Македонија
Арсовски: Да се ревидираат договорите за осветлување во Гази Баба вредни милиони

ВМРО-ДПМНЕ ги повика институциите и општината Гази Баба да ги ревидираат договорите за осветлување вредни милиони, и да утврдат дали состојбата на терен соодветствува со записниците на изведувачот, надзорот и општината.
Портпаролот на опозициската партија, Димче Арсовски изјави дека за само шест месеци во период од мај до октомври 2021 година Босрис Геогриевски како градоначалник на општина Гази Баба склучил договори за улично осветлување во висина од 2 милиони евра, и тоа со две фирми.
Рече дека има неколку симптоматични постапувања во овие договори кои што треба да бидат ревидирани од општинската власт.
„Како е можно за само 103 дена да се исцрпат 11 милиони денари договори за поставување нови линии и тековно одржување на уличното осветлување?
Дали соодвествува фактичката состојба со записниците од надзорот и дали е се онака како што е пријавено дека е сработено од изведувачот?
Додека се се уште активни овие договори не се исцрпени во август, општина Гази Баба и Борис Георгиевски склучиле нов договор од 1,7 милиони евра за паметно осветлување и менување на старите натриум сијалици со нови паметни лед светилки, и од тука прашауваме зошто е исплатен веднаш авансот од 340.000 евра согласно договор кон фирмата баш пред избори и потоа до заминувањето на Борис Георгиевски не е ништо побарано со работен налог да сработи токму оваа фирма која што го добила овој милионски тендер?
Дали им било важно само да се исплатат авансните пари пред изборите?
Дододека е активен овој милионски договор зошто во октомври 2021 година пред да си замине Борис Георгиевски наместо налози да се дадат за работа за постојниот договор од 1,7 милиони евра за паметни, лед светилки да се местат, Борис Ѓорѓиевски склучил нови договори за одржување на на старите натриумови светилки. Нели тие треба да бидат сменети?“, праша Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Активен е еден пожар на територијата на Македонија, два се под контрола, извести ЦУК

Во текот на изминатото деноноќие, на територијата на Македонија имало вкупно 27 пожари на отворен простор, од кои еден е активен, два се под контрола, а изгаснати се 24 пожари, соопшти Центарот за управување со кризи.
ЦУК извести дека е активен пожарот во општина Долнени, село Долгаец, каде што гори мешана шума.
Под контрола се два пожари, во општина Македонски Брод: Повеќенаменско подрачје Јасен (мешана шума) и во општина Гевгелија, на планината Кожуф (висока шума).
Како што информираше ЦУК, изгаснати се 24 пожари.
Македонија
„Влен“: Бујар Османи го вети автопатот Скопјe-Блаце, но донесе само лаги

„Поминаа 5 години, 7 месеци и 8 дена од свеченото потпишување на договорот за „првите 2 километри“ на автопатот Скопје – Блаце, а ветувањето на Бујар Османи со кое се фотографираше и политички се фалеше остана нереализирано“, велат од „Влен“.
„ФБ сесии, фотографи, изјави, скапи видеа, но резултати нула. Тоа е Бујар Османи. Ветуваа автопати, оставија само албуми со слики. Ветуваа нови болници, оставија семејни трагедии. Ветуваа водоводи, оставија пустош.
Бујар Османи беше министер во владата на Груевски, вицепремиер за европски прашања и министер за надворешни работи кај Заев и Ковачевски, вкупно повеќе од една деценија на највисоки државни функции. За тоа време немаше резултати за овој проект, ниту за албанските општини за кои најмногу ветуваше. Имаше Фејсбук сесии, снимени видеа и лажни ветувања, а резултати нула.
Доста беше со промотивни настани на лажни големи ветувања. Бујар Османи нема што да покаже како резултат зад себе, нема реализирани проекти, нема изградено ништо, нема помогнато никому.
Бујар Османи е политичар кариерист, без резултати. Неговите ветувања денес за Чаир се исти како ветувањето за автопатот кон Блаце пред пет и половина години. Празни“, се наведува во соопштението на „Влен“.
Македонија
На Табановце за излез од државата се чека околу 30 минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен, извести АМСМ.
Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.