Македонија
АНБ ќе има нов директор, а Димовски ќе биде сменет и испратен за амбасадор во Франција

Директорот на Агенцијата за национална безбедност, Виктор Димовски, ќе биде променет. Но, не поради скандалот со издавање државјанство на Украинецот Александар Онишченко, туку поради тоа што Димовски треба да биде амбасадор на Македонија во Франција.
Премиерот Димитар Ковачевски најави нов директор за 24 дена.
„Државјанството беше доделено по четири позитивни мислења. Побарав извештај по спроведена анализа согласно процедурите на АНБ и директорот да даде извештај на затворена седница на Влада. Тоа ќе се случи во текот на утрешниот ден. Одговорност мора да има, тоа е работа на анализа. Дали ќе имаме нов директор на АНБ, односно дали ќе има одговорност – да ќе имаме нов директор АНБ. Именување на нов директор на АНБ ќе има во новите 24 дена. Треба да биде професионалец, со долгогодишно искуство, треба да ги помине филтрите на стратешките партнери, треба да биде тоа усогласено, односно изборот со критериумите“, кажа Ковачевски.
Прашан дали промената на Димовски е поради скандалот, Ковачевски одговори: „Тоа е затоа што директорот е веќе со испратени агремани за амбасадор на Франција и е отпочната селекција“.
Онишченко добил македонско државјанство и покрај тоа што е на црна листа на САД. Нејасно е како ги минал безбедносните проверки во Македонија кои се прават за секој потенцијален кандидат за македонско државјанство.
Виктор Димовски, директор на АНБ во заминување, кажа дека виновен е службеник во АНБ кој не ја изготвил соодветно проверката.
Детали за ова, како и дали одговороста е кај службеникот – нема.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За една недела, „пајакот“ кренал 74 возила во Центар

ЈП Паркинзи на Општина Центар во соработка со Сообраќајната полиција-Скопје во периодот од 28.07. до 02.08.2025 година, со помош на специјалните возила „Пајак“ отстранија 74 непрописно паркирани возила кои го попречувале нормалното и безбедно одвивање на сообраќајот.
ЈП ПОЦ и Општина Центар континуирано ќе ја спроведуваат оваа мерка и апелираат до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците.
Македонија
Бизнисменот Душко Чифлиганец загина во несреќа со мотор

Младиот бизнисмен Душко Чифлиганец загина на 32-годишна возраст во несреќа со мотор во Брно, Чешка.
Тој е син на познатиот стопанственик и универзитетски професор Ванчо Чифлиганец и беше заменик-претседател на „Адора бизнис-групацијата“.
Чифлиганец беше љубител на спортскиот мотоциклизам.
Македонија
Активни четири пожари во Македонија

До 07:00 часот утрово регистрирани се 23 пожари во Македонија, од кои четири се активни, два се под контрола, а 17 се изгаснати, информира Центарот за управување со кризи.
Активни пожари: 4
1. Општина Чашка: над Богомила (мешана шума)
2. Општина Липково: помеѓу с. Ваксинце – с. Слупчане (нискостеблеста шума)
3. Општина Студеничани: с. Дречавица (шумски пожар во планина)
4. Општина Македонски Брод: с. Грешница (деградирана нискостеблеста шума)
Пожари под контрола: 2
1. Општина Долнени: с. Стровија, зад место викано Гајдарец – Клепало (нискостеблеста шума)
2. Општина Желино: с. Церово (мешана шума)
Изгаснати пожари: 17
1. Општина Берово: Планина Готен кон Малешевските планини (бор, бука, смрека, грмушки и ниска вегетација)
2. Општина Брвеница: с. Милетино (запалени ниви)
3. Општина Струмица: с. Доброшинци (депонија)
4. Општина Гевгелија: с. Прдејци (ниска вегетација)
5. Општина Куманово: Стара Циглана (ниска вегетација)
6. Општина Крушево: Градски гробишта Игумења (ниска вегетација)
7. Општина Долнени: с. Дебреште (депонија и ниска вегетација)
8. Општина Струга: помеѓу с. Долна Белица – с. Велешта (ниска вегетација)
9. Општина Студеничани: мостот на Маркова Река (ниска вегетација)
10. Општина Сарај: (сува трева и ѓубре)
11. Општина Сарај: с. Рашче (мешана шума)
12. Општина Сарај: с. Буковиќ (нискостеблеста вегетација)
13. Општина Арачиново: до Обиколница (ниска вегетација)
14. Општина Кисела Вода: с. Горно Лисиче (ниска вегетација)
15. Општина Чучер Сандево: Качанички пат (ниска вегетација)
16. Општина Прилеп: с. Алинци (депонија)
17. Општина Прилеп: позади маркет „Стибера“ (ниска вегетација)
18. Општина Студеничани: на стариот пат за с. Батинци (ниска вегетација и ѓубре)
————————