центар.
Македонија
Делови од Центар и Аеродром денеска без вода
Од ЈП Водовод и Канализација известуваат дека денеска:
– поради изведување на водоводен приклучок ф-80 мм на улицата Франклин Рузвелт бб, прекинато водоснабдување ќе имаат корисниците на дел од истата улица, односно потегот од Орце Николов до Благој Давков, општина Центар.
Водоснабдувањето ќе биде прекинато од 10:00 часот до завршување со работните активности.
– поради промена на вентил во шахта ф-2“ на улицата Венијамин Мачуковски бб, прекинато водоснабдување ќе имаат корисниците од истата улица, општина Аеродром.
Водоснабдувањето ќе биде прекинато од 09:00 часот до завршување со работните активности.
Македонија
Утрото претежно ведро и студено, преку денот сончево со мала до умерена облачност
Утрото претежно ведро и студено, преку денот сончево со мала до умерена облачност. Ќе дува слаб ветер од јужен правец.
Минималната температура ќе биде во интервал од -4 до 4, а максималната ќе достигне од 15 до 20 степени.
Во Скопје, сончево со мала до умерена облачност. Ќе дува слаб ветер од југоисточен правец. Минималната температура ќе се спушти до 2, а максималната ќе достигне до 16 степени.
Времето во наредните денови
Следува период на стабилно и суво време. Претпладне по одделни котлини ќе има услови за појава на магла или ниска облачност. Поради разведрувањето утринската температура наместа ќе се спушти под нулата, а дневната ќе бележи тенденција на благ пораст.

