Македонија
Ангелевска: Кадровските решенија во новата Влада на ВМРО-ДПМНЕ се со богати биографии

Во моментов наследуваме катастрофална состојба. Буквално нема област, институција која може да ја наречеме целосно функционална. Граѓаните во предизборието велеа никогаш не било полошо и буквално е така. Јавниот долг на крајот на 2023 година достигна рекордни 62,1% од БДП. Во наредните 5 години само по основ на камати треба да се платат 1,8 милијарди евра. Судство со доверба од 3%, политички затвореници и селективна правда. Епидемија на криминал и корупција во сите пори“, истакна пратеничката од ВМРО-ДПМНЕ Силвана Ангелевска на денешната собраниска седница.
Таа продолжи и додаде:
„Програмата што ја понуди мандатарот за 2024-2028 година се состои од квалитетен животен стандард, економски раст, зголемување на БДП до 5%, 55,000 нови работни места, поддршка за приватниот сектор, национален план за демографија со низа на мерки кои ќе ја намалат и ублажат состојбата со негативниот прираст и иселувањето на нашите млади луѓе, во однос на енергетиката предвидени се низа долгорочни инвестиции и капацитети кои ќе гарантираат енергетска стабилност и зголемување на домашното производство на енергија, вложување во нашиот столб во РЕК Битола и продолжување на животниот век. Системска борба против корупцијата, владеење на правото во институциите, реформа на јавната администрација, развиени локални самоуправи и за таа цел годишно 250 милиони евра ќе се префрлаат во општините за рамномерен регионален развој и проекти за подобрување на локалното население. Функционален институционален систем, здравство, образование, животна средина, социјална заштита и посветена грижа за пензионерите. Национални приоритети надворешна политика, безбедност и одбрана, култура, спорт и развиен туризам , права и слободи и еднакви можности за сите“, кажа Ангелевска.
Таа во однос на кадровските решенија во новата Влада истакна дека тие се луѓе со богати биографии, стручни и професионални во своите области.
„Во однос на кадровските решенија понудени се кандидати луѓе со богати биографии , стручни професионални искусни и компетентни за областите кои се предложени. Иако наследуваме држава испукана по сите сфери , сигурна сум дека идните министри предводени од премиерот ќе вложат вонредни напори во решавањето на проблемите на граѓаните“, заклучи Ангелевска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сали: „АС Сењак“, алката што го поврзува Ахмети со Мијалков и српскиот режим

Четврти ден владее молк и паника. Нема објаснување за трансакциите со акции меѓу фирмата „АС Сењак“ и компании поврзани со Сашо Мијалков, ниту пак за продажбата на истите акции на Алта Банка во Белград, банка блиска до режимот на Александар Вучиќ, вели Беким Сали од „Вреди“.
„Фактите се јасни: „АС Сењак“ е фирма со минимален број вработени и без реална дејност, но врти милиони евра. Приходите речиси целосно се совпаѓаат со тендерите добиени од општини предводени од ДУИ.
Со тие пари се купуваат акции од фирма на Мијалков, а потоа се продаваат на банката на Вучиќ. Само шест дена по продажбата, една општина предводена од ДУИ ѝ доделува на „АС Сењак“ два нови договори вредни 90 милиони денари – еден и пол милион евра. Тоа не може да се нарече случајност, туку исплата и награда за успешно завршена операција“.
Од партијата на Сали прашуваат: Али Ахмети, зошто твојата фамилија купуваше акции од Сашо Мијалков? Зошто токму тие акции завршија кај банката на Вучиќ? Дали тендерот од еден и пол милион евра беше наградата за тој договор? Колку станови, колку тендери и колку милиони евра чинат вашето „родољубие“?
Ова, според него, не е само политичка афера, ова е криминал кој бара итна одговорност.
„Парите на граѓаните очигледно се користеле за лични бизниси и за договори со структури кои работат против интересите на Албанците.
Времето на молкот заврши. Сега е време за вистина и правда.
Го повикуваме ДКСК и Јавното обвинителство итно да ги истражат овие противзаконски и криминални дејствија“.
Македонија
Без вода дел од скопски Карпош

Од ЈП Водовод и Канализација известуваat дека утре ( среда ) поради дефект на приклучна цевка на бул. Партизански Одреди бр. 59а, во периодот од 09.00 часот па се до отстранување на дефектот без вода ќе останат корисниците лоцирани на десната страна на потегот од бул. 8 – ми Септември до Франклин Рузвелт. ( општина Карпош )
Македонија
Од утре промена на работното време на јавните површини наменети за зонско паркирање на ЈП Градски паркинг- Скопје

Јавното претпријатие Градски паркинг- Скопје соопшти дека од 1.10.2024 (среда) започнува зимско сметање на работното време на јавните површини наменети за зонско паркирање со кои стопанисува претпријатието.
Работното време во зоните А, Б, Ц ќе биде:
– Од понеделник до петок: 07:00- 21:00 часот,
– Сабота: од 07:00-14:00 часот.
На јавната површина наменета за паркирање зона Д, работното време останува непроменето, односно:
– Од понеденик до сабота: од 07:00- 23:00 часот.
„Им препорачуваме на сите корисници на нашите услуги да бидат внимателни и навремено да извршат наплата при паркирање согласно наведеното работно време“.