Македонија
Град Скопје апелира да се преместат возилата од Големиот ринг
Поради посетата на папата Франциско, во Скопје се воведува посебен сообраќаен режим и промени во движењето на граѓаните.
Поради специјалниот режим на движење, Град Скопје објави дека граѓаните што живеат во централното градско подрачје, во зоната Голем ринг, утре нема да може да ги користат своите возила, а доколку сакаат да ги користат, ќе мора денеска да ги извадат од рестриктивната зона.
„Граѓаните што живееат во централното градско подрачје (во зоните А1, А3, А4, А5, А06, А8, Б2, Б3, Б6 и Б7), почнувајќи од денеска по 16 часот, своите возила да ги дислоцираат и да ги паркираат во непосредна близина на Градското собрание, зона Ц80 и Ц81 или зона Ц33 (под железничката станица) и на јавните паркиралишта ЗОИЛ и Тутунски комбинат.
Граѓаните што имаат потреба од своите возила утре, ќе биде потребно денеска да ги дислоцираат надвор од рестриктивната зона, во спротивно возилата нема да може да направат излез од рестриктивната зоната за време на посебниот сообраќаен режим“, апелираат од Градот.
Сите паркиралишта со кои стопанисува ЈП „Градски паркинг“ – Скопје ќе бидат бесплатни за користење почнувајќи од денеска по 16 часот.
Катните гаражи „Беко“ и „26 Јули“ утре нема да бидат во употреба, односно ќе бидат затворени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја денеска делови од Центар, Сопиште и Бутел
Од ЕВН Македонија АД известуваат дека денеска без електрична енергија ќе останат:
· во периодот од 07:30 до 15:00 часот, корисниците на блокот на згради од булеварот Партизански Одреди бр.17 кон улица Максим Горки, општина Центар.
· во периодот од 07:45 до 15:30 часот, корисниците на селата Јаболци, Ново Брезница, Патишка Река, Држилово, Малчиште, Црн Врв, Елово, Осинчани, Карст с.Јаболци Викендици Држилово, Сателитски Центар, Ново Брезница, Рудпроект, Јаболци, Патишка Река, општина Сопиште.
· во периодот од 08:30 до 10:30 часот, корисниците на улицата Тале Христов, Поликлиника ВФВ и Објектите околу ВРВ Поликлиник, општина Бутел.
· во периодот од 09:00 до 12:00 часот, дел од корисниците на улицата Елисие Поповски – Марко бр.21,47 и други корисници во непосредна близина, општина Центар.
Македонија
Делови од Центар и Аеродром денеска без вода
Од ЈП Водовод и Канализација известуваат дека денеска:
– поради изведување на водоводен приклучок ф-80 мм на улицата Франклин Рузвелт бб, прекинато водоснабдување ќе имаат корисниците на дел од истата улица, односно потегот од Орце Николов до Благој Давков, општина Центар.
Водоснабдувањето ќе биде прекинато од 10:00 часот до завршување со работните активности.
– поради промена на вентил во шахта ф-2“ на улицата Венијамин Мачуковски бб, прекинато водоснабдување ќе имаат корисниците од истата улица, општина Аеродром.
Водоснабдувањето ќе биде прекинато од 09:00 часот до завршување со работните активности.
Македонија
Утрото претежно ведро и студено, преку денот сончево со мала до умерена облачност
Утрото претежно ведро и студено, преку денот сончево со мала до умерена облачност. Ќе дува слаб ветер од јужен правец.
Минималната температура ќе биде во интервал од -4 до 4, а максималната ќе достигне од 15 до 20 степени.
Во Скопје, сончево со мала до умерена облачност. Ќе дува слаб ветер од југоисточен правец. Минималната температура ќе се спушти до 2, а максималната ќе достигне до 16 степени.
Времето во наредните денови
Следува период на стабилно и суво време. Претпладне по одделни котлини ќе има услови за појава на магла или ниска облачност. Поради разведрувањето утринската температура наместа ќе се спушти под нулата, а дневната ќе бележи тенденција на благ пораст.

