Скопскиот кривичен суд им одреди мерка притвор од 30 дена на Артан Груби и Прпарим Бајрами.

„По добиено известие од надлежното МВР, дека двете лица за кои ЈО предложи мерка притвор од нивно пронаоѓање односно лишување од слобода, а поврзани со истрагата за Државна лотарија, се недостапни за органите на прогон, донесе решенија со што го прифати предлогот на ЈО и им определи мерка притвор од траење од 30 дена, заради постоење на основите од чл.165 ст1. Т.1 и 2“, се истакнува во соопштението на Кривичниот суд.

Министерот Тошковски во превентивна акција заедно со РСБСП и Факултетот за безбедност

Министерот за внатрешни работи Панче Тошковски денеска во соработка со Републичкиот совет за безбедност на патиштата и Факултетот за безбедност учествуваше во заеднички превентивни активности насочени кон едукација на граѓаните. Министерот Тошковски заедно со деканот на факултетот за безбедност Јонче Ивановски, директорот на РСБСП Горан Ангеловски и полициски службеници од Одделението за превенција при СВР Скопје разговараа со граѓаните на сите актуелни од областа на сообраќајот каде доследното почитување на правилата се важни за правилното и безбедно учествување во сообраќајот.

До граѓаните преку разговор и делење на едукативни материјали беа пренесени пораките како задолжителното користење на зимска опрема, вози одговорно значи патувај безбедно, и јас и ти сме пешаци, вози одморен, носи кацига, секогаш стави појас што се правила кои треба да ги почитуваат сите учесници во сообраќајот и пешаците и возачите.

Министерството за внатрешни работи, заедно со РСБПС и Факултетот за безбедност во текот на годината заеднички изведуваат голем број вакви превентивни активности со цел едукација на граѓаните за своите обврски и права кои ги имаат како учесници во сообраќајот.

Денеска Единицата за финансиски криминал при Секторот за криминалистички истраги во Одделот за сузбивање на организиран и сериозен криминал криминал до ОЈО Скопје заради постоење на основи на сомнение за сторено кривично дело „злоупотреба на службена положба и овластување“ по член 353 став 3 во врска со став 1 од КЗ во врска со член 22 „соизвршителство“ од КЗ поднесе кривична пријава против Ѓ.Т. (49) од Скопје, извршен директор на А.Д. Градски трговски центар – Скопје во временскиот период 2017 – 2024 година, Г.И. (48) од Скопје, вработен во А.Д. Градски трговски центар – Скопје, Д.С. (48) во Скопје, вработен во А.Д. Градски трговски центар – Скопје и С.Т. (50) во Скопје, вработен во А.Д. Градски трговски центар – Скопје.

Имено, лицата делото го сториле така што второпријавениот Г.И. во својство на претседател на Комисија за спроведување на јавна набавка, заедно со третопријавениот и четвртопријавениот Д.С. и С.Т., членови на Комисијата за спроведување на јавна набавка, во текот на 2020 година со неизвршување на својата службена должност постапиле спротивно на одредбите на законот за јавни набавки и спровеле постапка за јавна набавка за потребите на А.Д. Градски трговски центар – Скопје во која неосновано ја отфрлиле понудата на економски оператор од Скопје, иако согласно бараните критериуми во тендерската документација не постоеле услови за отфрлање, при што од двајца понудувачи, како единствена понуда за евалуација останала понудата од друг економски оператор од Скопје, која била речиси двојно поскапа. По ова, истите изготвиле извештај за спроведена постапка во кој дале предлог за најповолна понуда да се одбере двојно поскапата понуда.

Првопријавениот Ѓ.Т. во својство на извршен директор на А.Д. Градски трговски центар – Скопје, ја злоупотребил својата службена положба со неизвршување на својата службена должност така што постапил спротивно на одредбите на законот за јавни набавки и иако бил должен да увиди дека постапката не е спроведена согласно законот за јавни набавки истиот донел одлука за избор на најповолен понудувач и во име на А.Д. Градски трговски центар – Скопје со правното лице од Скопје склучил рамковна спогодба за јавна набавка за стоки и услуги, со вкупна вредност на спогодбата од 31.000.000 денари, без ДДВ и времетраење на спогодбата од една година, по која што рамковна спогодба и склучени договори кон истата на правното лице од Скопје му биле исплатени вкупно 30.999.325 денари.

Со ваквите инкриминирани дејствија и со непостапување согласно своите службени овластувања пријавените го сториле делото „злоупотреба на службена положба и овластување“ предвидено и казниво по член 353 став 3 во врска со став 1 од КЗ во врска со член 22 „соизвршителство“ од КЗ., со што овозможиле на правното лице од Скопје да се стекне со противправна имотна корист од 30.999.325 денари (околу 500.000 евра).