Македонија
Алијанса за Албанците тврди дека момчиња превезувале дрога во возило на полициски инспектор

Алијанса за Албанците реагира поради, како што тврди ,, прикривање, односно обидот за молк од страна на одговорните институции во врска со апсењето на две момчиња од страна на полицијата, кои што вршеле транспорт и продажба на наркотични средства, користејќи го возилото на полициски инспектор од секторот на внатрешни работи во Тетово“.
,,Според лиферуваните информации, возилото со коешто е извршувана продажбата на наркотични средства, не е задржано за понатамошни егзаминации. Ова е загрижувачки, бидејќи возилото било користено од страна на инспектор кој што е брат на висок функционер на ДУИ. Овој функционер бил шеф на Општинскиот кабинет на Гостивар, додека градоначалник бил Невзат Бејта, бил шеф на изборен штаб на ДУИ за време на последните локални и предстедателски избори, бил член на Општинската изборна комисија во Гостивар“, тврди партијата.
,,Како е можно целиот овој случај да помине само со задржување, како се напиша во медиумите, на двете момчиња продавачи, без притоа да се продолжи со понатамошно истражување? Која била улогата на инспекторот и другите лица околу него? Дали е ова уште еден пример на селективната правда во државата? Дали ова ја потврдува тезата дека правдата во ова држава е селективна и политизирана? Каде е правната држава? Вчера се затворија очите во врска со пукотниците каде што учесник беше Џеват Адеми, денеска се прави обид да се затворат очите за братот на лицето којшто е многу близок со главните луѓе на ДУИ. Кога се во прашање водачите на ДУИ, може да се случи што било, а правдата да не излезе на мејдан. Се поставува прашањето дали вака функционира правната држава? Дали е ова тенденција на Владата со другите највисоки државни инстанци за да се амнестираат водачите на ДУИ? Кога се работи за ДУИ сѐ е можно, можат да направат лакрдија без никаква грижа, бидејќи се сигурни дека законот и правдата за нив не важи, или пак имаат други механизми, само за нив познати, кои што им овозможуваат да избегнат од одговорност.
Во Гостивар, според статистиките има над 5.000 корисници на наркотични средства. Се поставува прашањето кој ги снабдува нив? Дали сето ова е дел на оваа игра каде што главните луѓе се токму водачите на ДУИ во Гостивар. Затоа ги повикуваме компетентните органи да не молчат. Да постапуваат според законските прописи а не да молчат и да не преземаат никакви мерки како што веќе стана навика во државата кога се работи за лица блиски до ДУИ. Само на таков начин може да се застане пред сомневањата потенцирани погоре и кои се сосема легитимни„, се вели во соопштението на Алијанса за Албанците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.