Македонија
Арсовска: Имаме заедничка определба да создаваме општество во кое на секое дете ќе му биде овозможена еднаква грижа

Денеска, градоначалничката на град Скопје, Данела Арсовска, присуствуваше на годишниот настан за доделување признание на најголемите поддржувачи на СОС „Детското село“.
Арсовска во своето обраќање истакна дека Град Скопје и понатаму ќе дава поддршка на активностите за развој на личните потенцијали и на општествените вредности на своите граѓани, а особено за најмладите, бидејќи грижата за најмладите е грижа за нашата иднина.
„Изминатиот период имав можност да се запознам со некои од згрижувачките семејства, кои безрезервно ја даваат својата љубов и грижа со цел децата да ги пребродат сите предизвици што им се испречуваат на патот. Наша заедничка определба е сите заедно да работиме и да создаваме општество во кое секое дете ќе има еднакво среќа, поддршка, едукација, родителска грижа и љубов.
Градоначалничката Арсовска истакна дека Град Скопје во рамките на своите можности и понатаму ќе биде партнер и ќе помага за создавање успешни приказни и да се прават промени во општеството.
Во име на Град Скопје, градоначалничката Арсовска ја прими благодарницата од СОС „Детското село“ за придонесот и поддршката кон работата на оваа организација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја делови од Сопиште, Аеродром и Студеничани

Без струја денеска ќе останат делови од општините Сопиште, Аеродром и Студеничани.
ЕВН Македонија АД известува дека на ден 31.07.2025 година ( четврток ) без електрична енергија ќе останат:
– во периодот од 07:00 до 16:00 часот, од последна автобуска станица 24ка до маркет„ДАВИДОВ“ . (општина Сопиште)
– во периодот од 08:30 до 15:30 часот, корисниците од ул.Ѓорѓи Капчев. (општина Аеродром)
– во периодот од 09:30 до 12:00 часот, дел од корисниците на селото Морани СЕЛОТО МОРАНИ (општина Студеничани)
– во периодот од 13:00 до 15:00 часот, корисниците од викендици Дражилово, ХПП Патишка Река, Крас Јаболце.(општина Сопиште)
Македонија
Во прекин сообраќајот на патот Струмица – Берово

Од вчеравечер 22:10 часот сообраќајот на регионалниот пат Струмица-Берово, поточно кај „Сарајска раскрсница“, е во целосен прекин поради случена сообраќајна незгода, информира АМСМ.
Сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е зголемен. Поради летните одмори се бележи зголемена фреквенција на возила, но на граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Променливо облачно, посвежо и нестабилно со локален пороен дожд, грмежи и услови за краткотрајно невреме

Времето денеска, променливо облачно, посвежо и нестабилно со локален пороен дожд, грмежи и услови за краткотрајно невреме. Ќе дува слаб до умерен ветер од северен правец.
Минималната температура ќе биде во интервал од 13 до 20, а максималната ќе достигне од 23 до 32 степена.
Во Скопје, променливо облачно и нестабилно со повремен пороен дожд и грмежи. Во делови од котлината ќе има услови за краткотрајно невреме. Ќе дува слаб до умерен ветер од северен правец. Минималната температура ќе се спушти до 19, а максималната ќе достигне до 31 степен.
Во петок и сабота ќе биде претежно стабилно со благ пораст на дневната температура. Ново дестабилизирање на времето со локален пороен дожд и грмежи се очекува во недела и во почетокот на следната седмица.