Македонија
Американската амбасадорка го вклучи црвениот аларм во судовите оти предметите им застаруваат, тие на итен состанок со еден заклучок
Писмо од американката амбасадорка Ангела П. Агилер го вклучи црвениот аларм во судовите. Таа изразила загриженост затоа што предмети во кои обвинети се високопрофилни личности застаруваат, а откако Апелација ги враќа на повторно судење. Ова било испратено до Владата, Министерството за правда, но и до Апелација, Врховен суд, Кривичен суд како и Судскиот совет. Реакција имало веднаш, врховната судијка Беса Адеми одржала состанок со апелационите судови и донеле заклучок – мора да се постапува ефикасно и ажурно.
„По предметите од висок јавен интерес ажурно да се постапува и да се одлучува во согласност со законот и прописите, а со цел да се обезбеди ефективно остварување на правдата и воедно да се избегне опасноста од застарување на предметите од висок профил. Ажурното постапување и одлучување по предметите од јавен интерес да биде составен дел од планот за работа на судовите, внатрешните процедури и планираните активности во согласност со стратешките документи за независноста на судството, интегритетот на судиите, транспаретноста, борбата против корупцијата и напредокот на земјата во делот на правосудтсвото. Да се направат напори од страна на Судскиот совет на Република Северна Македонија да се пополнат испразнетите судиски места, што непосредно влијае врз ефикасното работење на судовите“, гласи Заклучокот од работниот состанок кој се одржал на 13 април.
Неофицијално, се шпекулира дека американската амбасадорка им посочила на сите до кои писмото е испратено, дека постои неспособност кај судовите брзо да ги процесираат предметите. Била децидна дека тоа ја намалува довербата во судовите.
Апелација ги врати судските предмети „Таргет-Тврдина“ за масовното прислушување, „Трезор“ за набавката на британска опрема за следење на комуникациите, „Титаник 2“ за изборни нерегуларности. Во сите предмети е обвинет ексдиректорот на УБК, Сашо Мијалков, кој е на т.н. црна листа на САД. Праќањето на „Титаник 2“ од суд во суд, доведе до застарување на делото на Мијалков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Подрачјето на Велес ќе биде зафатено од поројни врнежи, грмежи и засилен ветер
ЦУК информира, според известувањето на УХМР, дека подрачјето на Велес ќе биде зафатено од пообилни поројни врнежи со грмежи и засилен ветер.
Правец на движење на оваа нестабилна маса се предвидув дека е кон исток и североисток, додаваат од ЦУК.
Македонија
Министерството за животна средина отстапи движни ствари на повеќе општини, за потребите на училиштата вклучени во ГЛОБЕ програмата
Владата, на предлог на Министерството за животна средина и просторно планирање, донесе одлука со којашто движни ствари во сопственост на министертството, се даваат на трајно на повеќе општини во државата, за потребите на повеќе основни училишта и тоа во Гевгелија, Неготино, Валандово, Битола, Прилеп, Тетово, Куманово, Пробиштип, Ранковце, Велес, како и на училишта во скопските општини: Центар и Карпош.
Целта е спроведување на ГЛОБЕ програмата во Република Северна Македонија, а Министерството за животна средина и просторно планирање, како што е посочено, е носител на активностите на ГЛОБЕ програмата и со владина одлука е задолжено да обезбеди хемикалии и инструменти за вршење на мерењата и да ги пренесе на користење на вклучените училишта во програмата.
Станува збор за движни ствари што ќе им бидат од полза на училиштата во спроведувањето на проектот, а коишто, по пат на јавна набавка ги обезбедило ресорното министерство.
Македонија
Одлука за учество на Армијата во НАТО операцијата „КФОР“ во Косово
Владата, на предлог на Министерството за одбрана, донесе Одлука за определување на бројот на кандидати кои се запишуваат на Воената академија „Генерал Михаило Апостолски“- Скопје, во студиската учебна 2024/2025 година, чие образование се финансира од Буџетот на Република Северна Македонија.
Со одлуката е определено, во студиската учебна 2024/2025 година да се запишат 44-ца студенти/питомци како редовни студенти, од кои 25-мина студенти/питомци за потребите на Министерството за одбрана – Армијата на Република Северна Македонија; како и тројца студенти/питомци за потребите на Војската на Црна Гора; шестмина студенти/питомци за потребите на вооружените сили на Босна и Херцеговина; петмина студенти за потребите на управување со кризи и петмина студенти за потребите на заштита и спасување.
Согласно Законот за Воената академија, како што е образложено од ресорното министерство, на Академијата можат да студираат и припадници на вооружените сили на странски држави и странски државјани.
Владата, на предлог на Министерството за одбрана, донесе и Одлука за испраќање припадници на Армијата на Република Северна Македонија за учество во НАТО операцијата „КФОР“ во Република Косово.