Македонија
Андоновска: Укажувавме на расипничкото однесување на менаџментот и градоначалничката, не кажувате ни каде ги трошите парите а постојано барате

На денешната вонредна седница на Град Скопје советничката од ВМРО-ДПМНЕ, Марија Андоновска истакна дека повеќе од година дена укажуваат на расипничкото однесување на менаџментот и на градоначалникот на Град Скопје, и повика да не се манипулира јавноста и поднесениот амандман за платите да се изгласа.
„Повеќе од година дена ви укажуваме на расипничкото однесување на менаџментот на директорите на ЈП како и на градоначалникот на Град Скопје. Постојано ви укажуваме дека постојат неправилности, за тие неправилности не добиваме одговори. Повеќе од година дена укажуваме на неправилностите укажуваме и денес, денес овде за жал грубо се манипулира јавноста со нападите кои што се пренасочени на погрешна адреса. Како може една советничка група или неколку советници виновни, а од друга страна замислете ние не добиваме ни одговори на прашања а камоли да имаме некакви ингеренции врз нештата. Овде нас не ни се дава информација со образложение, каде и да отидеме да побараме информација дали во ЈП или во градот Скопје ни велат „Простете не можам ни забранија да даваат информации“ замислете им забранила градоначалничката да даваат информации мислете приватна фирма е ова“ истакна Андоновска.
Андоновска посочи да не се манипулира со јавноста и да се прифати амандманот.
„Многу е срамно да се пренасочува одговорноста кон некои кои што немаат вина за тоа. Овде се сите останати виновни само не оваа советничка група што се бори и ќе се бори да ги добие информациите јавноста. Ние сме должни да ја штитиме и градската каса, но сме должни и да обезбедиме квалитетен градски превоз, сме должни да обезбедиме непречено функционирање во сите Јавни Претпријатија. Се обедуваме на повеќе начини да го докажеме тоа. Денес го поднесовме овој амандамн со цел уште еднаш да дадеме шанса и покрај тоа што во ноември месец јасно се даде шанса и се изгласаа субвенции кои што ни беше овде кажано дека ќе овозможат средства да земат вработените пари. Дали од утре граѓаните на Град Скопје нема да чекаат по 45 минути автобус, дали граѓаните нема да се гужваат по автобусите дали по месец два нема пак да велите дајте ни уште средства. Нема да се смени ништо затоа што сте расипници, заради тоа што сте неспособни криминалци. Не кажувате ни каде ги трошите парите постојано барате пари, пари сме дале за луѓето да земаат плата сме дале пари и да има автобуси но каде се парите. Доста ја манипулирате јавноста еве поднесовме амандман за платите само се однесува, изгласајте го амандманот“ нагласи Андоновска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Стабилна е здравствената состојба на осумтемина македонски пациенти“: Сиљановска-Давкова ги посети во Софија

Претседателката Гордана Сиљановска-Давкова објави дека ја посетила болницата „Пирогов“ во Софија каде што се згрижени повредените во трагичниот пожар во Кочани.
„Со чувство на длабока и искрена грижа, најпрво ја посетив болницата „Пирогов“ во Софија каде што се згрижени и се лекуваат македонските граѓани повредени во трагичниот пожар во Кочани.
Во разговорот со министерот за здравство, проф. д-р Силви Кирилов, заменик-директорот на болницата, проф. д-р Николај Габровски и раководителката на Одделот за изгореници и пластична хирургија, доц. д-р Маја Аргирова, бев информирана дека здравствената состојба на осумтемина македонски пациенти е стабилна, се наоѓаат под постојан надзор од страна на врвни, искусни лекари и дека процесот на закрепнување бележи напредок.
Во присуство на лекар Македонец, ми беше овозможен подолг разговор со најблиските роднини на македонските пациенти. Тие најпофално се изразија за болничкиот персонал и манифестираа радост за видно подобрената состојба на нивните најмили“, информира претседателката.
Таа појасни дека се сретнала и со дел од бугарските медицински тимови коишто директно учествуваа во укажувањето на итна медицинска помош и им изразила особена благодарност за нивната пожртвуваност, човечност и професионалност.
„Нивната благородна мисија е вистинско олицетворение на медицинската етика, солидарноста и хуманоста, вредности коишто ќе останат темел на заемна почит и искрено пријателство меѓу двата блиски народа, бугарскиот и македонскиот“, објави Сиљановска-Давкова.
Македонија
Можно зголемување на водостојот на реките во западните делови од земјата, најави ЦУК

Водостоите на реките низ земјава се во опаѓање. Водостојот на река Вардар исто така бележи намалување по целото течение на реката и тоа се очекува да продолжи до крајот на денот, соопшти ЦУК.
„Во доцните вечерни часови и за време на претстојната ноќ се очекуваат нови врнежи од дожд претежно во западните делови на земјата каде се прогнозираат количини на врнежи од 15-20 l/m2. Земјата полека се заситува со влага од претходните врнежи изминативе денови така што можна е реакција на реките во западниот дел на земјата и извесно зголемување на нивниот водостојот. Зголемување на водостојот доцна во ноќта и утре изутрина може да има на река Треска, река Црна, на водотеците од горниот дел од сливот на река Вардар, како и на реките кои доаѓаат од планинскиот масив Солунска Глава“.
Според прогнозите можни се и краткотрајни врнежи со умерен интензитет кои што можат да доведат до брзо зголемување на водостојот на помалите реки и суводолици во западниот дел на земјата, односно на малите реки и суводолиците кои доаѓаат од Шар Планина и од планината Јакупица (масивот Солунска Глава).
Пообилни врнежи можни се и во делови од градските средини како Тетово и западниот дел на Скопје каде што предупредуваме на внимание.
Во источниот дел на земјата во текот на денешниот ден не се очекуваат поголеми зголемувања на водостоите.
ЦУК предупредува на внимателно движење покрај реките и суводолиците во текот на вечерните часови и ноќта.
Македонија
Мицкоски и Филипче ги поделија сферите на интерес и се договорија да ја задушат правдата, велат од Алијанса за Албанците

Премиерот Христијан Мицкоски и лидерот на СДСМ, Венко Филипче во изјавите по денешната скандалозна средба ги потврдија сите наши сомнежи и ги открија своите планови, велат од Алијанса за Албанците.
„Тие се согласија да формираат работни групи во три области кои се поврзани, се вкрстуваат или од интерес за двајцата лидери. Ќе ја подготват реформата во здравството, сфера на интерес на Венко Филипче каде што ќе се заобиколи актуелниот министер Арбен Таравари, во енергетиката, сфера на интерес на Христијан Мицкоски, сопственикот на хидроцентралите и на крајот, „правдата“ каде Филипче и Мицкоски имаат заеднички интерес да се спасат меѓусебно од одговорноста за Кочани, Модуларната Болница во Тетово, Беса Транс и Дурмо Турс и другите трагедии и скандали кои се случија во земјава“, истакнуваат од оваа партија.
Овој договор, како што велат е целосно игнорирачки за Албанците, а воопшто не ги третираат ни нивните албански „партнери“ во Владата.
Овој договор, според Алијанса за Албанците е и против граѓаните, по секоја цена да ја сокријат вистината од нив, да го заробат системот, да инсталираат диктатура како што одамна ја заробија и македонската опозиција и да го уништат секое досегашно достигнување.
По оваа средба, што ќе биде со повторното судење за трагедијата со Модуларната болница во Тетово, кога најодговорниот човек за таа болница ќе го води реформскиот процес во име на „правдата“, прашуваат од оваа партија.