Македонија
Алијанса за Албанците: На Македонија и се потребни нови избори

Како проевропски определена сила, Алијансата за Албанците не само што ги поддржа, туку беше и составен дел на уставните промени, поддржувајќи го референдумот и гласајќи во Собранието за Договорот од Преспа, кој се однесуваше на Договорот помеѓу Грција и Македонија за решавање на спорот со името, велат од Алијансата за Албанците.
Во соопштението на партијата се додава дека тие активно учествувале во овој процес уште од потпишувањето на Договорот од Преспа на 12 јуни 2018 година, уверувајќи истовремено дека главните загрижувања на Албанците во Република Македонија ќе се посочат при предлагање на уставни амандмани, се вели во соопштението.
„Како конструктивна опозиција, обезбедивме да духот на Уставот ја промовира целосната еднаквост помеѓу сите заедници во земјата, штитејќи го во него идентитетот на Албанците во одредбите кои се однесуваат на преамбулата и на прашањето за државјанство.
Алијансата за Албанците, исто така, во рамките на уставните измени успеа да направи измени во Уставниот закон, при што Северна Македонија и правно се граничи со Република Косово.
Исто така го очекуваме крајот на ратификација на Преспанскиот договор од страна на нашите соседи Грци, го повикуваме премиерот Заев да рефлектира врз историската задача пред нас. Периодот на простување на неговата влада, заврши денес.
Нашите меѓународни поддржувачи во Европската Унија и Соединетите Американски Држави, имаат инвестирано невидени ресурси за да обезбедат Република Македонија да пристапи во НАТО и во Европската Унија, далеку од Русија и од други влијанија од истокот, времето на пофалби заврши денес. Истото важи и за нашите граѓани кои подолго време ја толерираа корупцијата и сиромаштијата во полза на поголема кауза“, се вели во соопштението на Алијансата за Албанците.
Почнувајќи од утре, велат од партијата нашата држава има помалку од пет месеци пред Европскиот совет во јуни 2019 година да иницира и спроведе сеопфатни реформи за враќање на владеењето на правото, ефикасна борба против корупцијата, обезбедување независност во судството, како и деполитизација на јавната администрација.
„Секое потфрлување во постигнување на значајни и конкретни резултати во погоре наведените приоритети, ќе им даде силни аргументи на земјите-членки на ЕУ кои се скептични кон проширувањето, за да уште еднаш го одложат отворањето на преговори за членство во ЕУ за нашата земја, по европските избори кои се очекува да ги зајакнат евроскептичките и анти-имиграциските сили низ целиот континент.
Покрај тоа, сега кога Договорот од Преспа е позади нас, нашите граѓани нема повеќе да толерираат празна реторика за реформи. Тие сакаат работни места, економски раст, владеење на правото и враќање на надежта, така што иселувањето да не биде повеќе единствената перспектива која им се нуди.
Сепак, јасно е дека влада која е заснована на половина од режимот на Груевски и каде што низа министри или се под истраги за коруптивни афери или биле вклучени во судир на интереси и злоупотреби на државни пари, не може да тераат напред една таква агенда“, се вели во соопштението на Алијансата за Албанците, и се додава дека вонредните состојби бараат и вонредни мерки.
На Македонија, велат од партијата сега и се потребни нови избори за да се обезбеди влада која има легитимност и смелост да преземе сеопфатна трансформација на земјата во вистински европски дух.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делови од Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 09:00 до 13:00 часот, дел од корисниците на улицата Мице Козар, општина Ѓорче Петров;
– во периодот од 10:00 до 12:00 часот, корисниците од ул.4 во Горно Соње, општина Сопиште.
Македонија
Променливо облачно со сончеви периоди, максималната температура до 24 степени

Времето денеска ќе биде променливо облачно со сончеви периоди. Ќе дува слаб до умерен ветер од северен правец. Минималната температура ќе биде во интервал од 5 до 14, а максималната ќе достигне од 17 до 24 степени.
Во Скопје, променливо облачно со сончеви периоди. Ќе дува слаб ветер од северен правец. Минималната температура ќе се спушти до 12, а максималната ќе достигне до 22 степена.
Времето во наредните деново
Од среда попладне до петок под влијание на нов влажен бран ќе има врнежи од дожд, локално пообилни (над 30 l/m²). Поради продор на постудена воздушна маса од север и засилен северен ветер во четврток и петок на повисоките планини ќе има услови врнежите од дожд да преминуваат во повремен снег. Температурата значително ќе опадне. Во деновите од викендот ќе има стабилизирање на времето и постепен пораст на дневната температура.
Македонија
Мицкоски: Левица е на услуга на ДУИ, сега си направиле пазар од кој ќе профитира или ќе се обиде да профитира ДУИ

Претседателот на ВМРО-ДПМНЕ, Христијан Мицкоски, имаше свое обраќање на денешниот митинг, со кој се започна кампањата за претстојните локални избори, и кој се одржа во Скопје во Спортскиот центар ,,Јане Сандански“ на кој се осврна и на коалицијата ДУИ и Левица, односно на Али Ахмети и Димитар Апасиев.
Мицкоски објасни дека сега јасно се гледа дека Левица игра во корист на ДУИ, како што претходно играла во корист на СЈО и Зоран Заев.
„Постојат две коалиции, две коалиции надвор од видливото. Првата е онаа меѓу Али и Димче, помеѓу ДУИ и Левица. Левица само го покажа своето вистинско лице кое што сите ние го знаеме. Тие се на отворен пазар, на услуга на Али и ДУИ. Сетете се, да не заборавиме, прво го помагаа СЈО за добри хонорари, потоа самиот Заев отворено кажа дека правеле тајни коалиции за наводно да ја спаселе Македонија од ВМРО-ДПМНЕ и од Христијан. А сега си направиле пазар од кој ќе профитира или ќе се обиде да профитира ДУИ. А тие пак од ДУИ, со истите трикови се децении наназад. Како стара закачица, провоцираат и едвај чекаат да им одговорам“, кажа Мицкоски.
Мицкоски укажа „сигурно пресметале дека ќе им вратам, па така ќе им го подобрам уништениот рејтинг“.
„Таа нивна игра мора и Албанците и Македонците и сите останати да ја знаат и разберат. Така ДУИ си го крева рејтингот. А тезите им се стари и излитени – те. „крвови“, те „јастреби, те орлите, те зајаци“, истото тоа, истиот фолклор го споменуваат 20 години, тоа со години е истиот филм. Албанците му се иселија. Парам-парчe направија од крадење Албанците – дури и од неговото Зајас – се иселија; исто како во Дебар, Струга, Тетово, Гостивар, Кичево и насекаде што живеат.. Дваесет години беа на власт. Видовме се што можат, но и што не можат. И тие метафори на митинзите повеќе не им поминуваат – добри се, ако одлучиле да се занимаваат и да глумат хумористични филмови за да може да насмеат некого. Но, не и да влеат надеж каква им е потребна на сите граѓани во Македонија“, посочи Мицкоски.